لقيت في احد المنتديات البنات يشكرو في طريقة مجربينها لازالة الصدأ عن الملابس
يعني مثلا حديد يمس القماش مشمخ او ازرار القميص يطلقو الصدأ على القميص
المهم اعصرو عليه القارس يعني الليمون و عرضوه للشمس …كي يجف تلقاو الطاشة راحت
وكاينة اخت أخرى قالت عصرت عليه الليمون يعني شمخاتو بنصف ليمونة و رشت الملح و عرضاتو للشمس
وبعد لقاتها راحت البقع
جربو يا بنات
انا راني مخلية الفكرة احتياطية بالاك كانش نهار نديرها
بصح قولولي يالبنات كيفاش نحو طاشة الزيت على القش ؟؟؟
تحياتي
عصرت عليها ليمونة ودرتها فالشمس
النتيجة رائعة.
اما بالنسبة لطاشة الزيت أغسلي المكان المزيت بصابون الطرف واغسليه خليه ينشف ثم احكمي بودرة التالك ( تاع الأطفال) رشيها عليها وكثري وحطي قطعة قماش نظيفة عليها وقومي بكي المنطقة بالحرارة راح التالك يمتص بإذن الله الزيت
انا إستعملت هاته الفكرة وراح الزيت بنسبة 90 بالمئة ملاحظة (اللباس كان عندوا عدة سنوات فيه الزيت)
وهذه الوصفة من عند صاحب محل غسل وكي الملابس
مشكورة سالي
وأما بخصوص إزالة الطاشات الزيت من الملابس
أتفق مع الأخت أم عائشة وأحمد
لأني جربت الطريقة على ثوب أطاشالي بالزيت والله وكأنها غي موجودة من الأساس