الوسم: المساعدة

السلام عليكم اخواتي ربنا يهنيكم و يسعدكم انا جديدة في المنتدى اول مرة اكتب لما قرات مواضيع الاخوات قررت اكتب و ارجو المساعدة
انا فتاة تزوجت من حوالي سنة و نص ما عنديش اولاد تزوجت زواج تقليدي من واحد ما نعرفوش كنت ساكنة مع اهله و حاليا راني في بيتي وحدي الحقيقة اني لا اطيقه ابدا ما نحملوش خلاص صاير بينا مشاكل هو راجل يحوس غير على الفراش اناني جدا غير مسؤول على بيته كتن يشتغل بمؤسسة و طلع منها و هو طول النهار راقد في الدار البيت كله انا جهزته من باب مساعدة زوجي لكن هو مادار والو في داره مين نقله وعلاه ما تخدمش يقلي ما لقيتش و دايما راقد في الدار وين راح يلقى شغل واش يهمه الفراش و الجماع فقط و يغصبني على هذا ياخد مني بالغصب حتى لو كنت مريضة او تعبانة بصراحة تعبت نفسيتي
مرة رفضت نام معه طلقني بالفظ و جيت عند اهلي من بعد جا يطلب السماح و رجعتله
لكن ما حبش يتغير بصراحة وصلت لدرجة اني اكره و نكره نقعد معاه اليوم راني في دارنا جيت على اساس زيارة لكني قررت مانرجعش ليه لاني من كثر المشاكل صرت اعاني من وجع في راسي و رقبتي طلعت لي كتلة صغيرة لحد الان ما عرفتش واش هي ربي يشفيني و استخرت كثيرا و صلت لاخد قرار الانفصال اليوم احسن من يوم اخر ربما يكون اولاد ساعدوني و سامحوني اني طولت عليكم ربي يهنيكم و يسعدكم و يخليلكم ازواجكم

اختكم رهف تحياتي

مالقيت مانقول ربي يفرج عليك ويهدي زوجك
ان شاء الله المتزوجات ذوات الخبرة يعاونوك
ماحبيش نخرج بدون رد اسمحيلي

شكرا حبيبتي ضوء القمر ربي يخليك انا في انتظار المساعدة

شكرا حبيبتي و الله لو عندي نسبة واحد بالمية انه يتبدل ماراحش ننفصل بصح عرفته و شفته كيف داير محال يتبدل هو اصلا كان عايش بهدي الطريقة مع اهله متكل بزاف عموما ريحتيني الله يريح بالك و يخليك حبيبتي moonlihgt

ربي يكون في عونك اختي
والله مالقيت مانقولك اصبري ولا روحي لداركم؟؟؟؟؟؟؟؟
صعيبة الراجل كي يعود عديم المسؤولية، وكيما قالتلك الاخت حنان انت عاونتيه على هذا الشيء ، لكن انا مانلومكش انت حبيتي توقفي معاه وهو ماعرفش قدرو، (صراتلي انا ثاني)
انت وحدك تعرفي مليح زوجك اذا شفتي قادر يتبدل اصبري وصلي واكثري الدعاء وساعة سايسيه ساعة هدديه حتى يفرج ربي خطراه الطلاق ماشي ساهل وتكون امراة مطلقة في مجتمعنا تبانلي عند ك فكرة؟؟؟؟؟؟
من المهم ثاني تشاوري والديك هما يعرفوا خير مني وخير منك
وربي يشفيك ويهديك الى الرأي الصواب

شكرا حبيباتي حنان و حكيمة08 ربي يهنيكم و يخليكم واه كيما قولو ما يحس بالجمرة غير لي كواته شكرا على اهتمامكم و النصيحة لوكان عندي شك واحد بالمية يتبدل و الله ما نكتب قصتي في المنتدى كل واحد و نصيبه في الدنيا الحمد اله على الصحة ربي يهني الجميع تحياتي

ربي يكون في عونك اختي انشاء الله ربي يهدي زوجك اولا ابداي بلعقل معاه ساعفيه و بالاكي تخلي الشيطان يتغلب عليك استعيني بربي سبحانو و الدعاء و ما تنسايش عسى ان تكرهوا شيئا و هو خير لكم و الدعاء ثم الدعاء

تعيشي حبيبتي ام بيسو

العفو اختي امال

السلام عليكم اتمنى الخير للجميع والصحة : انا فتاة أبلغ من العمر 27 سنة تعرفت على شخص من فترة واصبحنا نتواصل فيما بيننا فيما يردي الله وجدت فيه الصفات التي كنت ابحث عنها في شريك الحياة تعلقنا ببعضنا البعض واحسست اني بستطاعتي ان اكمل معه بقية حياة لأني مرتاحة تماما معه ولما مرت فترة قصيرة حدث مالم يكن في الحسبان وهو خبر جائني كالصاعة اتصلت بي امرأة وقالت لي أنها هدا الشخص زوجها ولديه أولاد تمالكت نفسي ولم أفعل شيء ولكن بعد فترة اتصلت به وطلبت منه المجئ الى مكان عملي ولما جاء قلت له هل ماسعت صحيح قال لي نعم ولكن ليس هكدا لأني طلقتها مند 3 سنوات لاستحالة الحياة بينهما قررت الانفصال عنه ولكنه لم يتقبل الامر وطلب مني العفو وعهادني امام الله أنه لن يكدب مجددا علي وأحسسته أنه صادق في كلامه ولايريد مني سوى أن أكون زوجة صالحة له لم أرى منه إلا الخير والاحترام لي والحب الصادق العفيف صدقوني أنني وجدت فيه صفات الشخص المناسب لي ولكن لم أجد ما أفعل لأنه حدث مالم يكن في الحسبان وهو طليقته السابقة جاءت الى بيت أهلي وأخبرتهم أنني على علاقة بزوجها و أنه طلقها بسبي وهدا مجرد كدب لأنه طلقها قبل أن يعرفني لم أجد ما أفعل سوى الابتعاد عنه وقرر هو السفر إلى فرنسا الاستقرار هناك ولكنه لم يتركني رغم أنه بعيد ومازال لحد الوقت يريد التقدم لي والتحدث مع والدي وشرح لهم ماحدث ويريد مني أن أعيش معه في فرنسا أنا أعلم بأن حبه لي صادق ومستعد أن يضحي بنفسه من أجل سعادتي واسعاد أنا محتارة في أمري ماد أفعل أعنوني أعناكم الله هل أوافق أم لا

حكاية انو خبا عليك انو متزوج ومطلق هاذي كبيرة المفروض حاجة كيما هاذي ماتتخباش
ولنفرض انو راه صادق معاك وحابك شوفي نتي اذا تقدري تتزوجي مع واحد مطلق وتقبلي بالمضايقات اللي رايحة تجيك من زوجتو السابقة هذا غير انو عندو اولاد ورايح يكون مسؤول عليهم وعلى نفقتهم
المهم اختي انا انصحك بصلاة الاستخارة واسأل الله ان ينير بصيرتك ويقدم اللي فيه الخير

إسألي نفسك لو معرفتيش من طليقتو وقتاش كان راح يخبرك بعد الزواج باش يحطك أمام الأمر الواقع أنت شيْفاتو صادق لأنك أنت حابة تصدقيه أما إذا كنت حابة تتزوجيه لازم تعرفي أنك راح تدخلي مغامرة ماهيش محسوبة المخاطر وأنت على ما أظن علابالك وعندك شك فيه وإلا مكٌنتيش تطلبي النصيحة لأنك محتاجة لرأي يساعدك إستخيري

عزيزتى انت بلفعل فى امس الحاجة لنصح انا لما قرءت ارسالة كنت ريحة اكتبلك واقول لكى اتروكيه ولكن تدكرت قول الله فى المرءة(ان كيدهن عضيم ) انا اقولك اسال عنه متتبعش قلبك لان فى زمن صعب ولوحد اصبح لايطق فى نفسه فمابلك فى الغير ….واستخيرى الله فما خاب من استخار ……..واتمنى لكى اتوفيق

أختي الطيبة غلطة كبيرة داره و هي خبى عليك حاجة كيمه هدي بالعكس فان كان يريدك أن تكوني شريكته فهذه أول حاجة يقولهالك
لكن أنا أعذره ربما خاف أن يخسرك لو قال لكي أنه مطلق المهم يجب أن تسألي عنه و لا أنصحك أن تثقي في طليقته و انشاء الله يكون الخير و أتمنالك التوفيق
لا خاب من استخار و لا ضل من استشار
لذا أنصحك أن تستخيري الله و مابكون غالخير يارب

أنا نصيحتي من النوع الفريد واش فيها إدا كان مطلق,إنت تعرفي إدا كان طلقها قبلك و لا لالا,و إنت تعرفيه إذا كانو المحاسن التاعو تغطي على الغلطة هادي اتكلي على ربي و هو رايح يديك لفرنسا يعني مافيهاش مضايقات,
تفاهمي معاه من الأول و إدا راه هاب يتقدم خليه يتقدم أما قصة مطلق و الله هادي ماهيش مشكلة ,الناس راهم يديرو الثانية و الثالثة و الرابعة,
متنسايش استخيري اللله سبحانه و تعالى و هو يفرج عليك

أنا من رأي أختي فيحاء، حقيقة أنو مطلق ليست بمشكل و راكي تقولي باللي راهو ناويك للحلال و يجي تقدملك أمام أهلك و هو مقيم بفرنسا، نظن استخيري و زيدو سقسو عليه و إذا سهلت الأمور توكلي على الله و تزوجي ، ياك حلال من جهة، و من جهة أخرى، راهم متزوجين و لبنات يتبعو فيهم و يعيطولو قدام مرتو و هي راقدة معاه…..المهم بالتوفيق

صباح الخير اختي
وضعك صعب وانت ادرى به
مشكلة الكدب قبل الزواج ولو انه تخمامه باين من قبل… كون عرفت بلاك ماكملتيش معاه صح؟

لازم تسالوا عليه مليح مليح وخاصة لمادا طلق

وفي حالة ادا ما لقيتي انه طلق لاسباب تافهة فحادري منه فهدا يعني انه غير مسؤول و غير ناضج للزواج بعد
سبب الطلاق جد مهم خاصة انه عنده اولاد ….

من جهة اخرى ارى انه جاد معك لانه تقدم لاهلك لكن غفران الكدب لازم يندم عليه و مايزيدش يحطك في موقف كهدا

في جميع الاحوال انت لازلت صغيرة ويمكنك الانتظار بعد نصيبك بيد الله فلا تتسرعي العيش في بيت اهلك افضل بكثير من العيش مع زوج بمشاكل الزوجة السابقة خاصة مافعلته معك اد انه باينة يا حابة ترجعه يا حابة تخربله حياته ….ربي معاك

استخيري قبل اتخاد قرارك (بعد ما تسالي عليه طبعاا)

السلام عليكم شكرا على نصائحكم والله لا أدري يأخواتي كل يوم أصلي صلاة الاستخارة و أحس نفسي أني مرتاحة له و كأن شيء يشدني اليه لما أريد رفضه لا استطيع والكل يقول أنه انسان جيد لا يدخن و لا يسهر محافظ على صلاته في أوقاتها يعينني على طاعة الله بناصائه ومعلوماته الدينة رغم أنه عاش حياته في بلاد الكفر فرنسا إلا أنه متمسك بدين الله أكثر مني ولما سألته عن أسباب الطلاق قالي البعض منها والبعض قالي لي لا استطيع قولهم قلت له هل حاولتما الاصلاح بينكم قال لي نعم وبتدخل العقلاء ومن هم أعقل و افهم منا و لكن دون جدوى وقال لي اني سترتها أمام الله والعباد في شرفها حتى لا تفضح وكنت معها رجل ولا يمكن لأحد أن يفعل ما فعلت أن إلا من رحم ربي وقال لي رغم كل هدا لم تقدر التضحية التي ضحيت بها من أجلها حتى وصلت الى مرحلة لا يمكن التواصل بيننا فحدث الطلاق ولما قلت لها كيف سترتها قال لي هدا الشيء بينها وبين الله ولم يشأ ان يخبرني و قال لي أنها لم يكن ينقصها شيء كل ما تتمناه المرأة أو تحلم به وفرتها لها ولم تحمد الله على كل هدا والله يأخواتي أنا لم أشئ الزواج به ولكن لم أجد ما يعيبه إلا كدبته الأولى و الآن يصارحني بكل كبيرة وصغيرة حتى في أبسط الأشياء وقال لي مادام الله إسمه الحق والعدل فسيحكم الله ويظهر الحق وتوكلي الله الله فهو خير المتوكلين وانا كل يوم أدعوا الله أن يتولى أمري و أحس بالراحة اتجاهه رغم أن الخطاب يتقدموا لي لا استطيع القبول كان شيء يمنعني ويشدني إليه ، ربما تقولون أني أقبل فيه حبا في فرنسا أو ماله والله ليس صحيح وجدته رجل بمعنى الكلمة رجل تتمناه كل واحدة منا والله المعين

ربي يقدملك اللي فيه الخير ويهنيك اختي

السلام عليكم ورحمة الله وبركاته اخواتي العزيزات رمضانكم كريم اريد حلا سريعا لانني عندما اعمل قلب اللوز احيانا يصدق واحيانا يجي يابس وما يشربش الشاربات كنت في الماضي عندما اصنعه يجي يشهي والان لا اعرف السبب

اهلا اختي ايه مريم رمضان بالصحة عليك
اختي قلب الوز نقولك الصح يخرجلي مليح ولكن ماشي كيما نتاع الي يبيعوه ولكن طريقتي هادي الي متبعتها اخذتها من اخت جزائرية
يخرج روعة والله
جربيه وقوليلي

قلب اللوز

*المقادير:

-1 كغ سميد خشن.
-700غ ألى 750غ سكر عادي.
-100غ سمن ذائب.
-كاس شاي من ماء الزهر.
-القليل من الملح.
-ماء ضروري حوالي ربع لتر
-ملعقة من الفانيلا.

*الحشو:

-اللوز.
-ماء الزهر.
-قرفة.

*الشاربات:

-300غ سكر + 1لتر من الماء + كأس شاي من ماء الزهر.

*طريقة التحضير:

-ابدأ بتحضير الشاربات و ذلك بوضع السكر و الماء يغليان لمدة 10 دقائق في نهاية الغليان أضيفي ماء الزهر و اتركيه يبرد.
-أخلطي السميد ، السكر، الملح و الفانيلا. أضيفي السمن الذائب اخلطي جيدا بأصابع اليد فقط من دون أن تعجنيه و رشي بالماء و ماء الزهر من حين ألى آخرتماما كما يحضر الكسكس .
-اتركي الخليط يرتاح على الأقل نصف يوم ، ادهني السينية ضعي فيها نصف الخليط و ضعي عليها الحشو ثم غطيها بالنصف الآخر ،سويها ثم اقسمي المساحة ألى مربعات. ضعي في كل مربع حبة لوز . يوضع قلب اللوز في فرن مسخن ب 200 درجة مئوية لمدة 30 د حتى يصبح لونه أحمرفي أطراف السينية عندها حمريه من الأعلى .
-عند أخراجه من الفرن يسقى بالشاربات الباردة ثم يرجع ألى الفرن الساخن لكن مطفأ لمدة 10 دقائق . اتركيه يبرد ثم قطعيه.

شكرا لكي اختي العزيزة و صح فطورك ولكني اريد طريقة قلب اللوز اللذي يباع

شكرااااااااااااااااااا رنا

السلام عليكم انا عرس في ماي أريد وصفات طبيعية لتطويل الشعر

زيت الخروع يطول الشعر و كان خلطات تتباع عند المكتبات ثان طبيعية 100/100
ربي يسر امرك و ان شاء الله تتهني يا اختي العزيزة ربي يبارك في زواجك

انا ننصح اختى بالصبار تجيبيه و تنخيله الشوك و ترحيه بالروبو و من بعد تاخدى كتان من نوع موسلين و تبداى تعصري غادي يخرجلك سائل لزج مثل بياض البيض لونه اخضر و استعمليه قبل ما تروحى للحمام بليله قبل و غسلى شعرك و استعملى اي زيت او كريمة تحسيها توالم شعرك انا نستعمل كريمه petrol hahn لون العلبه اخضرتلقيها عند الصيدلى هدا انا نعمله لشعرى و في تحسن ملحوظ نتمنى نكون افدتك اختى…

افضل شيء هو زيت الحللللللللللللللزون عند العشاب يدير 45 الف هايل وراني ندير فيه ادعيلي معاك و عرسك مبررررروك

عليك وعلى شامبو هربل طول على طول ريحتو تهبل وصح يطول والقردون باينة هههههههههههه

اختي انا سمعت بزيت الترشوب مع الشامبو تاعو يتباع 600 دج قالولي صح مليح و تقدري تقراي عليه شوية في google باش تتاكدي و الله يسر امورك و يهنيك.

اختي استعملي زيت الحشيشة الخضراء هايل وسومتو معقولة وربي يهنيك

السلام عليكم ورحمة الله وبركاته
مرحبا اخواتي كيف الحال
المهم اخواتي انا عندي مشكلة دائما بفترة حملي اصاب بالم الظهر ولكن هاد المرة جا مبكر شوي او ما يسمى بعرق النساء لا اعلم المهم من جهة ولكن بالم لا يحتمل لدرجة اني ما نقدر لا امشي ولا اتحرك فظيع بمعنى الكلمة والحقيقة يبقى مرافقني لحتى الولادة والنفاس ويختفي الحمدلله لكن مع الاولاد صغار ما نقدرش حاليا نتحمل نبقى بمكاني وبيتي هملته وصار وسخ الصراحة حتى بنات بحثت تجي تخدم وحدة ثقة ونظيفة مالقيتش سبحان الله يعني معناة
الله لا يوريها لحد
اتمنى اتمنى وحدة تقولي حل لو تخفيف الم بسيط راضية المهم نتحرك ونعمل شغل بيتي ونقوم باولادي
دواء اعشاب اي شي رااااااااااااااااااااااااااضية الحل الحل فقط بارك الله فيكم
والله يبعد عليكم يارب

oukhti hanaa walah mana3raf walakin kima goulti rah yakhtafi ba3d nifasse
rouhi litabib balak ta3tilak chi poumade tamasdi biha louja3 dahrak wyahbat hata fardak yek
allah yachfik hanouna w taraj3ina salima
balak akhawat ya3arfou

ويشافيك عمري ام ياسمين تعيشي حبيبتي والله الطبيب ديما مايمدليش حاجة تحبسه او بالعادة مانحسلوش لان كان عندي ولدي فقط ودورك ماشاء الله يتعبوني جايين على بعضاهم لازم تنوضي وتنظفيهم وتوكليهم يعني حسيتله اكتر وكنت نستعمل مرهم من قبل ولكن مايعملي حتى شي للاسف
ربي يحفظك حنونة على الرد ربي يرزقك الصحة يارب

يارب يحفظك مون حبيبتي ويرزقك الصحة يارب حنونة
ولكن عرق النساء يقطعوه بصح انا نخاف يمكن نستحمل ههههههههههههههه خاصة كي قلتي بالحديد كيفاه يا ويلي نموت بالخوف انا
خممت نروح عند اهلي نسمع كتير يقطعوةه حتى خالي يقطعوا عند واحد الناس بصح مانعرف الطريقة نسقسي ونشوف
تعيشي مون حنونة

لالا ماشي يقطعلك رجلك……..ههههههههه
يقطع بالحديد و هو سخون غير ملبعيد، حنا بكري كان جارنا يعاني، راح قطع عند وحد الشيخ و دارلو منقوش نحاس في ودنو و 40 يوم ما يدوش يعني يمسح بالما برك و قالنا ريحت الحمد لله و هي علميا تتفسر علاخطرش فيها سخانة نتاع المعدن اللي هو الحديد و النحاس و راكي عارفة، سقسي و جربي ما فيها حتى ضرر…

هههههههههههههههههه الله يطمنك يارب ان شاء الله نسقسي ونشوف باذن الله حنونة

بشفا عليك أخت هنا أنا راني جبتلك بعض النصائح نشا الله تلقاي عندهم وبعض التمارين مفيدة جدا
-متقعديش بزاف القعدة لمدة طويلة يزيد يلهبو وما ترقديش على جهة وحدة لمدة طويلة يعني لازم تحركي شوية
-اشربي الماء بزاف لانه يمكن أكون املاح فالماء يخفف
-خدي فيتامين b12 لان مفيد للاعصاب
-خدي حمام سخون مفيد لتخفيف الألم
– والسر المهم هو هذ التمارين المفيدة تعمليه مرتين الى تلات مرات في اليوم
والفيديو المرفق يوريلك التمارين بما أنه بالانجليزية نشرحلك التمرين الأول أعمليه وأحسبي ل20 ونفس الشيء للرجل الأخرى ، التمرين الثاني أعمليه لمدة 20 ثانية، التمرين الثالث اكون ضهرك مستقيم والتمرين الرابع أعمليه لمدة 30 ثانية
نشأ الله نكون فدتك والله غضتيني حوستلك عليه من النت وترجمتهملك ولا فادوك ادعيلي دعوة خير برك ربي يشفيك

https://https://www.youtube.com/watch?v=W5kcxccYHBA

الله يشافيكي أختي هناء و يحسن عونك ألم الظهر واعر بزاف أنا تانيك راني مجربة
نصيحتي ليكي أنك تبعدي على المشروبات العشبية فيها مضرة للبيبي
أذا كان ألم ظهر عادي ستعملي مرهم (موف )
و أذا كان عرق النساء عملي مثل ما قالتلك الاخت موني هنا عندنا هنا في تلمسان زاوية تقطع على عرق النساء و الله يشافيك

الله يحفظك يارب عزيزتي والله نصائح قيمة جدا جدا والتمارين فعلا راح نجربها لان حسيتها تفيد لكن للاسف شرب الماء مانعاته حاليا لان لو شربت ملعقة ماتتخيليش الشي الي يعملولي قلبي يخرج منه الامر غريب ربي يجيب الخير هادا مانقول
والف الف الف شكر حبيبتي ربي يخليك

ويرزقك الصحة يارب فعلا الم الظهر الله لا يوريه لاحد الم ووجع فظيع جدا الحمدلله على كل حال
وباذن الله في عطلة الربيع راح نروح لاهلي ان شاء الله ونروح نجرب قطعه كيما يقولو يمكن نرتاح
جزاك الله خيرا تسنيم حبيبتي والف شكر على الرد والنصيحة

بسم الله الرحمان الرحيم
انا ختي و الله ما علا بالي بموضوع الحلبة مي كاين دوا مجرب و معندو حتى اثار جانبية اسمو موديستامين و هو لزيادة الوزن يباع في الصيدليات و بسعر مليييه

أختي حذاري من مودستامين هو دواء خا ص بالحساسية عندي مدة راني نستعمله تحت إشراف طبي صح يسمن و لكن و الله يعمل كوارث خطيك من الأدوية.
و بالنسبة للحلبة تقدري كل يوم تاكلي 7 حبات تخليهم يباتو في كاس ماء و الصباح تشربيه و تاكلي حبات الحلبة، و هذه الوصفة يديروها حتى للأطفال اللي يكون عندهم نقص الشهية حيث يمدولهم ماء منقوعة فيه الحلبة بالمقادير اللي ذكرتها

السلام عليكم

اخواتي من تعرف علاج طبيعي وفعال لحصى الكلى(علاج بالاعشاب) تدلني عليه في اسرع وقت ارجوكن وجزاكن الله كل خير

الى الاخت -أمال- أرجو لك الشفاء ، اليك وصفتين لديا خال كان يعاني من حصى الكلى
وصفت له -حشيشة- اسمها – فتاتة لحجار- تجدينها عند العشاب أو الذين يبعون العقاقير
كما يقال لهم- الطب البديل- تستعمل على شكل -تيزانة- و تشرب و سوف ترين النتيجة
أو عليك- بالشعير- يغسل و ينقع في كمية كبيرة من الماء لمدة يومين او ثلاث – لاتجعليه يتخمر- ثم صفيه و ضعيه في زجاجة للشراب بدل الماء لمدة طويلة ، هذه الوصفة جربت وأعطت نتيجة جيدة. أرجو لك اختي الشفاء.

بارك الله فيك اختي وجزاك كل خير مش انا المريضة عزوزتي هي لمريضة

ايه ختي الكادو خير
انا فراي اشريلها كوات شابة و لا كوفيرطة
و مبروك عليها ربي يهنيها

رايي من راي روح او ليدرة شابين

مبروك عليها ادا كانت تسكن وحدها فتحتاج الى اشياء كثيرة خاصة في الكوزينة
اشري لها ميكسور او برا كهربائي نوع جيدا

مشكورات حبيباتي ربي يحفظكم والله ريحتوني
ان شاء الله ناخد برايكم
ربي يخليكم ليا

ايضا طقم قهوة او شاي او حتى طقم عصير فاخر
يفي بالغرض

الحل الامثل كوفيرطة شابة خاتش قاع العروسات يكونو يحوسو يلمو كوفيرطات باش يديرو بيهم الدار

مشكورات حبيباتي
رربي يحفظكم ان شاء الله

ربي يهنيكم

السلام عليكم ورحمة الله وبركاته اواتي الكريماات ارجو ان اجد لديكن طلبي والمتمثل في اختبار للغة العربية للسنة الخامسة وذلك لاجرائه على شكل ندوة داخلية كنشاط ادماجي يعني ابحث عن نص جيد واسئلة لاني كرهت التكرااار واود شيئ جديد ويكون مميز
اتمنى ان اجد مساعدتكن اخواتي المعلمات

اللهم صل وسلم على سيدنا محمد

شكراااا لكن

موضوع جبد ارجوا ان يساعدوك

فاتت وجازت على خييير والحمد لله شكرااا لكن