الوسم: المربى

1كلغ فرينة+2 ملاعق صغيرة ملح+3 ملاعق كبيرة سكر+3بيض نخلط مع بعض
من جهة اخرى نخلط 2ملاعق خميرة+3ملاعق كبار سكر+ 2كيسان و نصف حليب دافىء و نخليها تطلع
لما تطلع الخميرة نضيفها الى خليط الفرينة و نلمها مليح اذا ماتلمتش ممكن تزيدي شوية حليب حتى تتشكل عندك عجينة مليحة تقطعيها الى 6كوريات تغطي عليها و تخليها تخمر مدة 15د او اكثر عينك هي ميزانك
ناخذ زبدة التوريق نذوبها و بعدما تطلع العجينة ناخذ كل كويرة نحلها دائرية كيما الكسرة و ندهنها بزبدة التوريق و نحط كل خبزة على اختها حتى للخبزة 6 ماندهنهاش نحطها و نحلهم و نعدلهم مليح نرجعهم طبقو واحدة ثم ندهنهم بالمربى انا اخترت مربى المشمش تحليه شوية و تدهني به اذا حبيتي زيدي الزبيب او اي فاكهة جافة مقطعة الى قطع صغيرة ثم تلف العجينة كانها قاطو رولي و تقطع دوائر و توضع في بلاط مدهون بالزبدة او الزيت و غطي عليها و خليها تخمر
بعدما تخمر ادهنيها بالبيض و الى الفرن المسخن مسبقا كي تطيب ادنيها بالمربى اللي حليتيه بشوية ماء باه يجي كي الجولي و تقدم بصحتكم
منقول