الوسم: العروووس

البنات راني نحوس على خمارات العرائس يكونو سامبل وباهيين في نفس الوقت الي لقيتهم قصار ولا رقاق بزاف واش تقترحو علي؟ نشري قماش ونخيط ولا كيفاش؟

واش قصدك يا لبنى بخمار العروسة
خمار باش تلبسيه كيما تعرسي وخلاص يعني تتحجبي به
ولا مع لاغوب بلونش؟؟؟؟؟؟؟؟؟؟؟؟

كاين فالسوق انواع كثييرة من مختلف انواع والوان الخمارات
واش راكي تحوسي بالظبط باش نقدرو ننصحوك حبيبتي

انا حابة ندير تصديرتي بالحجاب يعني خصني خمارات لقيت في المحلات معجبونيش مشي وافيين قصار

المشكل كنت شايفة ودرك كي راني حابة نشري ملقيتش

بالنسبة للاروب بلونش لقيت هذوك الي يجو كي لبوني ومعمرين ليسيستراس وكاين لاصق فيهم لفوال بصح معجبونيش حابة خمار ابيض ونضيفلو اكسسوار

شوفي ديري شال ابيض وشبحيه بالاكسوارات
مثلا جيبي شال ابيض ولصقي فيه ديامو صغار يتباعو
تجي هااااااااااااايله
ممكن سؤال
علاش رح اتديري تصديرتك بالخمار؟؟؟؟؟؟؟؟؟؟؟؟؟
اعراسكم مختلطة؟؟؟؟؟؟؟؟؟؟؟؟
ممكن تفهميني حبيبتي
اذا تقدري تجاوبي

ايه راني نخمم ندير خمار سامبل ونتحفو بالاكسسوارات.فيما يخص الاختلاط، انا وزوجي رايحين نديرو عرس واحد يعني مارايحاش ندير الحنة في الدار رايحين نديرو في الصالة مدابيا نخرج من الدار مستورة وباش نتجنب اي حاجة فلربما اخواته او ابناء عمه كانو لتم ولا كي يوصلونا الصباح للدار…يعني نكون مستورة خير

وانا هذي امنيتي من صغري اني نتحجب ، ماتجينيش اني متحجبة ونهار عرسي ندير شينيو ونلبس العريان وووو

مساء الخير حبيباتي، واليكن المخطوبات خاصة واش احوالكم في التجهيز؟ هاذو قفاطن، هاذو قنادر، هاذو ملابس وفراش وزيييد وزييييد .لكن هل راكم متذكرين هذا الشيئ؟

المصحف، السجادة ، المسبحة وطقم اسدال الصلاة

انهم في البال حبيبتي
و شكرا للتنبيه بارك الله فيك

العفو أخواتي…أتمنى من كل عروس ان تهتم بذلك

وفيك بركة أختي سووومة

رائعة هذه التذكرة حبيبتي

انا سجادتي ما زالت عندي منذ 20 عاما اصبحت بالية لكني احبها واعتز بها كثيرا

السلام عليكم ورحمة الله وبركاته
بوركتي حبيبتي على هذه التذكرة في ميزان حسناتك.

جزاك الله خيرا.لكن أختي لما المسبحة فالحمد لله قد رزقنا الله أصابع نسبح بها وهي ستشهد علينا يوم القيامة إضافة الى ذلك فهذه سنة التبي صلى الله عليه وسلم في التسبيح باليد.ولم يسبح قط بالمسبحة او ماشابه ذلك مع قدرته عليها.
أما المسبحة فهي بدعة ظهرت في العهد الفاطمي وقد أنكرها التابعون ومن جاء بعدهم الى يومنا هذا ممن سار على منهج السلف الصالح