الوسم: العاملات

السلام عليكم
ادعو كل العاملات الى الدخول الى هذه الصفحة من الدردشة والفضفضة وتبادل الاراء والافكار والخبرات
لان الضغط كبييييير فلابد من التفريغ عن النفس
تعالي اختي اطرح م شئت والاخوات يتفاعلن ويفدن ويناقشن
اذن ادعوكم اخواتي للجلوس حول مائدة الاسترخاء والاستراحة مع اخوات لم تلدهن امك
ام ادريس تدعوكم على فنجان قهوة خضرا والحلوى من عند الحاذقات حواء الجزائر

ان شاء الله تكون الجلة مريحة وتجد صداها

السلام عليكم
والله قهوتك جات في وقتها يا غالية
ذوقك راق جدا
اما الضغوط فلا تنتهي أبدا قهوتي راهي دوزي وسكر زيادة لأن ليلتي طويلة مع مشاغل الدار والدراسة والاولاد ولابد علي أن اقوم بمعظم اشغالي ليلا

اهلا وسهلا زينب معرفةالخير حنونتي
عرفينا على روحك وارواحي نفضفض
وكيما قلت الضغوط معانا
ربي يعينا

واش نحكيلك يا لحبيبة عندي غير الباكات وراهم مسؤولية ولدي مقدم على الشهادة والدار واسعة وكبيرة راح يتهد حيلي أعطني القهوة خلي أنحي الزعاف ربببببببببببببي يارب قويني

سلاااااااااام
هادا وين كملت فنجاني …….ربما الرابع تاع القهوة نحاول نسهر اكثر لان عملي ودراستي متراكمة بسبب اضطراب جدولي اليومي بالمفاجآت غير المتوقعة راح لي النهار باطل ولازم نخلف في الليل
لست عاملة خارج المنزل هذا العام لكن ادرس واعمل عبر النت وهذا مرهق للغاية مع الاولاد والفوضى تاع الدخول المدرسي ……………
المهم راني شربت القهوة وريحت شوية هنا وشكرا

بصحتكم يا الحبابات
راها قلوبنت معمرة
انا كيما انقي ما باين والو الدار ديما مضروبة من الفوضي
حبيبتي زينب واش تقراي ولا تخدمي
حبيبتي مليكة وين المشكلة بالاك كيما انا
ربي يفرج

هلين مشكورة عاى الموضوع الرائع والله انا تاني راني شربت من قهوتك بعطيك الصحة
انا نخدم في مدرسة ابتدائية

اهلا بنت عين صالح باصحة والهنا
انا ثاني معلمة
واش حالك مع الدار والخدمة ولاانت انسة
عرفينا روحك

انا مانيش معروضة انني مانيش خدامة خارج المنزل لكن مايمنعش اني نقولكم بالصحة و الهناء وان شاء الله كل حواء الجزائر متهنيات يارب

السلام عليكم
صح قهوتكم اشتقت اليكن والى قصراتكم
المهم دوركا وقت الرقاد كي نوض نصيبكم مازال على صينية القهوة
ربي يعاونكم

على حد علمي لا توجد مراسلة. من السنة الاولى ابتدائي

لا اظن ربما يوجد محو الامية

حقيقة لم اسمع
اظن محو الامية

وفيك بركة
منورة اختي