في البداية أريد أن أشكر كل المشرفين و كل المشاركين على كل المواضيع الهامة التي يطرحونها و يناقشونها و على كل المداخلات المفيدة.
أنا تونسية و أعيش في تونس و منذ بضع أشهر أتى شاب جزائري لخطبتي ورغم أننا لم نكن نعرف بعضنا جيدا إلا أنه في الوقت الحاضر و الحمد لله و بفضله اصبحت تربطنا علاقة حب كبيرة . و خلال هذه الفترة لاحظت أننا مختلفان في طريقة التفكيرو حتى في العقلية حيث اجده في بعض الأحيان متشددا أكثر من اللزوم فهو يمنعني مثلا من سياقة السيارة ، لا يريد أن أخرج للعمل مع أنني أستاذة لغة ألمانية هذا و قد قال أ نه يجب علي ان أرتدي ما يسمى بالعجارفهو يرى أن الحجاب وحده لا يكفي و كل ما سألته عن السبب يقول أنه شاوي و هو يحافظ على العادات و التقاليد . رغم أنني أجد نفسي متضايقة قليلا لكن أحب زوجي و أحترمه و أهله و المجتمع الذي يعيش فيه لذا فأنا أفعل ما بوسعي لكي يكون راض حيث أحاول أن استعد نفسيا للتأقلم مع المجتمع و البيئة التي سأعيش فيها، و كي لا أرتكب أخطا ءا فادحة نظرا للجهلي بهذه العادات . فما أرجوه منكم هو مساعدتي و إعطائي بعض النصائح التي يمكن أن تفيدني في كيفية تعاملي مع زوجي ؟ و شكرا لكم مسبقا
حبيت نقولك اختي ان الموضوع ما عندو حتى علاقة بالجذور الشاوية كاين الشاوي متفتح و كاين لي لعربي متشدد و هذي شخصيات فيهم و عليهم حاولي اختي تتفاهمي معاه درك على خدمتك وبعض الشروط احسن خير من بعد وزيد بالزيادة بحكم اني شاوية فيهم و عليهم كاين اللي متشدد وكاين اللي طالقها من بصح نقولك يديهم النيف هذا ماكان هذي هي الحاجة اللي تعجبني فيهم و نقولك كاينين خرين مع الاول يزيرو و من بعد يطلقوها انت خممي مليح وحاولي تتفاهمي هذا زواج اذا انت راكي مقتنعة بالكلام اللي قالهولك كملي معاه…كيما يقولو الحب اعمى ماتخليش الحب يعميلك عينيك ومن بعد تندمي ان شاء الله نكون افدتك حبيبتي خممي مليح
اختنا الحبيبة انت تونسية الاصل لكنك مسلمة في كل الاحوال والحمد لله الاسلام الف بين الغربي والشرقي بل حتى الانسان الغربي حين يسلم لله يصبح في تفكيره مثل العربي المسلم وهذا من فضل الله علينا ورحمته
اما كون العادات والتقاليد تختلف بينك وبين خطيبك انت ادرى بنفسك وصبرك اذا كنت راضية به لانك تحبينه فسالي نفسك هل انت مستعدة للتضحية من اجل زوج صالح ياخذ بيدك الى طاعة الله؟
الاصل ليس في انه شاوي انها مبادئ يتربى عليها الانسان ويؤمن بها وتصبح من اعتقاداته الاولى فيصعب التنازل عنها ومادامها غير مضرة بل تجلب لك السترة والعفة والحرمة مع زوجك فلماذا الحزن والحيرة؟انا شخصيا عندي اختي الكبرى مطلقة تزوجت عامين فقط ولم يدوم الفرح طويلا بسبب العمل والخروج للزيارات و..و.. لم يكن التفاهم قبل الزواج فكانت النهاية الطلاق اليوم والله العظيم اختي عندها سيارتها وعملها وسكن خاص بها وهي عايشة مع امي واخوتي لكنها تقولي بكل صراحةوالله تعبت وانهكني العمل ومشاكل الادارة لوكان يبان لي زوج يكفيني ويسعدني نسمح في كل شيئ ونريح…وانها تدعو الله ليل نهار بهذا الفتح بعد مرور السنوات الكثيرة
اختي حبيبتي فكري مليح وعليك بالاستخارة نور الحائر لان الله اعلم بامور الغيب استخيري وادعي الله ينورك في امرك ويهديك الى ما يرضاه لك في الدنيا والاخرة
الدنيا ايام معدودة ما يغركش فيها زهوها والوانها فكري في عاقبة الامور بحكمة وعقل كبير وان شاء الله ربي يسعدك ويهنيك بزوج يخاف عليك ويغار عليك وهذا هو الرجل الذي يحبه الله فالذي لا يغار على محارمه سماه الرسول صلى الله عليه وسلم الديوث لا يشم رائحة الجنة
أشكركما جزيل الشكر أختاي ام حسني و أم ميدو على هذه النصائح والله يدلنا و يدلكم للخير إنشاء الله
شوفي اختي انا مع ام حسنى في حوايج ونخالفها في حوايج اخرين صحيح ان المراة لازم تطيع زوجها وتتبنى افكارو ومعتقداتو ولكن ماشي عيب كي المراة تخدم هذا ماو حرام ماوعيب علاش الدين نتاعنا ماحرمش عمل المراة وعملك من اشرف الاعمال مدرسة الاجيال وسياقة السيارة ايضا ماشي عيب نعرف بنات والله بالنقاب ويسوقو بالعكس تقضي صوالحها وتفري امورها وماتضلش تديرونجي في راجلك كل دقيقة اديني جيبني وصلني هدا كلو اكيد بعد اخذ الاذن من الزوج خلاصة القول كلشي يجي بالتفاهم بين الزوجين والتفاهم من الاحسن قبل الزواج وليس بعده اللي اولو شرط اخرو نور
الموضوع عجبني وحبيت نشارك فيه ونقولك يا اختاه المسالة مسالة عقلية وكل واحد كيف يفكر ***مثلا من جهتنا في ولايتي بزاف ليديرو العجار ونخبرك انا كي تزوجت شرطت على العجار ما نديروش خاطر نكرهووووووووووووووووووووووووووو بزاف وشرطتو ليلة الدخلة وانت يلا زوجك فقط همو العجار والخدمة ماشي مشكل لتهدمي دارك عليه شوفي لامور وحدوخرة يلا راه عاجبك فيه المهم ما ترضخيش لكل طلباتو وحاولي تبدليه كاين الرجال ليبدلو العقلية على حساب ما تكون مرتو *****
يا اختي الموضوع كيما قالو الاخوات ما عندو حتي دخل لا بي الشاوي ولا بي القبائلي كل واحد وكيفاه عقليتو انا شاوية ونعرف الشاوية مليح اذا هذا الشخص فيه حوايج ملاح ومتدين ويعرف ربي الباقي اعرفي كيف تقنعوا بعضاكم والتفاهم يكون قبل الزوا ج يا تقنعيه يا يقنعك باه نبعد ما يصراوش المشاكل وربي يهنيك ان شاء الله
لازم تفرحي لانه رجل يخاف عليك حبيبتي
و باغيلك غير الخير
و ديري في بالك الذي يتقي الله سوف يتقي الله فيك
ربنا يقدملك اللي فيه الخير يا رب
رب يوفقكم لما فيه خير
و ان شاء الله ماا يوقفلكش في طريقك
و الشاوية معروفين بهاذ الشي
الا تحبيه ديري ف راسك بلي ح يزيد يطالبك باكثر و اكثر و يتحكم فيه و شوفي الا ح تصبري على هاد الشي و انتي تعرفي
و الله يسخرلك حنونة
تبانلي أختي تخممي مليح، الحب أعمى، ممكن تسمحي في كلش و زوجك تصيبيه شيء آخر بعد الزواج و تندمي، فكري جيدا، عملك مضمون، لكن الزواج ليس مضمون و لو كان كذلك لما حدث فراق و طلاق و لما انغرت رجال و نساء..استخيري
