الوسم: السكن

اعتذر ام الفة على عدم استخدام فواصل لتزيين المواضيع
والله نكتب بسرعة اعتذر منك

للرفع

انا ماعنديش أي مانع اذا كانت الظروف قدرت عليهم هاذ الشيء المهم التفاهم و العشرة الحسنة

بارك الله فيك وهيبة على المرور
ننتظر التفاعل وينكم الم يعجبكم الموضوع

انا ضد السكن مع اهلي …..لكن الضروف اقوى

انا ضد هذا الامر
ونادرون جدا هم الرجال الذين يرضون بالسكن مع اهل الزوجة

السلام عليكم ورحمة الله تعالى وبركاته

حبيت نطرح موضوع مهم واللي هو السكن مع اهل الزوج

كاين اللي راهي مع الفكرة وكاين اللي ضد الفكرة

كل وحدة تقولنا رايها بصراحة مع ذكر الاسباب

واذا كنتي متزوجة وجربتي السكن مع اهل الزوج احكيلنا تجربتك ووش هي النصائح اللي تمديها لكل مقبلة على الزواج

السلام عليكم
انا سكنت 3سنوات مع العائلة كنا ونعم العائلة كامل الناس يحسدونا على
اعشرة الطيبة لكن بصراحة كنت انحب الخصوصية في كل حاجة
رغم تفاهمنا مع بعض لكن اتمنيت وقتاش نفتح بيت لوحدي ونكون
مسوؤلة عليه لكن عمري ماقلت لزوجي هيا نسكنو وحدنا
غير كي سافر زوجي لمنطقة اخرى ووفرلنا السكن
وراني فى 15سنة وانا ساكنة وحدى والحمد لله
وننصح كل وحدة تحب تستقل وحدها تراعى لظروف زوجها

اممم انا نفضل نسكن عندهم
وكل حاجة بوقتهاا
ونحترم قراار زوجي نتبعو وين سكن نسكن معاه يا لوكاان في خيمة المهم نكون سعيدة

النية تغلب انشاء الله منخممش كامل غير في روحي نخمم ثااني في عجوزتي خااصة انهاا ام زوجي حبيبي واش نديرلهاا ونقول قليل فيهاا

موضوع مهم الف عافية على الفكرة ….انا لست متزوجة والصراحة نسكن في بيت العائلة مع اهلي الكل فيه الضيوف العمات الاعمام ……….الحمد لله متفتهمين لكن نحب بعد الزواج نسكن وحدي مللت من فكرة العائلة

شكرااا لكن على المشاركة بارائكن
في انتظار باقي الاخوات

[quote]نجرب نسكم معاهم إذا لقيتها حاكمة نكمل و إذا متفاهمتش معاهم ندير داري وحدي
موظوع رائع[/qu

ote]

صراحة نحب نسكن وحدي، تكون عندي داري نلبس واش نحب، نديكوري كيما نحب، ندير شغلي وقت ما نحب، و نزورهم بطبيعة الحال باش نبقاو عزاز

ما شاء الله على الافكار والردود المنورة
كل واحدة قالت الحق لانو كل زوج وظروفه الخاصة لكن صدقوني السكن المستقل ياتي باذن الله مع الوقت كي يكبرو الاولاد وقد يكون السكن صغير فاهل الزوج بروحهم يتمنوا لاولادهم الاستقلال بالسكن وكاين الي يحب يعلم اولادو المسؤولية والقيام بخدمة زوجته واولاده منذ البداية فيقترح عليه ان يتوفر له السكن قبل ما يجيب الزوجة
كما هناك من تستحيل العشرة بين بناته وزوجة ولده بسبب الاختلاف في العقلية او بعض الغيرة او الى ما ذلك لاننا في النهاية بشر ولا نخلو من العيوب فيبدا الزوج بذاتوا يفكر في ايجاد بيته المستقل حتى لا يخسر اهله وزوجته وهكذا فان هذا الامر كل واحدة ومكتوبها فيه
انا عن نفسي سكنت 10 سنوات بالتمام مع اهل زوجي بعقلية تختلف تماما عنهم من ناحية العادات والنظر الى بعض الامور ولم تكون سهلة علي في البداية ولكن ولله الحمد ما ربحتش العيب ابدا مع من حولي وتحملت بعض التجاوزات من حماتاتي بدون تفصيلووالله قاعدتي كانت دائما ولحد الان المظلوم ينتصر باذن الله مع بعض من الصبر واللجوء خاصة الى الله باداء ما فرض عليك ثم الاقتراب اليه بالنافلة والدعاء واحتساب الصبر وكانت النتيجة انني الان في بيتي المستقل قريب من اهل الزوج وبيننا اشد الاحترام والود وما زلت كي تحتاجني ام الزوج تلقاني عندها بدون مشكل لانها اولى بالمساعدة فهي ام شريك حياتك وحبيب قلبك
تمنياتي لكل واحدة بالصبر الجميل واليقين بان الله هو مدبر وصاحب الامور ولن يكون الا ما يريده عز وجل فلنتعلق بابواب رحمته ولا نياس ابدا من الدعاء وتمني الفرج منه عز وجلومن يتق الله يجعل له مخرجا ويرزقه من حيث لا يحتسب

ضوء القمر بارك الله فيك على الموضوع القيم

شكرا لكن اخواتي على المشاركة وابداء رايكن الخاص
شكرا لك اختي ام حسنى على نقل تجربتك لنا