الوسم: الرما

اولا قبل ماتشوفو الحلويات حبيت نقولكم هاد عيد اللحم كيما يقولونا اماهاتنا مي انا درت واش قدرت باش مانخرجش بلا عيد خاطر كنت ندير لبنت سلفي هاد السمانة ان شاء الله الشوفة تاعها و ما صدقت ندير ليا و ليها في نفس الوقت راكم علابالكم 2 ولاد الله يبارك
لي عندها لولاد صغار
راهي حاسة بيا دارو فيا حاااااااااااااااااااالة
ضرك نفتح موضوع جديد ان شاء الله نحط فيه القاطو لي درتلها

الصابلي

و هدا تاني نوع واحد آخرمن الصابلي

و المعمول محشي باللوز و الكابريس

و هادا لولادي واش رايكم فيه

و هادي مقارقشات

و صح عيدكم ينعاد علينا و عليكم بالصحة و الهنا
ادعيو لكل مهموم يفرج ربي همو ان شاء الله

يعطيك الصحة
و الله يكون في عونك
صح عيدك و كل عام وانتي و الولاد بخير

يعطيك الصحة وردة الرما راني ديت تبسي الصابلي يحبو زوجي و ولادي كثر خيرك ذرك نشوف واش نردلك فتبسي هههههههههههههههه
و ربي يحفظلك وليداتك و يسجيهملك يا رب
بصح المعمول جاك يهبل بدو كولور يشهي ديت غير واش نذوق عيدك مبارك

صح عيدك اختي
تعرفي صح الي عندها دراري صغار تعاني في القضية والي تلحقي ديريه تسماي شاطرة صح
تسلم الايادي اختي فيها براكة
صح هو عيد اللحم مي لازم الواحدة تلقى واش تحط في سنيتها وتاني
خير ماتشري من برى صح؟؟؟
يعطيك الصحة

يعطيكم الصحة ردودكم شجعتني بزااااااااااف
صح عيدكم

بصحتك حبوبة و كان جيت قريبة منك نبعتلك صح
انا تاني نموت على الصابلي

حلويات جميلة أختي وردة، يعطيك الصحة و صح عيدك

حلوة تشهي يا وردة
الله يبارك عليك
و بصحة الدراري على حلوتهم اللي فرحتيهم بيها
انا موالفة نديرلهم المادلان و نشبحو بلاكرام فراش و الشكولا يجي يشبه للخرفان
مي و الله ماقدرت الضرسة راهي دايرة فيا رايها
و كيما قلتي انتي اللي عندو دراري صغار و عايش وحدو الله يكون في عونو
بصح عيدك حنونة تكلوهم بالصحة و الهنا

ربي يشفيك لا تزيدي ماتقدريش تاكلي لحم العيد وتندمي
ههههههههههههههههههههههههههههههههههههههههه
و صح عيدكم و بوسي منذر

المقادير
كيلة بيض مثلا 5 بيضات
نفس الكيلة زيت زايدة شوي 2ملاعق ك
نفس الكيلة سكر عادي زايدة شوي 2ملاعق ك

2 اكياس فاني
مبشور ليمون اختياري
4 ملاعق ك نشاء باش يجي خفيف
3 اكياس خميرة
فرينة
3ملاعق ك كاكاو
ملعقة ص قهوة
ملعقة ص سكر قلاص
التحضير
تطلعي البيض مع السكر تم تضيفي السكر تدريجيا ثم الزيت و الفاني ثم مبشور الليمون و النشاء ثم الخميرة ثم الفرينة حتى تتحصلي على عجينة طرية بزاف يعني مدردرة نحي منها قل شوي من نصف العجينة و زيديلها 3ملاعق كاكاو ونزيد للعجينة البيضاء 4ملاعق فرينة ثم نقسمهم كورات تجي الكورة البنية اصغر من البيضاء بشوي و نبسطهم فوق بعضاهم و نرولي كبما نعمل الرولي و نعملها حربوش طويل و نبسطو شوي ثم ندهنو بصفار البيض و معاه ملعقة ص قهوة +ملعقة ص سكر قلاص و تزينيه بالجلجلان
ان شاء الله تكونو فهمتو
ولي عودة ان شاء الله نشرحوا بالتفصيل و الصور

يعطيك الصحة اختي بارك الله فيك جعلها الله في ميزان حسناتك

خرجلك روعة وردة بصحتكم
هي نفس طريقتي بالظبط
مشكووووووووووووورة

اختي اكتبي اسمك في الصورة

حبيبتي ضعي اسمك على الصور حتى لا تنسب لغيرك

السلام عليكم و رحمة الله تعالى و بركاته
بارك الله فيك

الله يجازيك ويعطيك الصحة والعافية اختك في الله أم وسام

روووووعه سلمت يداك اختي

رررررررررررررررررررائعة شكرا على الوصفة

نشوفو عند الناس بصح عمري جربتو تسلمي راح نجربو منك