تخيلو علاش يوجعني قلبي؟
كي كنت صغيرة كانت معانا وحدة في الحي دارهم فقراء بزاف بزاف وهي كانت كسوتها تقريبا مقطعة
احنا تاني كنا فقراء مي ماشي لديك الدرجة نتاعهم هوما
وكنا احنا البنات نحقروها بزاف مسكينة
نطردوها من جميع الالعاب اللي نلعبوها وهي والله العظيم تدير هاداك الجاست اللي تديره الدودة كي يروحو ويخلوها عينيها كل مرة يعمروا دموع .
وايضا كي كنا نروحو للمدرسة الابتدائية نتجمعو في بلاصة في الطريق ومنبعد نروحو جماعة وهي كي تجي نطردوها وتروح وحدها للمدرسة كيما قلتلكم كل مرة كنت نشوفها تتغااااااض ومرات تبكي بصمت
وكنا نقولولها انتي راكي تجيبي لنا الدبان.
واحد المرة جات لابسة كسوة نتاع وحدة جارتنا يماها تصدقت عليها بيها
كي شافتها لابسة كسوتها طارت عليها وقالت لها "يا السراقين يا الدايرين والغاعلين ……."
عمرنا ما سمعنا منها كلمة نتاع مشاجرة ولا معايرة و لا والو غير هاديك الدموع
المهم كبرنا والحمد لله في ميزكم واش صرا لهاد البنت ؟؟؟؟؟؟
خوتها كبروا وخدمو واحوالهم المعيشية تحسنت و هي كي كبرت اقسم بالله ربي اعطاها الزين و تسقدت في لباسها وما زالت طيبة ولا تكن لنا اي ضغينة وهادا اللي دمرني ما قالت لنا والو لا علاش كنتو تديرو ولا والو احنا رانا نروحو مرات لدارهم ونريحو معاها مي هي عمرها ما جات لديارنا الا في المناسبات الدينية يعني عيد الاضحى او الفطر فقططططططط
حاولنا نتقربو منها احنا مي هي كي شغل كانت تهاب منا ولا ماعلاباليش
راني نتمنى من كل قلبي تسامحنا وربي يسامحنا
و نذكرها بالمواقف الواحد تلوى الآخر و نعتذر منها
و نطلب السماح راه صحيح كنتو صغار بصّح تبقى
المواقف ثابثة و راسخة فهاذ اللاج بالذات
لأنو ذاكرة الصغر واللحظات المؤلمة تبقى محفورة
في القلب حتى وان لم تطلعكم على ما بداخلها
صفو النية بيناتكم و كلمة السماح
عن خطأ مر بعنفوان الصغر ليست صعبة
خاصة وانك قلتي قلبك يوجعك كي تفكري
تلك اللحظات ،داويه بالإعتذار حنونة
تحية لك عزيزتي فافيترا
لازم تروحيلها و تطلب منها السماح
هذا لا يحتاج الى جرأة بالعكس تسامحك هنا خير
لانوا هاته حتى و ان اظهرت انها نستها و لكن ابدا لن تنساها
ننتظر ان تخبرينا بردة فعلها …
هههههههههههههه
الله يغفرلنا في صغرنا درنا بزاف عفايس مشي شابين …
اطلبي منها السماح ماشي عيب