السلام عليكم حبيباتي
البارح جربت الجاري فريك نتاع قسنطينة لأول مرة و ما خرجليش كيما اللي كليتو في قسنطينة و الوصفة ديتها من عند أخواتي بالمنتدى، ما عرفتش وين المشكل
شوفو واش درت و قولولي
قليت اللحم مع بصلة رابي و ملح و فلفل لكحل و راس الحانوت في الزيت، و مبعد زدت حشيشة مقطعة الكرافس خلاصلي، و مبعد زدت حبة طوماطيش متوسطة و وحدة صغيرة رابيتهم و خليتها نشفت من الما و مرقت و ضفت مغرف و نص كونسونتري تومات و الحميصة، و كي قريب يطيب اللحم، رميت 2 مغارف و نص فريك………….و في الاخير قرن فلفل حار بصح ماجاتش كيما نتاع قسنطينة، خرجت شربة نورمال و صامطة
و الله ما فهمت
حبيبتي moonlight2016 المشكل ربما راه في الفريك لوكان درتي فنجان صغير
انا موالفة نعمل شوربة فريك لكن بطريقة مغايرة على الاصلية لان اصل الجاري يتعمل فقط بالطماطم و تبالي هكدا الشوربة جي خفيفة بزاف لذلك ندخل شوية خضر بطاطا صغيرة + 1/2 حبة كورجات + حبة زرودية و لفت نقلي اللحم مليح مع حبة بصل رابي + توابل فلفل اسود + ملح + فلفل عكري و راس الحانوت مانحبش نضيفو كي يتقلى مدة 20 د هكدا نضيف الخضر نتاوعي بعدما قشرتهم و نخليهم يزيدو يتقلاو مع اللحم+ حكمشة حمص يكون منفخ+2 حبات طماطم مقطعين مربعات+ قصبر و وريقات نعناع من بعد كي يتقلاو نمرق بالماء الساخن عينك ميزانك و تخليها حتى تغلي و طيب الخضار نطحنهم في روبو و نضيف م.ك نتاع طماطم مصبرة و نخليها تغلي مع قرن فلف حار و نضيف فنجان فريك هنا الفريك يكون لونو اخضر ماشي تشيشة لانها تنتفخ انت وعلى حسب كمية المرقة اللي عندك و الفريك نكون شليتو قبل مانضيفو و نخليهم يغلو مرة على مرة نحرك باش مايهبطش الفريك و يلصق و نخليه يطيب حتى نشوف بلي الشربة ثقالت نطفي عليها
انا موالفة نعمل شوربة فريك لكن بطريقة مغايرة على الاصلية لان اصل الجاري يتعمل فقط بالطماطم و تبالي هكدا الشوربة جي خفيفة بزاف لذلك ندخل شوية خضر بطاطا صغيرة + 1/2 حبة كورجات + حبة زرودية و لفت نقلي اللحم مليح مع حبة بصل رابي + توابل فلفل اسود + ملح + فلفل عكري و راس الحانوت مانحبش نضيفو كي يتقلى مدة 20 د هكدا نضيف الخضر نتاوعي بعدما قشرتهم و نخليهم يزيدو يتقلاو مع اللحم+ حكمشة حمص يكون منفخ+2 حبات طماطم مقطعين مربعات+ قصبر و وريقات نعناع من بعد كي يتقلاو نمرق بالماء الساخن عينك ميزانك و تخليها حتى تغلي و طيب الخضار نطحنهم في روبو و نضيف م.ك نتاع طماطم مصبرة و نخليها تغلي مع قرن فلف حار و نضيف فنجان فريك هنا الفريك يكون لونو اخضر ماشي تشيشة لانها تنتفخ انت وعلى حسب كمية المرقة اللي عندك و الفريك نكون شليتو قبل مانضيفو و نخليهم يغلو مرة على مرة نحرك باش مايهبطش الفريك و يلصق و نخليه يطيب حتى نشوف بلي الشربة ثقالت نطفي عليها
انا الطريقة اللي نستعملها في الايام العادية مثل اميرة الساحل باسكو في رمضان ما نديروهاش
قولي لي انت ما جالكش بنينة ولا ماليك قالو ليك مش بنينة
خاطر مرات نطيبو حاجة تجينا صامكة بصح اللي يدوقها يقول ليك بنينة
قولي لي انت ما جالكش بنينة ولا ماليك قالو ليك مش بنينة
خاطر مرات نطيبو حاجة تجينا صامكة بصح اللي يدوقها يقول ليك بنينة
شكرا حبيبتي أميرة الساحل، و الله نفس طريقتك اللي نديرها في الايام العادية بصح حبيت نجرب الجاري اللي فيه الطموماطيش و البصل برك قلت في حالة مايكونش عندي خضرة الوحدة تسلك روحها…هههههههههههه و سيرتو كي كليتو في قسنطينة خدموه فور
يعطيك الصحة و صح رمضانك
ايه صح عندك الحق انا تاني مرة كليت الجاري مرت عمي من عنابة عملتها يعني ذوقها هايل و عملتها كيما راكي تقولي غير بالطماطم و البصل و جات روعة و كي سقسيتها عليها تفاجأت لما قالتلي تتعمل فقط غير بالطماطم لكن انا ماجربتهاش والفت شوربة بالخضار ………صح كيما قلتي مرات الخضار ماتكونش متوفرة عندك الواحد يحب يسلك روحو
نستناو البنات صاحبات الخبرة في الجاري يفيدونا
نستناو البنات صاحبات الخبرة في الجاري يفيدونا
و الله حبيبتي بنت عين صالح ما عجبتنيش لا أنا لا الدار….هههههه، و أنا ما عجبتنيش علاخطرش ذقت الجاري الفريك نتاع قسنطينة من قبل
حبيبتي أميرة ربي يخليك، و نستناو صاحبات الخبرة في الجاري…..ههههه
صراحة لم اذق جاري فريك قسنطينة
حبيبتي انا نديرو كما انت بالذات مي لفريك ندير فنجان فريك ونخليه يعقد شوي
وخذتيهم البارح في الفطور يا مون هههه جربي جربي الحريرة و رديلي الخبر ههههه
شكرا على التفاعل شوق الروح حبيبتي
