السلام عليكم
اخواتي والله قلبي وجعني من ضاهرة رمي الخبز الي شفتها فالبلاد
هل ممكن يوصل بينا الامر لحد رمي الخبز الي هو نعمة ربي
الخبز ولايطايش في كل مكان لدا حبيت نقترح خطوة ولو من باب اضعف الايمان لاننا كلنا مسؤولين امام الله
لدا قلت اي اخت عندها فكرة لكيفية استغلال الخبز الزايد عن الحاجة ونحتسب اجرها على الله
ارجو التفاعل من الاخوات ولو من باب الحسنة ووعينا بدورنا كمسلمين
رايحة نعطي بعض الاقتراحات ممكن تكون بسيطة لكن قد تنفع
اولا نحاول نشري الكمية اي تكفينا اي لاللتبدير
ادا بقانا خبز زايد ممكن نديرو في كيس ونحطو فالكونجال كي نسحقو نجبد ممكن تسخني الكوشة قليلا واطفيها وتخلي فيها الخبز يديكونجلالك بالخف وتقول تاع داك النهار اي جديد
ممكن نديرو سفيرية ورايحة نحط وصفة ممكن تعاونكوم
ارجو التفاعل باش نسترو نعمة ربي
بارك الله فيك حبيبتي، أنا مرة شفت في لاتيلي دارت تارت بالخبز ، نحاتلو الكروت البراني، و قطعاتو و ستفتهو في مول و سقاتهم بمعجون سائل نتاع توت بري و فيه الحب، حتى تشرب مليح، و خلاتو في الفريجيدار و بعد جبداتو و نحاتو من المول خرج روعة، مانيش متفكرة بالضبط المقادير و واش فيها، إذا لقيت الوصفة نحطها بلاك شفتوها في فتافيت
انا انا قلبي يوجعني كي نشوف الخبز مطايش
انا نخليه ييبس وندير بيه شابلير وولا الخبز المقلي ولا معقودة الخبز اليابس لاخت عصفورة روعة
انا نطحن الخبز ونضيف القوفريط مفتت و الكوكاو و مطحون والعسل والزبدة واحلطي راتتحصلي على رفيس يشبه الرفيس الوهراني وتاني نعمل بسبوسة وتجي هايلة وخفيفة .
شكرا اختي على كل هده النصاءح لكن الخبز لا يمكن ان يضل في الثلاجة اكثر من 24 ساعة لان قيمته الغداءية تفقد
حتى هاد ديال الخبز المطحون انا دائما عندي بيدو معمر نقلي بيه المعقودة او الحوت