شفتو في جورنال و طبقتو و خرجلي خفيف و بنين و يريح ليستوما و يوالم القهوة و الماكلة
\
\
المقادير:
\
- رطل فرينة+ 1 خميرة تاع القاطو و مغيرفة صغيرة خمار الخبز + 2 حبات بيض+ مغيرفة صغيرة ملح+ مغيرفة صغيرة سكر+ ماء دافي+ 3 مغارف زيت (أنا درت زيت زيتون) + 2 مغارف حبة حلاوة (من أفضل الأعشاب لعلاج تعب المعدة وكذلك مشاكل الهضم ولعلاج النفخة والغازات وكذلك لإزالة المغص)
\
التحظير:
\
- ذوبت الخمار مع السكر في شويا ماء دافي
- خلطي كلش حتى تتلم العجينة و عجنيها شوية
- حليها رقيقة بزاف بالحلال و قطعيها دوار دوار (شوية كبار، أنا نقطعو بغرفية تاع الشربة)
- خليها تخمر واحد النص ساعة
- و طيبيها في مقلاة فيها شوووويه زيت و طيبيها من زوج جوايه حتى تحمار
احبك في الله يا اختاه[/align]
رووووووووووعة الله يبارك
خممت إذا ممكن تنحط في الفرن و دهنها بشويه زيت باش نتخلصو من القليان !
يعطيك الصحة و بصحتكم حبيبتي
كل وصفاتك باينة شهية وصحية