بسم الله الرحمن الرحيم
السلام عليكن واتمنى انكن بألف خير
ربما او الاكيد جيت متأخرة لكن المهم الوصول
حكايتي مع تربيتي لقططي او اولادي بالاحرى انا اسميهم لانهم وبكل صراحة حسسوني بأمومتي التي لم اجدها في تربية مخلوق ادمي كطفل مثلا وهدا لآرادة الله سبحانه وتعالى
المهم القطة الاولى جاتني من عند جارتي التي كانو عندها اطفال ويكثرون عليها بمعنى اللعب والعداب
عندها هربت عندي لهدوء البيت والخالي من المشاغبين .في الاول لم احبها لانها مخلوق غريب لكن اطعمها واخليها تنام عندي
لكن بمرور الوقت اصبحت نحبها ونتهلى فيها حسيت روحي عندي باش نتلهى كنت نقوم بيها كما يلزم
حليبها في الوقت وغداها في الوقت وكدا عشاها كنت نطعما خبز وسردين معلب نبسسو ليها بالخبز والكاشير واي اكل تحبو حتى اني وجدت ليها فراش ونغسلو مرة على مرة وكاني عندي طفل
وكبرت الالفة بيناتنا حتى ولات ترقد معايا بسريري ووالفتني لحد كبير حتى اني كنت لما نمرض وخاصتا لما تجيني العادة الشهرية حشاكم وتشوف وجعي والله العظيم ما تخليني وحدي وهي بجنبي وكأنها تعرف واش بيا والله تعجبت منها وفعلا اصبحت بنتي الاولي .وبعد اشهر ولما بلغت وشمو القطط الضالة انها اصبحت انثى متكاملة اصبحت عندي المواعيد كل يوم نشوف شكل واشكال حتى حصل المراد وهده فطرة الله في خلقه سواء حيوان اوانسان وبعد شهور اكتشف الجريمة بأنها حامل من غير زواج ولا إخباري وليت متهليا فيها اكثر وبيني وبينكم والله لا غرت منها قلتلها غير من ورايا واصبحتي حامل ايا قلت اولادك اولادي معليش ربي خير.
المهم فاتت الايام وجا وقت ولادتها وجدت ليها المكان وعرفتها عليه على فكرة نتكلم معاها وتفهمني قلت لها هنا تحطي البيبيات انتاعك وكل مرة ندخلها للكرتونة باش تتعود وفعلا يوم ولادتها دخلت ليها وكانت تتوجع وتصرخ وانا نبكي ونقرا على بطنها اية الكرسي باه ربي يخلصها على خير والحمد لله كل مرة ربي يستمع لدعاي وتولد على خير ومرات نعاونها بإخراج الصغر منها وليت ساش فام انتاعها ههههه ونقول يمكن شي نهار ربي يحصلني ليها وماتخلصني غير هي هادي الدنيا فيها كلش
وهكدا جاو لصغار 4 ماتو اثنين2 وبقاو 2 وربيتهم احسن تربية وعناية فائقة حتى اصبحو يشربو الحليب بديت معاهم تعليم انهم يعملو بيبي برا البيت لاني عندي حوش مهجور علمتهم فيه كيف يخرجو يقضو حاجتهم بلا ما يوسخو البيت او مكانهم في الحقيقة والله متعة مابعدها متعة حتى كبرو وبدات الشقاوة واللعب المتواصل انتاعهم كي تشوفهم تقولي مانبعدش خلاص من حداهم فرجة وجادبية كبيرة سبحان الله تهليت فيهم لحد ماكبرو ومعيشتهم بالحليب والكاشير والسردين المعلب وادا كان طازج نعطيعم والمشكل فيهم يحبو ينامو غير بحدايا الكل ينام معي بالسرير وهكدا حتى اصبحو 21قط وقطة كلهم من الام الاولى وكلهم احفظتهم ولا واحد نغفل عليه ونعرف الي دخل من برا ولا مزال حتى زوجي يحير فيا كيفاش نعقل عليهم ونعرفهم وكانو بزاف ناس يجو يحبو نعطيهم قططي لكن ولامرة مديتهم نحبهم ونبكي ادا واحد طلبني فيهم ولحد الان معروفة اني ما نمدش قططي ولا بفلوس الدنيا المهم قططي حياتي وهم انسي في هده الوحدة الخانقة انا عليا التربية وزوجي عليه يصرف عليهم ويدور عليهم ادا غابو او تأخرو في الدخول للبيت او سقوطهم عند الجيران من الاسطح ولعلمكن انني عاملة ثقب كبير في حيط الحوش باش يدخلو على راحتهم ويخرجووما خبرتكمش كي يحاوزوهم الدراري برا ويجو يجرو لعندي نخرج ندباز الصغار علاش يجرو من وراهم اما ادا مرضو تكون عندي حالة الطوارء بما ان الزوج ممرض يعني الكل الصيدلية عندي والسهر عليهم ليلا والله العظيم كيما راني نحكي اما بكائي عليهم مرة حتى خليت امي تبكي معايا في الهاتف وانا نخبرها واش راه صاري لقطوطي وكل اهلي يعزوني ادا مات لي احدهم صدقوني قصتي كبيرة وطويلة هدا الا المختصر في ايام اخرى احكي تفاصيل جنوني بحبي لهم
والسلام ختام
وهده من الجيل 4 او الخامس واصبح يعيش لها ب4 قطط
يـــــــــــــاسلااام
أضنهم طيور أختي شوفي مليح^^
بالجنوب عندنا اسطح نرقدو فيها بالصيف والاكيد عندك جار لاصق فيك يعني عادي فكري فيها تلقايها
لانها جات متاخرة للاسف
استمتعت بقراءت مغامرات مع القطط
موفقة
نقصت مع زمان
اللمهم موفقة أختي سامية
تقبلي مروري ــــــــــــــــ
موفقة
موفقة حبيبتي
بالنسبة لي الان نقصو عليا بزاف قططي وانقرضو الي مات والي هجر بقات لي من ريحة الاولى الغالية غير وحدة ربما الجيل 7 ولا 8 بصح معاها من جاو من برا راهم عايشين بنفس وتيرة قططي الي من صلبي ههههه امزح اي من القطة الاولى قلتتلكم حكايتي طويلة طول مدة حرماني من ضنى على كلام اهل المشرق
لاتسرق الاكل 
السلام عليكم ورحمةالله تعالى وبركاته
اولانشكر المشرفة المميزة التي نظمت هذه المسابقة الممتعة
.اللمس.
. اللي يجيني نشكيلوا ..الفكرون ما كلاش ضرك يموت.. حسيت انه واحد من الاطفال مريض دخلت للنت وسقسيت 
مع الاعتناء بهم والاستحمام في الصيف اكثروكان عندنا 12 عصفورا منه الكناري ومنه المقنين لهو طائر الحسون ومنه لمنغالي
