السلام عليكم ورحمةالله تعالى وبركاته
اولانشكر المشرفة المميزة التي نظمت هذه المسابقة الممتعةمن لايحب الحيوانات انا شخصيا من محبات الحيوانات ولكن من بعيد لبعيد ههههههاحب رؤيتها ولكن الاحتكاك بها مستحيل نعاف شعرها ونخاف من الامراض
ولكن هناك حيوان وحيد استثنيته من قاعدتي كيف لااحبه وقد سلب عقلي بجماله ولطفه وصوته الشجي
انه الكناري والكناري هوالكنارى الاطلنطى أو الكناري، هو طائر صغير من الطيور الجواثم في عائلة العصافير.وموطن الكنارى الأصلي هو جزر الازوروجزر الكناريوماديرا. وهذه الطيور البرية صفراء-خضراء اللون مع وجود بقع باللون البنى على المؤخرة. وجميع الفصائل مشتركة في الأسر وهناك بعض الاختلافات في الألوان.تربيتهتعد تربية الكناري ممتعة ولكنها تحتاج بعض الصبر من اجل الحصول على نتائج مرضية
اهم مرحلة في مراحل حياه الكناري هي التزاوج
ودرك نقوللكم اهم النقاط اللي لازم تركزو عليها اذا حبيتو تزاوجو الكناري
اول شيء كيفاش نعرف بلي الكناري الذكر صالح للزواج وهو العريس المناسب 
اولا يكون ناشط ومغرد وغير خامل
عيونو براقة هههه ياعيني ياعيني
مايهمش اللون الريش كل واحد وذوقة المهم مايكونش دائم التساقط ونظيف
درك نروحو للعروس
كيفاش نعرفو بلي الكناري العرو س بلي حابة تتزوج خخخخخخخاولا تلقاوها تقطع في الجورنال اللي اسفل القفص
تلقاوها كي تسمع صوت خطيبها تنوض تطير بدون انتظام راكم تشوفوالا حشمة لا حياء
تلقاوها تلم في الخيوط المخصصة للعش وتبني العش وتعاود تنحيه \راهي تنعت في روحها شوفوني راني شاطرة وامراة نتاع دار حرة
تلقاوها تهز ذيلها للاعلى وتظهر مؤخرتها وتهبط صدرها لاسفل العش 
تقعد في العش وكانها تحضن البيض
كي تشوفو هذ العلامات في عصافيركم معناها يلا نروح للمرحلة التحضيرية من اجل العرس الكبير
القفص الذهبي
لازم مايكونش صغير بزاف ومن الاحسن تكون فيه لا سيباراسيون
تحطو الذكر في جهة والانثى في جهة الاخرى اللي فيها العش وتغطيو السيباراسيون بقطعة قماش مالازمش يشوف خطيبتو
وتخلوهم مدة ثلاث او اربعة ايام على تلك الحالة
ومن بعد مرحلة التعارف ندخل في الجد
ندخل الذكر للانثى ونخليوه روحو ماتبقاوش تتفرجو
اذا شفتو الانثى تتهاوش وتتقابض معاه ماعليش امر طبيعي ولكن اذا زادت المهاوشات عن حدها عاودوا خرجوه وعاودو عملية التعارف
ومن بعد عاودوا دخلوه
اذا شفتوها قبلت بيه ومن علامات القبول تخليه يوكللها الله الله على الرومانسية
اذا ماقبلتش ماعندكم ماتديرو الله غالب المحبة ماشي بالسيف اشريولها ذكر اخر
واذا قبلت اياااااا مبروك عليكم الكتاكيت جاية في الطريق
وهذا كلو توفيق من رب العالمين قادرة تتوفر كل الشروط في الكانري اللي قلتهاومايحصلش تزاوج وماتجيبش البيض وقادرة العكس 
المهم انتم اذا اشتريتم الكناري ماتزاوجهمش حتى تدرسوا القضية مليح وتتعرفوا على كل مايلزم للتزاوج اشتروهم و استمتعوا بصوتهم وجمالهم
كانوا يونسوني وكنت نتمتع برؤيتهم ولكن للاسف مديتهم لضيق المكان عندي ولامور اخرى
ملاحظة مهمة الكناري حساس جدا جدا مرة شعلت السيشوار قدامو تخلع طاح اوبببببببببب من اعلى العش ومات ههههه
حكماتو سكتة قلبية من الخوف على هديك
مالازمش تعرضوه لتيارات هوائية
مالازمش تخليوه قدام الاطفال
مالازمش الحس القاوي عليه
ااكله يباع الاكل المخصص للكناري في محلات بيع الطيور ومرة على مرة اعطوه تفاح او كرطوس او عنب نحيو العلف او سلاطة نتاعي كان يموت على السلاطة
ومرة على مرة حطولهم باش يستحموا راهم يحبو الماء حطوه في حاجة يقدرو يستحموا فيها
واخيرا اتمنى اني نكون اوفيت ولو القلبل ويعجبكم موضوعي عن الكناري الرائعة
اختي اطياف الماضي
بٌأًرًڳّ أِلٌلُهً فَيٌڳّ عِلٌى أَلِمًوُضِوًعَ أٌلّقِيُمّ ۇۈۉأٌلُمِمّيِزُ
وُفّيُ أٌنِتُظٌأًرِ جّدًيًدّڳّ أِلّأَرّوّعٌ وِأًلِمًمًيِزَ
لًڳَ مِنٌيّ أٌجَمًلٌ أِلًتَحِيُأٌتِ
وُڳِلً أِلٌتَوَفّيُقٌ لُڳِ يّأِ رٌبِ
اسلوبك رآآآآئع تبارك الله
موفقه روحي .~
:2 thmup:
أعجبني أسلوبك في التعبير موفقة
تقبلي مروري
ام ضياء وراس عينك انا ندي العريس مع اولادو مي العروسة خخخخخخخ
غاضني لمسكين لقتلتيه باسشوار ههههههههههههههههههههههه
