وصفتي الثانية بالحلو نوجد طبق الحلو لكن نحضر مسبقا قوالب الرشتة هده الطريقة جامي شفتها او قالتلي عليها واحدة لكن عملتها في خطوبتي و ما نحطش حاجة ما جربتهاش
المهم تعرفو كامل وصفة البقلاوة نحضرها بكيلة صغيرة حسب ما تحبي انا نخدم بكيلة صغيرة والحاجة المليحة انك توجدي القوالب وتضعيهم في البلاستيك لحين الاستعمال
كي تحضري العجينة تخدميها في الرشتة تشكلي دوائر بالعجينة حاولي دوريهم على حاجة اسطوانية مثل الكاس ونمسك الاطراف ببياض البيض ليق نتحصل على شكل صحن دائري مرتفع في الاطراف كيما غرفية الحريرة او قالب الفلان – على هدا قلتلكم نستعمل كمية قليلة حسب الافراد- نخلوهم يشدو مليح اي يرتاحو ثم نطيبهم كي يطيبو نخليوهم في الصينية الفرن حتى يبردو ومن بعد نضعه في صحون فردية ونضع في وسطهم الحلو نتاعنا ونرش اللوز وهدا الطريقة نديرها كدلك في الفواكه. طريقة التقديم روعة الديكور برك اللي ما فهمتش نعاود – ممكن تشكليهم على ورق الالمنيوم شكل كروي وندور خيوط الرشتة ونطيبهم لانه الالمنيوم ماينحرقش وهكدا توفري على روحك التعب ..جربوها طريقة مختلفة في الديكور
ما تخميش ي رمضن قاع الوفات اللي حطيتهو رايحة نصورهملك ونكتب وصفات لنور حبيبتي ونجيبلك غير الجديد ما تخميش والمجرب
وما نحبش نخلي الكريدي على الناس نحبها واجدة هههههههههه
ربي يحفظك ويخليلك صحتك
هههههههههههههه واجده جي هايله
ادا عندك لاكام في الميكرو تقدري تاني تصوري بيها
عندي وحدة فهيني واللي نخدمها نوريهالكم هكدا في رمضان تكون الصور اوضح زوجي يقولي ما تحليهاش القرصنة راها دايرة حالة
ان شاء ربي يوقفني على رجلي وتشوفي كل شي نديره ونصورلكم
