واش راكم
ان شاء الله راكم ملآح
اليوم حابة نشــآرك في ماستر شــآف2
مقبلة
كيــش
المقادير:
_500غ فرينة _125غ زبدة
_بيضة
_مغرفة صغيرة خميرة الخبز+مغرفة صضيرة خميرة كيميائية
_كاس ماء دافئ
طرريقة التحضير
نخلط الفرينة مع الزبدة حتى تولي رملية من بعد نزيدو البيضة والخميرة وقثرصة ملح والماء الدافئ
هنا كي عجنتها
وهنا حطيتها في المول
وزدتلها شوية فورماج رابي
اما لحشو الكيش
صدر دجاج مقطع+كاشير+قشطة طرية+زيتون ايفيلي+4بيض
بعد ماحطيت الحشو
ونزيد نحط فرماج رابي
وهنا بعد ماطاب الكيش
التحلية
موس البرتقــآل
نخليكم مع المقادير والصور للتوضيح أكثر
عندنا 2 بيضات وزوج برتقالات
نفصل البياض عن الصفار
في سوبيير نخبط الصفار مع نص مغرف نشاء وزوج مغارف سكر عادي وعصير زوج برتقالات واذا البرتقال تاعك حامض زيدي السكر حسب الذوق تاعك
هنا بعد ماخبطو وحطيتو في كاسرونة حتى يخثار
وهنا بعد ماخثار
نروح لبياض البيض نخفقو مليح أولا حتان يطلع ونضيفلو زوج مغارف سكر قلاصي ورشة فاني ونخلط حتان يصبح القوام تاعو هكدايا
ونجي للاكريم شونتيي نطلع خمس مغارف كرام شونتيي مع كاس حليب بارد جدا وزوج مغارف سكر قلاصي كي تطلع نردها للثلاجة في انتظار خليط العصير والصفار يبرد مليح
كي يبرد خليط الصفار نضيفو مرة مغرف بياض البيض ومرة كرام شونتيي وهكذا حتان نكملو الخليط ولازم يكون التحريك من أسفل لأعلى وبرفق باش مايهبطوش المكونات لي عندنا
ونتحصل على هاذ لاموووس اللذيييييذة مممممممم
نحطها في القوالب ونزينها حسب الرغبة
أنا هنا زينتها ببشور البرتقال ولي حابة أنصاف البرتقال
ونردها للثلاجة أقل شيء ثلاث سوايع وتكون عندنا جاهزة
موفقة في المسابقة
الفقة معمرة به
وفي هدا كله انهم خفاف وسهلين
بصحتكم وموفقة في المسابقة ان شاء الله ملاك
موفقة
ميني خفيف و يشهي بصحتكم
عندي مانجرب من البابا تاع نوالو ولموس تاعك
موفقة عزيزتي
