-إخوتي حبيت نسقسيكم على صنع المثلجات تاع القارص glace greponé لاكان تعرفو أطيبوه ما تبخلونيش خاطر هنا ما يتباعش وأنا نموووووووووت عليه…
بارك الله فيكم
المهم علبة نيستلي 400 غ طلعية بالباتور تزيديلو 6 مغارف سكر احرش و طلعي ومن بعد تزيدي عصير و الزاست تاع ليمونة و تضربي ديري كيما تحبي عينك هي ميزانك ههههههههههههههه تحبي حتى تزيدي القارص
تحطيه في الكونجلاتور في علبة يجمد و ساعة على ساعة حركي من تحت لفوق
شهية طيبة
Créponné – sorbet au citron
2 ليمونات
110 غ سكر رطب
75 سل ماء
بياض بيضة
التحضير:
ديري السكر و الماء في كسرونة على النار و حركي حتى الذوبان التام للسكر و خليه حتى الغليان و من بعد نحيه من فوق النار و زيديلو الزاست تاع الليمونات و غطيه و خليه يبرد
من جهة اخرى ضربي البياض حتى يصير ثلج
اضيفي عصير الليمونتين الى الخليط الاول ثم البياض المخفوق و حركي
البياض يقعد فوق الخليط بالصح ماشي حاجة كي يجمد يتخلط مع بعضاه
من بعد حطيه في سوربتار اذا ما عندكش حطيه في الكونجيلاتورفي علبة حتى يجمد و خلطيه مع بعضاه من 2 الى 3 مرات باه تتحصلي على سوربي وكون ما ديريش هذه الخطوة رايحة تتحصلي على قطعة جليد فقط
ان شاء الله تجربيه و تحطيلنا نشوفوه هههههههههه
موفقة عزيزتي