التصنيف: إستفسارات وطلبات العضوات

إستفسارات وطلبات العضوات

شكون عندها وصفة كيك بالنستلي 2024.

مرحبا لبنات واش حوالكم لباس الجيريا

حابة ندير كيكة دورك وحوست في الانترنت بزاف ولكن مقادير معضمهم ماعنديش وعجزت نخرج نشري
الي عندها وصفة عادية وفيها نستلي تقولها عندي علبة ومالقيت واش ندير بها كل حاجة جربتها بيه حابة شي مختلف

طيب حبيباتي تاخرتوا عليا روحت درت كيكة من راسي هههههههههههههه
بعت ابني جابلي ايس كريم عادي ايس كريم
وعملت كيكة اسفنجية
وحشيتها بالايس كريم ومن فوق غطيتها بالتوفي الي هو طبعا حليب النستلي بعدما عملته طاب بطنجرة الصغط لمدة 35 دقيقة وجات يميييييييييييييييييييييييييييييييي كيكة ايس كريم بالتوفي حاجة روعة
حرااااااااااااااااااااااااام عليك الجيريا
هاتي نشوووووووووووووفو بركالجيريا
بصحتك هناء بصح ونراحو تصاورو حبيت نشوف مام مانكلش
ههههههههههههههههههههههههههههههههههه والله ماصورتها نسيت خلاص وللاسف كملتها بصح جربوها والله تهبل حتى راجلي وداخ ياكل ويتمتع بها هههههههههههههههههه
يم يشهي

طلب 2024.

الى اخواتي المشرفات ارجو نقل موضوعي (الى لؤلؤة القلب وكل وحدة متصلحلهاش لجنواز)الى قسم الحلويات لاني لم انتبه وكتبته مع الاطباق الرئيسية ولكن مني فائق التقدير والاحترام وشكراااااالجيريا

ساعدوووووني 2024.

اللي عندها وصفة بنينة تاع الكمونية تعطيهالي وجزاكن الله خير

حببتي واش تقصدي بالكمونية ما فهمت؟
lakan tagasti alkoumounia lafad ta kabch ?
tgazmi albsal toum malh falfal twabil ma3adnous w tahgasli mlih alchiwa
tagasmihoum sghar w tanasbi koulech ma ba3dah ala nar hadia
tamarki bi kas ma w tlouhi hafna houmas w 1cs tmatm
w tkhaliha tib ala nar hadia
hadia tarigati
inchalah ta3ajbak
w kayen ali yhout ma3aha zitoun
بارك الله فيك ياام ياسمين وربي يفضلك ياسمينالجيريا
سيدتي تحقيق الامل هذه اكلة معروفة تتعمل بالكبد والرية تاع الخروف
ينقل للقسم المناسب

امال مازالك حابة الكمونية؟؟؟

ايه حبيبتي ام بيسو مازالني حابتها

السلام عليكم امال
شوفي المرقة ديري بصل+ثوم+طماطم مقطعة مكعبات + شوية معدنوس+ملح وفلفل اسود وكمون طبعااا قليهم مليح ضفي الطماطم المصبرة ومن بعد امرقي مي ماشي بزااااف
2كاس الى 3 فقط ماء دافيء
(ادا كنت حديري فيها الرية قطعيها وضفيها مع التقلية )
اما
الكبدة قطعيها ومن بعد قليها على نار هادئة مع شوية زيت او سمن تتحمر فقط وماطيبيهاش
ثم ضفيها للمرق الي يكون غلى وخليها تكمل طيابها فيه
قبل ما تطفي ضفي المعدنوس المقطع
وما تنسايش عصرة قارص عند التقديم
هده اسرع طريقة واحسن لانه الكبدة ماتتهرالكش وتجيك بنينة علكيف
بصحتكم

شكرا جزيلا ربي يخليك يا غالية

عني سؤال لكن يا أخوات 2024.

السلام عليكم عندي سؤال انتم المتزوجات الآن كي قاعدين عند المنتدى واش خليتو ازواجكم يديرو آم راقدين؟

السلام عليكم

هههه ظحكني سؤالك
بالنسبة لي
راه قاعد حدايا وخطرة خطرة نحكيلو على موضوع من لي نقرا
وهو يتفرج افلام الاكشن وانا مانحبهمش
لهذا كي يتفرج حاجة تروقني نتفرجها معاه ونستغني على الميكرو
واذا العكي فهو يتفرج وانا معاكم

هههه وانت واش خليتيه يدير؟؟

انا راهو يشخر اليوم غلب البارح صهر مع الميكرو حتى الوحدة ومن الصبح ما ارقدش
نا راهو يشخر اليوم غلب البارح صهر مع الميكرو حتى الوحدة ومن الصبح ما ارقدش
زوجي في العمل مسافر شهر معانا وشهر في خدمتو
سؤال رائـــــــع و الله شحال من مرة أتساءل نفس السؤال
إن شاء الله يدخلوا المتزوجات و يجاوبوا

ربي يعينك اختي كيفاه تصبري شهر كامل بلا زوجك وهو كيفاه يقدر يبعد عليكم كل هذه المدة؟
ana rah hdaya yatfaraj wana rani m3akm hhhhh
عصفورة حالتك مكيش متزوجة. ربي يرزقك الزوج الصالح راكي خبيتي السن تاعك ما تخافيش ما نيش راح نسقسيك عليه. راح نقولك واش راكي عاملة في حياتك؟
أحب النت اكثر من التلفزيون

هذا كل ما في الأمر من شغلي للنت

شكرااا

مساعدة في التزيين 2024.

السلام عليكم ورحمة الله تعالى وبركاته راني حايرة يا لبنات غدوى عيد ميلاد بنت خويا وراح يكموندي الباتيسري مالقاش امالا طلب مني نخدملو وحدة بصح راهي تالفتلي كيفاش انزينها عندي الكريمة شانتي البنان الكيوي الأناناس التفاح اللوز شرائح فارميسال تاع الشيكولة الجيلاتين وربي يخليكم كل من عندها فكرة أوصورة متبخلش عليا وربي يجازيكم كل خيرالجيريا

الله يخليكم عاونوني
واقيلا كترت عليكم اسمحولي السلام عليكم ورحمة الله تعالى وبركاته
انا صح ما نعرفش بصح نقولك تلقاي طلبك بالنت كتبي تزيين الطورطات واكيد راح تلقاي الي يعجبك وتقدري تعمليه
كل عام وبنت اخوك بالف خييييير

بالعكس انت لي اسمحيلنا لاننا ربما مانتبهناش للموضوع ولكن كما قالت لك الاخت سامية فقط اكتبي تزيين طوطات او حتى طورطة بالفواكه والشونتي رايحة تلقاي مرادك بادن الله

ان شاء الله ديري حاجة شابة رانا نسناو الصور كيفاه جاتك

شوفي حبيبتي هذي الطارت اللي خدمتها لعيد ميلاد ولدي يوسف بالاك تعاونك شوية………الفارميسال تقدري ديريها في الاطراف
عيد ميلاد قرة عيني يوسف
و كل عام و الامورة بالف خير

و هذا الرابط ممكن تاني يساعدك
أعياد ميلاد ولادنا هنا

يعطيكم الصحة في الحقيقة أنا زعفت في الاول وقلت بالاك معنديش الزهر معاكم بصح منين قريت تدخلاتكم فرحت ونشكرمروركن الطيب وان شاء الله كي نوجدها غدوى نصورها ونوريهالكم في خاطر عيونكم
اهلا سالمة عيد ميلاد سعيد لبنت خوك ربي يطول في عمرها و بالمناسبة نقلك صحا عيدك كل عام و انت بالف خير
بالنسبة لطلبك اليك مجموعة من الكيكات عملتها في مناسبات مختلفة ان شاء الله تفيدك

الجيريا

الجيريا

و هذا رابط لطريقة عمل كيكة جينواز + افكار اخرى لتزيين الكيكة

تارت جينواز بنكهة الحامض + نصائح لنجاحها بالشرح المصور

الله يسلمك وانتي زادا صح عيدك

أين هي مطابخ الأخوات 2024.

السلام عليكن

فين بديت نهز الوصفات للأخوات عندي في الميكرو نحاو المطابخ كانت عملية سهلة جدا كنت نهز في وصفات أختي أم منذر لكن ماكملتش لأنني لم أجدها أطلب من الإدارة ترجعها من فضلكم

ايييييييييييييييييييييه
شفتي
خسارة
اوكان غير ارجعوهوم

خسارة
والله مانتبهت بالاك خلل تقني
[center]ايمااااااااااااا حوست على كوزينتي ملقيتاش ههههه
يا ربي يكون خلل برك[ و يتم اصلاحه فالقريب العاجل/center]

ادا كانت المواضيع المثبتة اللي راحت فهي موجودة
في الاحصائيات في البروفيل كي تعملي احصائيات صاحبة الوصفات تلقاي كل مواضيعها خاصة ام منذر موضيعها كلها موجودة القديمة والجديدة
وهدا الملاحظة اللي مدتها الاخت حنانور فيما يخص التثبيت
نبهت بزاف على المواضيع المثبتة ماتبقاش اكتر من اسبوعين
وكي عملنا موضوع مسابقة الشاف لازم يكون مكان لتثبيت هكدا يكونوا مواضيع المسابقات ظاهرة

هدا الرابط لاختنا ام منذر
مطبخ أم منذر هنا لمن تريد
هدا الرابط مطبخ
مطبخي انا carolina سابقا ..روح و ريحان .

لم افهم عد للخلف و حدث الموضوع 2024.

اخواتي حبيت نحط رد في موضوع التوابل جاتني رسالة من الادارة تقول ارجع للخلف وحدث الموضوع لم افهم ما افعل

نظن لازم تراسلي الادارة بخصوص هذا
موفقة عزيزتي

طلب من ام كوثر 2024.

السلام عليك يا لحبيبة

اتمنى ان تكوني بخير انا من محبي وصفاتك
حلويات او اطباق
المهم اريدمنك وصفة لمسكوتة بنينة و خفيفة بصح عندي غير 03 بيضات
ارجوا الرد السريع
واتمنى لك كل التوفيق
الجيرياالجيريا

ميرانغ 2024.

لبنات حابة نخدم طارطا لصحبتي وحبيت نزينها من فوق بميرانغ اللي عندها فكرة تقولي كيفاه خاطر ما نقشع والو في الكوزينةالجيريا

لبنات وينكم وحدة ما حبت تعاوني ولا كيفاش

حبيتي طريقة تحضير الميرانع ؤلا ؤاش بالضيط ؟

حبيت نخدم طارطا ونديكوريها بلاميورانغ وادا عندك حل اخر انصحيني
لقيت ليك هاذي التؤؤرتة إن شاء الله تعجبك يارب

المقادير
للعجينة
165 غراماً من الدقيق
100 غرام من الزبدة الباردة والمقطّعة إلى شرائح
ملعقة من مسحوق السكر
صفار 4 بيضات
ملعقة من الماء البارد
للحشو
ملعقتان كبيرتان من دقيق الذرة
100 غرام من السكر الناعم الذهبي
بشر حبّتين من الليمون الحامض
125 ملليلتراً من عصير الليمون الحامض

عصير حبّة من البرتقال
85 غراماً من الزبدة
صفار 3 بيضات
بيضة
مقادير الميرانغ
بياض 4 بيضات
200 غرام من السكر الذهبي الناعم
ملعقتان كبيرتان من دقيق الذرة
الطريقة
لإعداد العجينة
يضاف كلّ من الدقيق والزبدة ومسحوق السكر وصفار البيض وملعقة من الماء البارد في الخلاط الكهربائي، مع الخفق.
ثم، تفرد العجينة جيداً بالمشبك، وتوضع على الصينية الخاصّة بـ “التارت”، وتدع لبضع ساعات داخل الثلاجة. ثم، تخبز حتى تصبح ذهبيّة اللون.
لإعداد الحشو
يمزج دقيق الذرة وبشر الليمون والسكر في قدر متوسطة الحجم.

ثم يسكب عصيرا الليمون والبرتقال، وتوضع القدر على نار هادئة مع التحريك باستمرار.
حتى يصبح المزيج سميكاً وتتكوّن فقاعات فيه.
تخفق الزبدة مع صفار البيض والبيضة الكاملة، تضاف إلى خليط الحشو وتحرّك جيداً.
وتتمّ إعادتها إلى النار مرّة أخرى، مع التحريك جيّداً. تنزع عن النار بعد أن يصبح الخليط سميكاً، تعلوه الفقاعات. ثم، يوضع جانباً حتى يبرد.
لإعداد الميرانغ: يخفق بياض البيض مع نصف كميّة السكر على سرعة عالية حتى يتكوّن مزيج أبيض ومنفوش كالقط.
ثم يضاف دقيق الذرة والكمية المتبقية من السكر، ويخفق الخليط حتى يمتزج.
يسخّن الحشو قليلاً، يسكب على عجينة التارت المخبوزة، ثم يضاف المرانغ على الحشو ابتداءً من الأطراف، وتشكّل كما هو موضّح في الصورة.
تخبز في الفرن لمدّة 18 دقيقة، حتى تصبح المرانغ هشّة، وتزيّن ببشر الليمون والكرز

الجيريا

ملاحظة : تقدري تلؤني الميرانغ بملؤن غذائي باللؤن إلي يعجبك ؤتحبيه

الجيريا[/url
1 – نعمل لجينواز او الموسكوشو
6 حبات بيص
كاس سكر
كاس زيت
2 كاسين فرينة
كيس خميرة كيمائية
1مغرفة صغيرة فاني

نضرب البيض مع السكر بخلاط كهربائي حتى يتضاعف الحجم 4 مرات او اكثر
نضيف نزيد الزيت ثم الفرينة مع خميرة الكيمائية ونخلط الكل يدويا بهدوء كبير حتى لا تهبط
لان كلما يضربي البيض يدخل الهواء ويتضاعف الحجم
نسمح المول جيد ا ونفرع الخليط
الفرن يكون سحون 250د عندما يحمار من الجوانب نشعل من فوق ثم نطفي
ملاحظة
ندخل الموس فاذا وجدته ناشف فخلاص اطفي الفرن
نخرجو ه و نقلب على شبكة ونتركه يبرد

كرام الزبدة شوكولاطة
كاس سكر يغلي ونعمل قطرات من الخل
1 بيض ونخلط بخلاط كهربائي ونفرغ السيرو فوقه و نزيد 2مغارف كاكاو ثم نرمي الزبدة
حتى يصبح متماسك كريمة الشوكولاطة

نحضير لمورانغ ايطالي
4 بياض البيض
200غ سكر عادي
نضرب جيدا بياض البيض + نزيد السكر فوق كسرونة فوق اختها
في حمام مائي بعدما يطلع كثلج
بالمضرب الكهربائي عندما ننتهي

URL=https://arabsh.com]الجيريا

داخل كيس حلواني نعمل وردات صعيرة فوق ورق الجرائد
طهي لمورانغ في فرن درجة الحرارة ضعيفة جدا لكي ينشف فقط

السيرو

300غ سكر
1 لتر ماء
ويغلي ونطفي علية ببعد 10د
التزيين يرجع لكل واحدة ودوقها

يُنقل إلى القسم المناسب له
شكراااااااااا نوالو لكن لم افهم هل نرجعه للفرن ام لا
هنا ليمورانغ طابوا وحدهم وريدات صغار
ولكن ادا كانت لجينواز واجدة ونعملها لمورانغ ايطالية يعني ليطيب في حمام مريم
هادي تحمار فقط
ومانكونش عاملين كريمة الزبدة بعدما نخرجها من الفرن نعملوها بين الوردات
ممممممم روعة