التصنيف: استفسارات العروس

صح فطوركم يالغاليات على قلبي….

راني نوجد في الجهاز تاعي بصح احترت شحال ندوبياس حنشري … كل وحدة كيفاه تقولي…. وحدة تقول كثري … وحدة تقولي متكثريش… انصحوني راني واثقة فيكم بزاف
نحبكم….

ننصحك باش تكتري شحال راكي شارية لحد الأن

اووووووووو كثري و ما تخافيش انا درت 7 تاع بونج 4 دونتال و 10 سليب ولا اكثر نسيت و هاكذا قليل ثاني
الملابس الداخلية لازم تبدلي بزاف

واالله انا شريت يااختي العزيزة 8 هذا ماعندي

كثري على قد متقدري …..كن نقلكم شحال شريت تضحكو عليا
عندي فليزة ملابس داخلية و بقالي نتاع لاغوب بلونش انصحونا يا متزوجات

لازم تكتري على هكا باش تبدلي قدام راجلك بزاف

ننصح كل وحدة حابا تتزوج تكتر على الأقل دير كابا سوفاتموا وفيها السليبات هادوك الرقاق وكانش حاجة تسحقوني خبرتني بإنتظار ردودم *

لا كان في مقدورك أشري … حتى و لو من ال رخاس
راهم كاينين تاع 20 الف ….
ماشي شرط الغاليين … و كثري الألوان …ههههه
ربي يهنيك

السلام عليكم اخواتي
انا من واد سوف و راح نتزوج في سكيكدة الصيف هادا نشاله
ممكن من السكيكديات ينصحوني و يقولولي على العادات تاعهم في الاعراس مثلا احنا في واد سوف عندنا العرس ثلاث ايام
النهار الاول الحنة ,,,,والنهار الثاني تروح العرس لدار راجلها,,,,,,,,,,و النهار الثالث تدير التصديرة في دار اهل راجلها و يحزموها.
حبيت نعرف ادا انتم تاني هكا ولا لا
كدالك الجهاز واش تدو بالضبط

و آخر شي الكادوات تاع اهل الزوج واش تدو كدالك حابة نعرف الحزام وقتاش يكون وماهي عاداتكم فيه
ربي يخليكم فيدوني
اني نستنى في الرد تاعكم

وينكم يا بنات سكيكدة

ربي يهنيك اختي العرس كيما قلتي الحنة والغدوة تروح لعروسة وكاين الي يخلي نهار التاني بعد الحنة واليوم الي يلي دهاب العروس اليوم التالت تصدر لعروسة في دار رجلها وتحزملها حماتها بالمحزمة تاعها تاع الحمات والجهاز كيما كامل الجزائرين نضن
الكادوات كل واحد ومقدورو الحمات قندورة تاع عرس وحد تاع الدار على حساب سنها وملابس داخلية وخيمار وبشماق …..والحمو قندورة تاع رجال طبعا هههههوزربية تاع الصلاة ومنشفة وريحة …قتلك كل واحد ومقدورو والبنات كيف قنادر بيجمات ملابس داخلية وللاهل تاع الزوج كامل العمات والخلات قنادر المهم متقلقيش روحك كل واحد واش يحب يمد المهم التفاهم والهناء اي استفسار انا فالخدمة ممكن نعرف وين رايحة بالضبط لخاطر تاع لبلاد ماشي كيما لخرين شوية زوخين ههههههههههههههه

مبروك حبيبتي انا من ولاية سكيكدة بصح حتى فالولاية الوحدة تختلف العادات من منطقة لاخرى
المهم ام نزار كفت ووفت
قوليلنا واش منطقة فالسكيكدة واي استفسار راني فالخدمة حنونة

شكرا اخواتي ام سيرين و ام نزار
انا رايحة نشاله لتامالوس
حابة نسقسيكم ثاني على لحزام حنا عندنا الواحة تتصدر
وانتم كيف كيف والا لا و واش هي اللبسة الي تتحزمو بيها
ووووووادا جاتني اسئلة اخرى راني نسقسيكم
واسمحولي شقيتكم معايا

اختي ام سيرين وقتاش تديرو التصديرة في دار العريس
والتحزيم يكون فيه غاشي والا لا
واذا عندك اي اضافة اخرى فيديني راني ما عارفة والو على عادات سكيكدة
بارك الله فيك وربي يخليك نشاله

ekti raki jaya kribe mani ya3ni binatna 25 kilo

ادا هكا يا ام نزار معناها عاداتكم قريبة من لبلاسه هادي
ادا قدرتي وضحيلي الااعراس تاعكم كيفاش
و واش عاداتكم فيها

السلام عليك
صحة عيدك
لالا متقدم والو في عادتنا تقعد كي يعيطولها تدخل ليهم
ربي يكمل بالخير

صح كيما قالت الاخت حتى حنا تقعد قاعدة برك
ربي يوفقك

السلام عليكم
الف مبروك ختي ربي يكمل فالخير
ايه ماديري والو اقعدي برك
طبعا لابسة مليح و متزينة
و تروحي تقعدي مع ناسك

كاين بنات ما يديروا والوا يقعدوا برك
فكرتينى بصديقتى كى تخطبت وجاوها زعما راحت تسربي القهوة
من كثر الحشمة تسربي ويديها يرجفوا سيحت لحليب وخلطت كلش هههههههههه قعدوا غير يضحكو كامل
ربي يكون في عونك

اولا مبروك عليك انت قصدك يجيبولك عيدك؟ انا كي جابوهلي دخلت نورمال وقعدت معاهم وحكينا وسربيتلهم القهوة

إذا ماكيش حشامة بزاف و ماكاش اللي يعاونك سربيلهم القهوة و اقعدي معاهم شوية و إذا تحشمي خلي كاش وحدة تسربي

سلام
واش حالكم لبنات
حبيت نسقسيكم على اللباس التقليدي لوادي سوف
اذا كاين لباس خاص بالمنطقة
باش نديرو في تصديرتي
خاطر رايحة نتزوج للوادي

حوست في الانترنت و مالقيتش
مادابيكم اللي عندها صور ما تبخلش عليا

و مشكورين

ان شاء الله يدخلو السوفيات و يفيدوك . ربي يهنيك اختي

مشكوووووووووورة اختي

ان شاء الله يفيدوك لبنات

مشكوووووووووورة اختي طالبة عفو الله
عجبني اسمك

السلام عليكم اخوات صح فطوركم كيراكم مع تحضيرات العيد ربي يوفقكم كامل اليوم حبيتك تعطوني كاش وصفة و ماركة نتاع حنة باش تخرجلي كحلة البارح خرجت شريت رشام نتاع حنة و مازال ما شريتش الحنة قلت نسقسيكم صح خياتي ماتخيبوش ظني نعرفكم فحلات و شاطرات هههه ربي يهنيكم كامل

وهذي البوقالة في خاطر كامل الزينات نتاع المنتدى ايا انوو واعقدو

ذيك الشابة الزينة فاتت على قهوة نوضت الغاشي و فاتت على مقبرة نوضت الراشي و فاتت على سيد الرجال خلاتو مغاشي

أختي كي تحبي تشري الحنة قولي للبيعلك عطيني تاع مروك

يعطيك الصحة الاخت انا حابة نوعية شابة وادا ممكن وصفة باش ترجعهالي كحلة صحيتي الاخت

بارك الله فيك نسييها ونرد لك الخبر

صحيتي اختي معروفة الحنة نتاع المروك بلي شابة مام نتاع الصحرا شابة صحيتي اختي

صح فطورك ختي هاد الحنة مجربة جيبي حنة نتاع اميلا ولا الخليجية خطيها قبل ما ديريها عاالاقل ساعتين وكي تجي الوقت باش ديريها ديري فيها شوي ديليو ورايحة تخرجلك روعة انا مجربته ونديرها غير هيا ومام تقدري اديري حنة التاج بنفس الطريقة وبصحتك

اقوال الجدات ………….الحنة الحنينة لي ينوي فيها الخير يجيه

واه اختي زيدي فيها شوية انتاع الديليو تخرج تهبل
وشي نهار الا درت الحنة عند الحنايا نصور ليكم هاد المرة ما نقدرش عندنا وفاة

السلام عليكم يا بنات

عندي بنت خالتي رايحين يخطبوها على شهر إن شاء الله و مسكينة ما تخرجش بزاف و راهي غير تسقسي كيفاه تتم الخطبة لأنو كاين حوايج تبدلو و عادات زادو ولا نقصو فيهم، حبيت نشوركم علاخطرش علابالي بللي نصائحكم فيها خبرة و حكمة، أنا من جهتي و الله ما علابالي المهر شحال راهو واصل علابالي كل واحد كيفاه بصح إدا ممكن تقولولي شحال بالتقريب راهم يمدو، واش يجيبو معاهم أهل العريس و كيفاش نستقبلوهم؟ و الخطبة فيها فاتحة و لا عقد؟ ولا دير خطبة و المهر و تسنا الفاتحة حتي تتعرف مليح؟ إذا لازم طول فترة الخطوبة و لا شد مد؟ ما هو رأيكم، بنت خالي هي الأولى في بناته…..و كاين بنات خطبو و فتحو ز مبعد ندمو…………المهم واش لازم و واش ما لازمش؟؟؟؟
شكرا حبيباتي

وعليكم السلام ورحمة الله وبركاته
الله يهنيها يارب ويرزقها الزوج الصالح
بالنسبة لاستفسارك والله حتى انا مانعرف والووووووووووووووووو الله يستر
وتاني حاجة اكي عارفة كل ولاية وتقاليدها يعني تختلف انتي قولي المدينة الي تسكن واهمها مدينة خطيبها لان لو من ولاية تانية اختلاف كذلك فيها ويمكن تجي وحدة تفيدك اكتر ان شاء الله

ربي يهنيها ويرزقها الزوج الصالح انا ثاني من راي هانا عندي بزاف ماحضرتش افراح وماعلابليش لا في مهر اواي شئ ثانيا كل ولايه كيفاه يعني الاحسن تسقسي اشخاص من الولايه الي انتي ساكنه فيها

شكرا هناء و جنة، إن شاء الله الأخوات يفيدوني حتي نفيد بدوري….

حبيبتي ممكن تقوليلنا الولاية هكا نفيدوك اكتر لان كل ولاية و عاداتها و تقاليدها

شكرا أم كوثر ،الولاية اللي راهم جايين يخطبو منها هي شلف…..و بنت خالي تسكن في الخميس………..

يعطيك الصحة رتيبة…………صح النية هي كل شيء بصح علا حساب واش قالونا الإمام ما هوش يفتح حتى يشوف العقد…..و بزاف أكدونا هاد الشيء..
و ربي يجيب الخير، مارسي حنونة

كيما قالت رتيبة
المهم كل واحد يزين نيتو و يتكل على ربي و ما تنساش الاستخارة
ادا كانو جايين يشوفو تستقبلهم الام و العروس تبقى كي الشاطرة تمد ليماها و توجد القهوة و قاطو و توجد روحها و ماتدخلش حتى يطلبو يشوفوها تدخل تسلم عليهم و تبقى مدة قصيرة و ادا سألوها لازم تعرف واش تهدر لانهم جايين يسكانو ههههههه و ماتهدرو لا على المهر لا والو هدرة نووورمال
وكي يقبلو و يعاودو يجو تما يبدأ الصح لازم العريس يتفاهم مع الاب على و يتناقشو و يجي مع عايلتو يديرلها الخاتم و كاين الي يحشمو يقول ليماه بعني العجوز تدير الخاتم و يقطعو الشرط بحضور الامام ولا فالمسجد و موراها الحنة و العرس و اعرضونا
شوفي اختي ما تحيريش قااااااع سهليها تسهل
بالنسبة للمهر والله 8 ملاين اقل شي لانو كلشي راه غالي و خاصة ادا البنت ماتخدمش و ماكاش الي يزيد فيها. ولا تتفاهمو مع عائلة العريس على كيما نقولو" عرس قلاليل" sans exagérer و الأهم تع الأهم هو التفاهم و الهنا
و ربي يسهللكم و تفرحو و ماتنسايش تحكيلنا كيفاش جازت

*

يعطيك الصحة سهام، وفيتي و كفيتي، بارك الله فيك

السلام علييكم اخواتي

بداية اريد تسريحة بدون بوستيش لعروسة
تحياتي لكن

أهلا أختي
اذا مراكيش مزروبة بهاد الطلب درك نشوفلك و لي عودة ان شاء الله

[IMG]

[/IMG]

[IMG]

[/IMG]

[IMG]

[/IMG]

روووووعة هناء

يا جماعة شكون من معسكر..سيق..بالتحديد تقولي عادات و تقاليدهم
واش دير العروسة تصديرة عندهم
وهل هم متحضرين ام متعقدين وكل شيء ضروري ارجوكم

أنا من الغرب نظن أنو عاداتهم يشبهو لعادات و هران و مستغانم أما بالنسبة للتصديرة فيها القفطان و المنصورية و البلوزة هاذو الأساسيات
حبيت نفهمك حاجة أختي و متزعفيش مني أنا منضنش أنك تقدري تحكمي على العائلة من المنطقة قادرة يكون و لاد سيدي يحي أو نادي الصنوبر و محافظين يعني المنطقة مهيش معيار على تحضر العائلة شوفي العقلية تاع الناس اللي راكي رايحة عندهم

انا اصلى من معسكر وعاداتنا تختلف عن عداتكم انا عندى اختى تسكن فى الحمادىة تم عندكم

حبيبتي موضوعك ليس ف القسم المناسب

اختي انا من سيدي بلعباس
بصح راني درك نسكن في معسكر

الجهاز هوا
شوفي ختي البنت دير 8لحوف

و8مخايد
والكوفيرتات كيما تحبي
والدهب كرفاش بولحيه وتاع الي يديروهم لك خوك ولا ختك ولا اابيك
كوف رولي
والحوايج ديري خمس بلايز

كاراكو

والصبابيط على حساب اللبسه الي عندك

والسله الي ديري فيها الصابون والشومبوا والروايح والماكياج

.
وديري الفشاكير

بينوار


وبدعيات يعني جبات
وتاني الميامي

والباقي معلاباليش نتمنى الاخوات يفيدوك

وهنا ختي المرة مين تتزوج دير العجار
عندهم هنا في معسكر بزاف الحرمه وتحسي قاع الناس يعرفو بعض

salam oukheti matezwja tamakk fi sig ya khetii homa nasse tayrinne yebghou lhma weybghou lbssa lhamia ania ngoulk 3alihoum we fi 3aglythoum chaba yedalou fi oran hawasiine kima dare khetiii yedalouu yekherjou yehawsou 3aglythoum lahh a3lame yebghou yekounou homa l four g3e ra nhder 3ala dare li matzawja fiha khetii walahh 3alame lahh yesalke khetii

شكرا على تفاعلكم ونصائحكم

السلام عليكم …كيف الحال انشاء الله الجميع بخير
انا اخت جديدة من بينكم انشاء الله اكون عند حسن الظن و استفيد و افيد انشاء الله …

استفساري هو اني ما باقيش بزااف على العرس تاعي انشاء الله ….والله حشمانة نقولكم ……….انا عندي سواد في المنطقة … انشاء الله تفهموني حبيت نعرف هل هو طبيعي ام لا !..وهل في طريقة للتخلص منه !
انا كثير مقلقة و عندي وسواس من جهة غشاء البكارة ..( اسفة على الصراحة ) و الله الي نسالها تقولي عادي كل العرائس تمر بالفترة تاع الوسواس ……. ارجوكم ان تفيدوني ربما نرتاح شوية ….

وشكرااا

مرحبا بيك بيننا اختي
بالنسبة لاسئلتك
ان شاء الله الاخوات يفيدوك

يلام حبيبتي
بالنسبة للمشكل الاول كاين موضوع والله ماني متفكرة عنوانو لكن بادن الله نحوس ونبعتلك الرابط فيه وصفات من العضوات مجربة لتبييض المنطقة الحساسة
اما عن الوسواس نقولك نحيه من راسك وخليك مستمتعة بايام العزوبية وماقبل العرس لانو هدي الفترة دوك تفوت ليه ليه وتندمي عليها ههه وحتى العرس يفوت فلمح البصر وما تحسي بوالو وتقولي كون غير ما خممتش فهدي وهدي ههههه ما تتوسوسي ما والو لا ما صرالك حتى حادث او شيئ يخليك تشكي انساي القصة حبيبتي والا روحي لدكتورة نسائية وارتاحي نهائيا
مبروك مسبقا وربي يهنيك

الاستغفار احسن وسيلة و حل

موضوع مهم لكل عروس و كل متزوجة و حتى العزباء
ادخلي هنا ممكن تستفيدي او روحي للجزء وين مكتوب بحث اعلى الصفحة واكتبي عبارة تبييض المنطقة الحساسة دوك يخرجولك كامل الوصفات والمواضيع تاع الاخوات وان شاء الله تستفيدي منها

شكرا على الردود

rabi ysahlk

متتوسوسيش بزاف و ربي يسهلك انشاء الله و بالنسبة للسواد هاكي و شوفي هدا الموضوع
الحل النهائي لسواد المنطقة الحساسة

مشكورة اختي imene mina على المعلومة راح نبدا نجربها من اليوم …. جزاك الله الف خير

السلام عليك
ربي يكملك بالخير
عن السواد ديري زيت الورد مسحي بالقطن راه مفيد و مجرب