هذه مشاركتي في مسابقة الطبخ.
سأشارك بأربعة وجبات قمت بتحضيرها في اليوم الأول من رمضان.
طبق رئيسي شربة فربك على طريقة ماما
طبق ثاني طاجين الزيتون على طريقتي
طبق ثالث سلطة الفتوش السورية
طبق رابع تحلية فلون قوس قزج
الشربة سهلة بزاف وبنينة بزاف تخدمها ماما في الاعراس.
التحضير
نرحي البصل والطماطم والمعدنوس مع بعض
نحطهم في طنجرة مع اللحم مع اضافة الزبت والتوابل : فلفل اكحل ، فلفل احمر ،ملح، كسبر وثوم مرحي
نظيف النعناع اليابس مرحي في اليد
مغرف طماطم مصبرة وشوية هريسة ونخلي اللحم يترقد في التوابل
بعد ما يترقد اللحم، نقليه على نار هادئة حتى يذبل البصل
نضيف الماء السخون ووريقات رند
بعد ما يغلي النرق نضيف الحميصة المشمخة
بعدما يطيب اللحم، نغسل حوالي ثلاثة ملاعق فريك حسب العائلة
نضيف في الاخير اوراق نعناع يمد رائحة زكية جدا للشربة
طاجين الزيتون على طريقتي
بعدما نذوب الزبدة نضيف البصل مع الكركم وشوية فلفل اسود وكسبر نقليه مليح ونضع الدجاج
ونضيف المعدنوس المقطع مع شوية قرفة
نمرق بثلاث كؤوس ماء والرند ونخليه يغلي ونضيف الزيتون تم بعده الجزر المقلي بعدما يطيبو
وتنقص المرق نظيف اللحم المرحي المقلي
نزين الطبق بالبطاطا المقلية
سلطة الفتوش
نقطع جميع انواع الخضروات مربعات صغيرة فلفل احمر فلفل اخضر سلطة خيار جزر فيجل طماطم معدنوس
نحضر الصلصة
ثوم مقطع عصير الليمون الزيت والملح ودبس الرمان والسماق نخلط مليح ونحطهم فوق خليط السلطة
ونقطع الخبز السوري مربعات ونقليه ولما نقدم الطبق نضع فوقو الخبز حتى مايتشمخش ويبقى مقرمش
ونزين من فوق بقطرات دبس الرمان ورشة سماق
فلان قوس قزح
في كل الطبقات نفيس المكيال
كاس حليب مع مغرفة صغيرة نشاء مغرفة صغيرة سكر وملعقتين جوز الهند
الطبقة الاولى نضيف فلان الفاني ونحطو على الننار يهز الفيضة ونضعو بالمقلوب في القوالب والقوالب نضعهم مايلين على اي اناء انا وضعتهم فوق الطاجين
نفس الطريقة مع الطبقة الثانية لكن باضافة نصف علبة شكلاطة مع علبة فلون فاني والطبقة الثالثة باضافة ملون احمر وعطر الفراز وعلبة فلون فاني
وهاهوما اطباقي جاهزين وبصحتكم يالغوالي
انتظر بفارغ الصبر تعليقاتكم.
صحا صحوركم وصيامكم
ربي يباركلكم حبيبتي ويديم النعمة عليكم يااارب
يعطيك الصحة
وطبعا انااااااااااااااااااااااااا اللي رايحة نربح ماتعيوش رواحكم هههههههه
بالتوفييييييييييييييييق
السفر تشهي اطباق رائعه و منوعه اخر صورة واش هي
سلمت يداك ام يارا و بالتوفيق
ربي يدومها نعمة عليكم وعلينا
بصحتكم
اطباق جمبلة
موفقة
بصحتكم
بالتوفيق حبيبتي
