لدورة التعليمية لحلويات التقليدية
الدزيريات
المقادير
3كيلات فرينة سيم
نص كيلة سمن المدينة نص كيلة زبدة لابيل ذايبة
قرصة ملح
قشور الليمون مرحية مليح
ماء الزهر مخلط ب 3مغارف ك ماء حسب الحاجة
ملعقة سكر احرش مذابة في الماء الزهر و هذا سر النجاح
الحشوة
4كيلات لوز مرحي بقشورو و هاذا احد اسرار نجاح او
كاس سكر احرش
2اذا كانو كبار
قشور الليمون نكثرو منها تقتل ريحة البيض
التحضير
نضع الفرينة المنخلوة في وعاء و نحفر حفرة نصب فيها السمن الذايب و البارد اياكي ان يكون ساخن ..
نبدا نخلط و نضيف قرصة الملح و نفرك العجينة كيما البرشة مليح و من بعد عقبيها في السيار و هاذي ايضا احد عفايس الدزيريات صفي العجين مليح من اي كويرتت و ابداي بلي لماء الزهر حتى تتعجن العجينة شوية كويريها و ضعيها في نيلون في مكان فيه ظل و خليها اكثر من ساعة واذا حبيتي خليها ليل كامل
وهذا سر الدزيريات راح تنطرح العجينة مليح ماعيكش هاذي راهي مجربة و مضمونة
بعدها نقوم بتحضير الحشوة بخلط ابمقادير و تشكيل كويرات حجم حبة الجوز ولي عندها ميزان حوالي 26غ
نبسط العجينة بالحلالة ونمررها في الالة رقم 5 ثم رقم7
من بعدها نقطع العجينة بدوائر قطرها 8سم او بقطع التي تباع وهي مشرشفة من االتحت ومدايرة كي المقواسة او كاس نتاع حليب ..
نحكم كوردون اسنان بعد مر دطيت حبات الحشوى فوق العجينة المفطعة نضع الكوردون في حافة العجبنة ونحكم بزوج صباعي نلض على العجينة و نطلعها بالكوردون حتى ناحصل على شكل مشرشف وفي الاخير نسقم الحواف المشرشف مليح نمضيهم مليك حتى متيحلوش في الفرن …نضيف حبات اللوز حب لتزيين
ندخلو حوالي 20 منزيدش حتى تتحمر مليح ومنساوش الفرن يسخن مسبقا
كي يطيب القاطو من تحت نشعل عليه من فوق حتى يحمار ج مليح …
نوجدو السيرو:
عسيلة
ماء الزهر
كي يخرج القاطو نتركوه ببرد مليح و من باعد نديريلو العسيلة الساخنة ونضيف اللماع ان كان تاع عروس…
ملاحظة :يمكن استبدال الوز للتزيين بالوردة المصنوعة من عجينة الوز و كل وحدة و تفننها….
واصلي تميزك
اما بالنسبة لاخت لي سالتني
العجينة هي لي تحبي تخليها ترتاح ممكن ديريها في اليوم الثاني بشرط تغلفيها مليح بالنيلو و تحطيها في الثلاجة و كي تعودي راح تخدميها خليها في حرارة الغرفة باه تنحلك
اما بالنسبة كي تخدمي الحبات بالاكي تخليهم يباتو راهم يبسولك يا الحنونة …….غير تخدميهم طيببهم ..ومن بعد عسليهن
