قرات سؤال لاخت عن طريقة عمل كسرة الرخساس
عملتها هده العشية صورت المراحل لافادة الاخوات بطريقتي في عملها وان شاء الله تعجبكم
اولا كسرة الرخساس باه تكون ناجحة السميد يكون متوسط ما يكونش ارطب
المقادير سميد زيت ملح خميرة قاطو ماء دافئء زبدة
للتزين اختياري سانوج وحبة حلاوة
نبسس الدقيق بالزيت مليح حتي يدخل الزيت في الدقيق
نحط الملح كمية صغيرة من خميرة القاطو ونبدا نعجنها بالماء العجينة ما لازمش تكون طرية
نخليها ترتاح ربع ساعة
بعد ما ترتاح ربع ساعة نحط ملعقة اكل زبدة ونعجن بيها مليح حتي تتشرب العجينة كل الزبدة راح تصبح عندما عجينة ملساء
قسميها
في هده الاثناء حطي الطاجين ومن الافضل يكون طين يسخن
حلي بالقرصة وطيبيها الباقي بالصور
ان شاء الله تجربوها وتعجبكم
mais w3lach thaoti zabda
السسنوج قلت اختياري يعني اللي ميحبش ما يدروش
شكرا للمرور
ممكن سؤال : كم كمية الزيت تضاف عزيزتي
الله يسلمك حبيبتي
ان شاء الله كي ندير مطلوع راح نصور الطريقة
فقطط أحنا الرخسيس نطيبوه في طاجين الخميرة
لكن ما يديروش السنوج
مشكورة غاليتي
