ملتقى المتزوجات لنشكر العشير 2024.

السلام عليكن الجيريا

خياتي المتزوجات واسمحولي يا العازبات

حبيت اليوم نفتحو تجمع او ملتقى نسائي نفضفضو ونتناقشو ونبلهو ونحكيو تجاربنا
اكيد كل متزوجة تمر بلحظات جد سعيدة واخرى صعبة ولان العازبات مرات يخافو من الزواج خاطر النساء يشكيو ويشكيوحبيت نخرجو على القاعدة وكل وحدة تعطينا مواقف مرت بها في حياتها الزوجية حمدت الله على زواجها وشكرت زوجها احنا المتزوجات ننكر العشير ومن هذا الملتقى خلينا نحاول نصلح من طباعنا ونشكر العشير
الامر لا يعني ان لا نشكي بل العكس لي عندها مشكل تتفضل واحنا نناقش معها ونفيذها ونخليها تتجاوز الموقف وتستغله لاصلاح حالها
التجمع سينجح بمشاركتكن
الجيريا تفضلن

الزواج نعمة ورزق من الله والحياة بطبعها ولحكمة من ربي لن تخلو من المنغصات وانا وككل متزوجة مريت بمواقف اريد ان انساها وبمواقف دائما احب تذكرها لانها تزيدني حبا وتعلقا بزوجي
اتذكر وقت بداية الطلق لولادتي ان زوجي كان جد مضطرب وكان يحاول مساعدتي حتى في المستشفى لم يترك حتى عاملة النظافة وترجاها ان تدير بالها عليا وبقي البورتابل يرن منذ ان فارقته حتى خلص الشحن وبعهدها جا هو والحمد لله كنت ولدت كما انه ساعدني في فترة النفاس وهذا الموقف زاد من حبي له
ملاحظة ولادتي الاولى لم يكن يعرف حتى ابسط الاحتياجات او المساعدة لي نحتاجها لكني احكيت معاه ووضحتلو الامر فكانت النتيجة جد مفرة لي
مرات الشجار والصمت لا يعطي نتائج لكن الحوار افضل

حبي و احترامي لزوجي يزداد مع كل موقف اجده بجانبي و لا يتركني خصوصا اثناء فترة حملي لقد كانت فترة صعبة لم يتركني خلالها و لم يتدمر اطلاقا من تعبي و الحقيقة انني كنت مريضة جدا و قد حصل تقصير اتجاهه الا انني لم اسمع و لامرة انه يشتكي و لا انسى ابدا يوم دخولي المستفى لألد كم كان مضطربا و خائفا جدااااا و كنت ارى الدموع في عينيه و عند خروجي الى غرفتي كان اول شخص اراه و اتى لي بالورود التي احبها و ظل جانبي طول فترة خروجي من المستشفى خصوصا انني قمت بعملية قيصرية ففي نص الليل اقوم بايقاضه من اجل مساعتي فلا يتردد ابدا…………………… لو نبدا نهدر مراحش نسكت ،هههههههههههههههه

السلام عليكم و رحمة الله تعالى و بركاته
بارك الله فيك أختي على الموضوع عجبني بزاف
شوفي انا ما عنديش فترة متزوجة لكن كاينة حاجة يديرهالي و هي كي يشوفني مقلقة و لا زعفانة ( خاصة أيام الحيض نكون بزاف مقلقة) ما يخطينيش و يقعد معايا حتى يضحكني و يروحلي التقلاق و هاذ الأمر من أيام الخطوبة كي كنا نحكوا في التلفون ثان كي يحس في صوتي انو مرانيش نورمال حتى نولي نورمال باش يكوبي ربي يحفظو
المهم على كل أخت تفكر في إيجابيات زوجها علابالنا بلي كامل الرجال فيهم سلبيات و حنا ثان فينا سلبيات لكن التفكير في الإيجابيات جميل جدا و هذا يخلي العلاقة الزوجية راقية جدا

ana mazelt matzewejtech….w kount dima khayfa men had lfikra li2anou 3andi nadra sawdawiya 3la rajel wel7ayat zawjia
ana ki 9rit klemkoum tfa2elt
rabi yhenikoum nchallah m3a azwajkoum w yorzekoum dorriya sal7a
w ysakher leli mazalou azwej sali7ine….amine ya rab
الجيريا

اللهم آمين
و ربي يرزقك بالزوج الصالح

والله موضوع رائع حبيبتي ثقتي بربي

ربي يهنيكم يار ب و يصلح حالكم

وربي بعثكم لينا باش نتمكنو من معرفة الحياة بمرها وحلوها من خلال تجاربكن
لكي مني احلى تقييم

بارك الله فيك موضوع رااائع وعندك حق العلاقة الزوجية فيها الايام السعيدة والمشاكل لكن للاسف حنا دايما نتفكرو الا الاوقات العصيبة وكما قالت حبيبتي نور الهدى ليس الرجال فقط فيهم سلبيات نحن ايضا عندنا سلبيات لذا من الاحسن ان نتغاضى عن بعض سلبياتهم حتى يتناسو سلبياتنا وتستمر الحياة

من المواقف ان زوجي كان معي وقت الولادة وبقي في الغرفة حتى وضعت ولانني كنت قيصري اصر على المكوث معي وحتى انه اثر على نفسه من ان يتناول الافطار لانه كان شهر رمضان وبقي معي حتى طلبت منه انا ان يذهب الى البيت ويفطر

كي نتفكر حاجات اخرين نجي نحكيهم هههههههههه

ربي يحفظ لنا ازواجنا ويسخرهم لنا ويبعد علينا الشيطان ويرزق كل عازبة زوج صالح

الصديق وقت الضيق هذا هو زوجي يسمحلي بزاف سواء في فترة وحمي او في الولادة او في النفاس مثل ماراكم تحكيو كثرة عليه ولكن اصعب موقف لي ضرني بزاف ولحد الان معرفتش اسبابو عندو عام مرضت بدون أي سبب و حكمت الفراش وقلت نموت والحمد لله هو الوحيد لي سهر من اجلي ورغم ذلك مزال يشوفني اجمل وحدة في حياتو ربي يخليه ليا ويقدرني على اسعاده نعيش معاه ونموت معاه هههههههههههه

choukran oukhti lik ala mawdou3
ana natfakar nhar kount natwaham w hachakam raja3t tkayit
fi chombra howa maskin ali msahli w nadaf al ard hadi omri ala nansaha
maskine
rabi ikhlin aazwajna
w la3koub ali ùazalou

اترك تعليقاً إلغاء الرد