وصفة بالشفلور ساااهلة وبنينةويحبوها الصغار
شفلور تغسليه وتسلقيه في ماء وملح وفلفل اسود وتوم
يطيب صفيه وديري بيشامال
2 مغارف زبدة و2زبدة ع النار وحركي مللليح وضيفي بول كبير تع حليب وحركي حتى تخثار بعدي على النار وضيفي جبن كمية مليحة وملح وفلفل اسود وقطعيلها معدنوس
حطيت الشفلور في بيركس ومن تحت صبيت شوية بيشامال
ومن فوق غطيت الشفلور كااامل ودخلتو الفرن 20دقيقة
من بعد حطيت عليه جبن ورجعتو حتى داب وقدمتو
هده من ابسط ما نستطيع تقديمه لاولادنا ويجي شهي وسريع التحضير في نفس الوقت
بارك الله فيك
فقط ملاحظة
راك كاتبة في البيشامال مرتين زبدة وانت تقصدي الفرينة فقط للاخوات الي مايعرفوش البيشامال ولو انه نشك تكون فيه فئة كبيرة
وهدا تشجيع منكلعضواتنا
نتمنى مشاركات اكثر
وانا راني نخمم في كاش حاجة لانه سبق لي وحطيت موضوع عن طبق بالشوفلور
انا نديرهــــــا بصح مع لجريوات ماشي شفلور
وأنتى مشاء الله مديتى لينا فكرة مميزة وطبق شهى
بصحتكــــــــــــــــــــــم وبالتوفيق
ويفضلوها على كل وصفات الشفلور
لكن للاسف المشكل في الصور…
