السلام عليكم اخواتيمن عاصمة البيبان ولاية برج بوعريريج جبتلكم طبق تقليدي لنحبو بزااااف
ونديرو يوم الجمعة بالتداول مع طبق الكسكسي وهوشخشوخة السياروهو طبق معروف كثيرا في الشرق الجزائري..ويجي خفيف وبنييين.وبدون اطالة اليكن حبيباتي طريقتي في تحضيره..
نحتاج لتحضير المرق-اطراف من الدجاج او اللحم-3حبات قرعة و3حبات جزر مقطعين طوليا-حفنة حمص مشمخ -حبة بصل مقطعة رقيقة-سنينات ثوم-زيت-ملح-فلفل اكحل-فلفل احمر حار و حلو-زنجبيل(مفيد و يعطي بنة هايلة للعجائن-راس الحانوت-1او2حبات طماطم مكرفجة-2مغارف طماطم مصبرة-نضع الكل في القدر مع كاس ماءونقلي جيدا(قد ماتقليها تجي بنينة)ثم مرقيها وضفي الجزر والحمص وخليها طيب.ونروحو للشخشوخة (طبعا انا نوجدها من قبل ونيبسها )ناخذو المقدار ليرايحين نديروه ونرشوها بشوية ماء ونديرولها شوية زيت باش ماتلصقش ونفوروها ثم نعاودوها بالماء كيما الطعام ثم نفوروها ثم نزيدو نعاودوها بالماءاو المرق ونفوروها للمرة الاخيرة ونديرولها الزبدة.وما ننساوش نديرو القرعة طيب ونحيو الجاج ونرشوه بشوية فلفل اكحل وشوية كمون ونقليوه ونسقيو الطبق ونقدنوه مع المرق (انا شخصيا منحبوش مسقي بزاف)وتكلوه بالصحة والهنا
[align=center]يعطيك الصحة[/align]
[align=center]وموفقة حبيبتي[/align]
و بالتوفيييييييق عزيزتي
mais hna ndirouha sauce rouge
wteni manyebsouhach m3a tetakhdem nfawrouha
tafwira wehda bark
yarit thatilni ki fech tekhedmouha ntouma bech net3alamha btariktkou
.
