هذه وصفة للسيدة بوحامد دارتها عندها 3 سنوات او اكثر في رمضان
عجبتني وجربتها وكانت النتيجة رائعة
تشبه للصامصة
المقادير
500 غ فرينة
100 غ زبدة او سمن
ملعقة صغيرة ملح
بيضة + صفار بيضة
ماء + ماء الزهر
نشا
بياض بيضة للصق الشرائط
الحشو
300 غ لوز مرحي بقشوره او اي نوع من المكسرات
3 ملاعق كبار جلجلان محمص
2 ملعقة كبيرة زبدة ذائبة
3 ملاعق كبار سكر عادي
3 ملاعق كبار ماء الزهر
التحصير
خلطي كل المقادير واعجني بماء وماء الزهر حتى تتحصلي على عجينة لينة ومتماسكة
خليها ترتاح مدة 1/4 ساعة او اكثر
حليها بسمك رقيق جدا – تقدري تستعملي الالة –
بعدما تحليها اقسميها الى 3 مستطيلات
ذرذري النشا على سطح كل مستطيل وحطيهم فوق بعض وعاودي حليها بالقنوط بسمك رقيق جدا
قصيها شرائط متساوية
حطي كل زوج فوق بعضهم بهذا الشكل بعدما تكوني دهنتي الوسط نتاع الشريط الاول ببياض بيضة
حطي الحشوة في الوسط
وابداي اغلقي الحبة وكل مرة ادهني الوجه ببياض بيضة
اقليهم وعسليهم وزينيهم بالجلجلانية او فستق
اتمنى انها تعجبكم
رووووعة يعطيك الصحة
هايلين …
سعدت جدا بقراءة ردودكن
منورين حبيباتي
سعدت جدا بقراءة ردودكن
منورين حبيباتي
