جبتلكم واحد الوصفة تاع لي مادلان
امممممممممممم واش نقولكم
بنان بزاف بزاف ويذوبو في الفم
المقادير
بيضة ، كاس سكر ، 4 مغارف كبار زيت ، 4 مغارف كبار حليب
نص كاس ماء يكون دافي شوي ، حبة بنان ، 2 مغارف مليانين
بودرة الكاكاو ، كاس فرينة ، 1 خميرة قاطو
التحضير
نديرو البيضة مع السكر ونخلطوهم مليح مليح حتى يطلعو ويذوب السكر
من بعد نزيديو لحليب
الزيت
وحبة بنان باع مانكرازوها ( نهرسوها ) بفرشيطة
ونزيدها معاهم ونضيف الماء
من بعد نخلطو الفرينة الكاكاوو ولخميرة
والكاكاوو لازم يكون النوعية الجيدة هذاك لكحل تاع الميزان الي ريحتو باهية
د
ونزيدوهم للخليط
نخلطو مليح ويكون امممممممم
حتى وهو ني بقيت نذوق فيه ريحت البنان والشوكو
من بعد نديريوهم في لي كيسات الصغار
وندخلوهم يطيبو
مايدوش بزاف وقت من 10 الى 12 دقيقة برك
ندخلو فيهم عود الاسنان اذا طلع ناشف خلاص طابو
ونزينوهم كيما نحبو
ان شاء الله يعجبوكم
ديمل ديما تفكروني بدعوة خير خواتاتي
ودي واحترامي للجميع
جات رووووووعة بار الله فيك و أسعد الله قلبك بالخير
هايلين يعطيك الصحة
مون الله اكمل أعليك بالخير
شكرا لمرورك
وامين وبارك الله فيك على الدعوة
