مادلين بالنقش
المقادير
4 بيض+1 كاس سكر +1 كاس زيت + 1 كاس ياغورت + 1 مغيرفة صغيرة فنيلا +2 كيس خميرة + فرينة (واحد 3 كيسان)+ 3 مغارف كبار كاكاو+ زبيب و شكولا نوار للتزين .
الطريقة
1. ضربت البيض مع السكر، الفانيلا، الزيت و الياغورت ،.
2. غربلت الدقيق مع الخميرة و قرصة الملح 3 مرات باش يجي خفيف و ضفتوا وخلطت بالسباتيل
3. رمدت الزبيب مليح فالفرينة و زدتو خليتها شويا جارية
4. قسمتهاعلى 2 نص زدتلو 3 مغارف كبار كاكاو و نص زدتلو شويا فرينة
5. درت ليكيسات فالمول و دهنتهم بالزيت
6. شديت 2 مغارف وحدة بيضة و دوزيام تاع الشكولا و بديت نفرغ في نفس الوقت 2 لوان
7. دخلتها للفور و كي طابو درت الشكولا الذايبة في سورنغ و نقشتهم مالفوق كيما الحنة
نشالله يعجبكم اعطوني رايكم راني دياتهم ضيفة
الله يعطيك الصحة تضيفي بيهم وما تحشميش يحمر لوجه
بارك الله فيك وحنا نستناو واش تدي معاك للمرة الجاية للضياف ههههه
بارك الله فيك وحنا نستناو واش تدي معاك للمرة الجاية للضياف ههههه
روعة يا ام منذر
يعطيك الصحة اختي ام منذر.هااااايل
يعطيك الصحة هايلين هد لمدلان لكان غير تبعتلى صحن نكون ليك مشكورة يعطيك الصحة اختي
شكل جديد تقدري حتى تخرجي بيه يعطيك الصحة اختي
يعطيك الصحة اختي
امممممممم بارك الله فيك
