سلام اظن انو الموضوع باين من عنوان انا مخطوبة و عن قريب العرس و محتارة كيفاه نقول لعجوزتي ، نقولالها ما جاتني تقيلة و كلمة ما نحب نقولها غير لامي ، و انا يبانلي كا واحدة تقول لعجوزتها ما راهي تالعب فيها و تكون لمعاملا تاعها عكس الاسم لي راهي تنادي بيه (تسمحلي كل وحدة تنادي لعجوزتها ما ناس بكل ماهومش كيفكيف باصح انا صدفت قداه من واحدة تعامل فيها المعاملة لي نحكي عليها) و حابة نعرف كل وحدة فيكم واش تنادي لعجوزتها ، باه ندي فكرة عليكم و باه تنصحوني و شكراااا ليكم
لوكان كنتي تحبي عجوزتك كون مطرحتيش علينا قاع هدا السؤال وكون راكي عيطتيلها ما بلا ما تخمي هههههههههههه
حاولي تحبيها باش جيك كلمة ما ساهلة ولا نقولك قوليلها لاله كيما نتاع بكري هههههههههههههههه
من غير كلمة ما ولا يما معندك حتي شي تاني تناديه بيها
انا نادي عجوزتي بعجوزة جهنم هههههههههههههههههههه (في ظهرها هههه من كثرت الاعمال و كذب ونفاق نتاعها )
باول كنت ناديها بالحبيبه كنت نشوفها هيا الي جابتلي حب حياتي بصح مطلعتش تستاهل هدي الكلمة
دورك ما نعيطلها والو نهدر ديركت معاها
ربي يوفقك اختي
ﻻتختاري الاسم على حسب المعاملة وﻻ تحكمي على ماهم عليه العرائس السابقون ….. اختاري انت امذا تناديه على حساب قلب نوغمالو كي خطبوك راح جيك بﻻ متخمي كيفاش نتادي عجوزك سواء ما و ﻻ عمتي او خالتي او …….
انا عن نفسي لم استطع انا اناديها ما وﻻ ادري لماذا رغم انها طيبة معي و الحمد لله منذ اول يوم ناديتها باسم خالتي و على ااعتقد انه يناسبها …
زوجي طلبي مني انا ناديها ‘ما’ و كلنني لم استطع و هذا على حسب النفس و على حسب الانسان واش ريحو
و من الممكن تلقاي شحال من كنة في الدار و كل وحدة واش تنادي عجوزتها رغم انهم في منزل واحد و تختلف المنادات تلقايهم معاندوش بعضاهم
و انا عكس ما قالته الاخت نور الياقوت فالمنادات ﻻ عﻻقة لها بالحب او الكره…..و اذا مقلتيلهاش يما او ما ماشي متحبيهاش فالبلعكس كاين كنة تقول ما يو يما و نهار كامل و هي دير في المشاكل
هل هدا يدل على الحب ام تمثيل
وحدة تعيط لعزوجتها باسمها لانه ولادها تاني يعيطولهاك هاك
وختي زاوجة
تقول لعزوجتها
الحاجة ولشيخها تقوله الحاج
انا بحدذاتي نبلوكيت حرت كيفش نعيطلها اذا تزوجت
مرة وحدة كانت معايا فالعمرة
قالتي قوليلي
ماما سارة مشي سارة
جاتني صعيبة
قولتلها منجمش قولتلها هاذي نقولك خالتي سارة
نظن احسن لو تعيطيلها يما والله اعلم اختي
راهي في مقام امك
ثاني هاد الكلمة تلين القلوب
وتخليها تحبك
خمي مليح في القدام
مع أنها رحمها الله كانت طيبة معي ….و لكني أم أستطع مناداتها أمي ….
ربي يكملك بالفرح و السرور حبيبتي القائمة
و مشكورة على التساءل الجميل
