اهلا و سهلا حبيباتي ليوم بغيت نحطلكم وصفة كعك روعة الصراحة اني وجدتها في مجلة مغربية و جربتها و جاتني شابة غادي نعطيكم المقادير كيما جاءت في الوصفة نبدا على بركة الله 
4 بيض-4 طلاعة-2 كيسان و نصف سكر-2 كيسان زيت- 3 كيسان حليب دافي -نصف كاس صغير ماء الزهر – غرفية متوسطة جلجلان محمص نصف مطحون و النصف الاخر صحيح – كاس صغير نافع و حبة الحلاوة مطحونين شوية – خمارة مذوبة في شوية حليب. * نضع اولا السوائل + سكر + جنجلان و النافع و حبة الحلاوة ثم الفرينة و الطلاعة حتى نحصل على عجين طري و ميلصقش في اليد نخلوه يرتاح 5دقائق و نبداو نشكلو فيه ثم ندههنه المرة الاولى بصفار البيض و النسكافي و الخل نتركه يخمر جيدا و ناكد على جيدا ثم نعاودو ندهنوه للمرة الثانية و نرشه بالجلجلان و ندخله للفرن. *نروح الان للملاحظات : 1-انا درت نصف المقادير فقط 2-درت ملعقة واحدة ك ماء زهر و 2ملاعق ك حبة حلاوة غير مطحونة و ما درتش النافع 3-مخليتش العجين يرتاح 5دقائق فقط بل ساعة او اكثر 4-لما شكلته ما دهنتهش للمرة الاولى 5-باش يخمر مليح حميت الفرن و طفيته ودخلتهم فيه 6-لما دهنتهم رشيت النصف بالجنجلان و النصف الاخر بالسكر لكن لاحظت ان المرشوشين بالسكر لما درتهم يطيبو ماطلعوش مليح و لي بالجنجلان طلعو ما شاء الله و البنة روعة نتمنى تجربوه. اسفة لاني ما حطيتش صور ما نعرفش كيفاش ندخلهم.
و لكن مفهمتش وش معناها طلاعة؟؟؟؟؟؟؟؟
ومانرش عليه السكر هو لي مايخليهش يطلع يعطيك الصحة واول مرة نسمع الفرفارة يسموها طلاعة
