رايحة نعطيك انا كيفاش نديره ويخرجلي روعة
2 زلايف كبار فرينة " الزلافة تاع الطعام"
كاس كبير سكر
كاس كبير زيت
كاس تاع موتارد خمارة تاع الخبز
2 نوفا"فياضة"
مغرف كبيرة سانوج
مغرف كبيرة حبة الحلاوة
مغرف كبيرة بسباس
كاس تاع لتاي ماء زهر
مبشور الليمون او البرتقال
** حللي الخمارة في كاس حلبي دافي وخليها مدة 5 دقايق
ثم خلطي باقي المقادير جيدا وزيديلهم الخمارة وخلطي مليح ويلا ماتلمتش كملي بالماء الدافي ادلكي مدة 15 دقيقة وخليها ترتاح 10 دقايق.
من بعد عاودي ادلكي شوية باش الهوا يخرج" ديقازيه" مدة 3 حتى 5 دقايق
ثم قطعي قطع صغيرة و شكليها حرابيش ولويها دائرة وخليه في بلاصة دافية حتى تشوفيه خمر
في ذاك الوقت جيبي صفار البيض وادهني الكعكات من الفوق تنجمي تخليه هاكة او تذري السكر الاحرش او حتى الجلجلان.
هاذا يدير كمية مليحة ويجيني هايل
تحياتي
شوفي اختي ماعنديش باش نصورهلك راه عندي قرلو
وزيد الميكرو تاعي من عهد حنبعل وماسينيسا كون نديرله كابل يطرطق
saha 3idek
بالتوفيق
