حبيت في هدا الموضوع كل مرأة عاملة
تعطينا طريقة التحضير المسبق لبعض الأصناف التي تحضرها لفطور رمضان
و لأكون واضحة أكثرهناك كثير من الأطباق التي تحضر قبل وقتها – تضعها في المبرد مثلا- و لما تحتاجها المرأة تلقاها واجدة
ألي عندها تجربة و طريفة ما في تحضير أي صنف معين تحطه
أتمنى يكون فيه مشاركات كثيرة
و بهذا نساعدوا بعضنا البعض
شكرا مسبقا
قبل رمضان نشوي الفلفلة وننظفها ونقسها على مجموعات لأن زوجي يبغيها في الطابلة مع العشا
أيضا نوجد الثوم نرابيه ونحطه في بوقال زجاجي مع شوية زت القصبر والمعدنوس نطحنهم ونحط في الكونجيلاتار
الطماطم نتاع الحب أيضا نطحنها ونطيبها والى الكونجيلاتار
البهارات شريت راهم واجدين جابهملي راجلي من مغنية لخطرش يجو من المغرب ويجو شابين
حتى الزيتون نغليه ونديره في ساشي والى الكونجيلتار
وقبل يوم نوجد حتى البوراك نحطه في علبة خاصة بالمجمد ونفصل بيناتهم بقطعة بلاستيك وكل يوم نجبد العدد اللي نحتاجه
واللي عندها شي حاجة تزيدهالي باش نديرها
اللهم بلغنا رمضان
إذا أنت عاملة قوليلي واش تحضري ’
أنا أيضا امرأة عاملة
و فيما يخص التحضير المسبق لفطور رمضان
أنا أيضا نحضر الفلفل من قبل لكن أنا نطيبه و في وقت الفطور غير نجبده و نحميه
المعقودة كذلك نوجد نهار ايه و نهار لالا و لهذا نحضر كمبة تاع يومين و نقسمها نقلي النصف و النصف الأخر نضعه في علبة و نضعه في الثلاجة ماشي في المبرد
الحريرة نعمل كمية كافية لثلاث أيام و نطحنها و نأخذ الكمية إلي نحتاجها اليوم و الباقي ندسها ما نزيدلها والو غير نطحنها
و الكمية ألي نستعملها اليوم نزيدلها القصبر و الفرينة و البهارات و شوية ماء
و كل يوم نجبد الكمية ألي نحتاجها
و فيما يخص السلاطة نحضر الأرز نغليه و نصفيه و نضعه في علبة
الجزر نقطعه مكعبات نغليه و نضعه في علبة
الجلبانة نغليها و نضعها في علبة
و نجبد كل يوم الكمية إلى نحتاجها و نحضر بها السلاطة
و كذلك نحضر الصلصة الخل، الزيت، الموطارد، و نضعها في زجاجة الملح نخليه للأخير
فيما يخص الحلويات
أنا نوجد القطر أو الشاربات و نضعه في زجاجة كي نعمل القطايف أو أي حلو نلقاه واجد
أيضا نحضر حشو تاع الحلويات الكاوكاو او اللوز مطحون + سكر+ قرصة قرفة و نغلق عليه كي نحب نعمل أي حلو بالحشو للسهرة نلقاه واجد
و نترك المجال للعضوات العاملات يفيدونا بأي شيء
إيه في ما يخص البوراك يمكن تشرحيلي بالتفصيل الممل كيفاسش نخزنيه أنا ما خزنتهش لنني نخاف يخسر لي
و لي رجعة كل ما تذكر شيء
و مشكورة حبيبتي
بصح إلى ماتحضريش غادي يدخل عليك رمضان و تلقي روحك غير في الكوزينا
ما تلقيش الوقت الكافي باش تستمتعي بالعبادات و صلة الرحم
بصح راني دايا كونجي في رمضان، هكدا نص نهار في الكوزينة نحضر علي يومين و نص نهار شوية شغل و عبادة و في الليل تاني عبادة و صلة الرحم، إن شاء الله…
و مين تدي عطلة كيما يقولوا demi mal
