اخواتي انا جد متوترة وقلقة ذهبت من مدة لاعمل اخر فحص عند الجينيكولوق وقالي عن موعد الولادة المتوقع وانه اذا لم الد اعاود الرجوع عنده وحدث اني لم الد في التاريخ المتوقع ورجعت عنده حددلي موعد اخر اذا لم الد ارجع عنده ليبعثني للمستشفى ويعملولي تحريض المخاض للولادة وهذا يوم الخمييس كما انه قال لي ان راس الجنين لايزال مرتفع وهذا ما اعانيه في كل ولاداتي ايضا le cole fermé
اخواتي توتري يزيد كل ما مضي الوقت خاصة ان ولادتي السابقة كانت طبيعية وصعبة واخاف كثيرا من تحريض المخاض
افكر جديا بعمل ابرة الظهر لتفادي الالام خاصة ان الراس مازال عالي
افيدوني وادعولي اخواتي خاصة في رمضان الله يجزاكم خير
درك نحكيلك انا تاريخ لمتوقع للولادة 22 جويلية ورحت لطبيبة قاتلي نزيدلك سمانة لمزيدتيش نديرلك الصيروم لازم تزيدي ويخي تعرفي هديك الخلعة بالمناسبة هدا هو ليشير اللول تاعي ومنعرفش بديت نحوس على حاجة تحل الكول ونسقسي المهم
قررت ندير واش لقيت في لنترنات نبداو باسم الله
ديري لبينوار حامي وخشي فيه حوالي نصف ساعة
ديري حبة بصلة والينسون يغليو في الماء وشوية حبة البركة ثم اشربي الماء التاعهم مع مغرفة قرفة يعني ديري القرفة في الكاس وكوبي عليها هداك الماء وشربي ثم كي تخلصي اخرجي نتي وراجلك تمشي حاوالي نصف ساعة ومبعد الجماع
صدقيني اختي انا درت هكدى بعد التراويح عند الصحور تحركلي شويا سطر هو طلع النهار لقيت بلي مازال لوجع مع العلم انو الكول تاعي كان مسكر قلت راجلي نروح كونترول رحت قاتلي 1دوى روحت للبيت زدت درت واش قتلك غير الجماع لانو صباح رمضان
بعد الفطور قوى عليا شويا سطر وساحو عليا لماير وليت للاكنينيك قاتلى 2دوى حوالى الساعة 11 حكموني على الساعة 01 زيدت بدون سيروم ولا اي شيء من عند الطبيب تحل الكول وحدو مع سطر يجي ويروح هذي تجربتي ونشاالله تكوني استفدتي المهم نوسيك لحسيتي بالوجع ديري لبينوار لشتى راكي تتوجعي وشربي واش قتلك ومشي انا رحت نمشى للاكنينيك بهادك السطر وربي سهلي
ومتنسايش الدعاء شيىء عجيب الاستغفار ونتي تتوجعي استغفري قد متقدري 1000 مرة وربي يسلكك على خير وعافية انشاء الله اسمحيلي طولت عليك وصح صحورك
ماتخافيش اختي امر الله بين الكاف والنون قادر سبحانه في الصباح يتفتح لك الكول وتروحي تزيدي في ساع ومن المسهلات لي قرات عنها مرة هو زيت الزيتون تدهني به من تحت اكرمك الله وكذلك الحمام الساخن عمري لابينوار تاعك وادخلي فيها حتى ساعة مع المشي طبعا
بالنسبة لابرة الظهر انا استعملتها في ولادتي الاولى الحمد لله ماحسيتش بالام ولكني في النهاية ولدت قيصري مكتوب ربي سبحانه
ربي يسهل لك وتولدي وترجعي لنا بالف سلامة وطمنينا عليك وعلى البيبي ان شاء الله
zina zinette اختي الف مبروك عليك المولود الجديد وتربيه بالصحة والعافية …….
ردك فيه الكثير من الفائدة لك الشكر الجزيل للمعلومات ان شاء الله راح اعملها
اسعدني مرورك اختي وربي يبارك فيك ويعطيك ما تتمني
lessi شكرا اختي انا هذا الحمل الرابع وجامي عانيت من هذا المشكل حبيت اسالك هل فتح الكول مؤلم ام عادي وكم مضى من الوقت بين فتحه والولادة ؟ اشكر ردك اختي واهتمامك ولك مني دعاء ان يرزقك الله لي تتمناي والله ان تفاعل معكن وتواصلي يريحني
ربي يسرلي وتكون ولادتي سهلة وبدون تعقيدات امين انا وكل حامل على وشك الولادة
الله هو لي خلقة وهو لي يحدد موعد ولادته
مالكي إلا الدعاء و أكثري من المشي
اللهم يسر ولادة اختنا – ثقتي بربي – واسعدها بوليدها
وأتمم عليها بالخير وعلى خير يا رب العالمين