نتمنى انكم تساعدوني حابة نعرف المسافة بين سطيف و العلمة وهل نقدر نروح العشية نقصد في المساء من سطيف للعلمة ونرجع على خاطر حابة نروح لسوق النساء نتاع العلمة ( جاتني مشية لسطيف ومانيش حابة نفوت فرصة التبضع في سوق دبي لي ذاع صيته ) ، وصح كاين فيه لبسة مليحة ،ارجوا افادتي وشكــــــــــــــــــــــــرا
عزيزتي من سطيف للعلمة كاين 30 د ب bus وكي توصلي للسانتيفي اذا حبيتي تروحي لشارع دبي راه مباشرة مقابل السانتفي
اما سوق النسا لازم تحكمي النقل العمومي
ونصيحة ماتروحيش يوم الاحد كاين السوق تلقاي الغاشي بزاااف
شارع دبي يفتحو غير مع الصباح وقيلة يسكرو جوايه 2 سا وتلقاي فيه كل شيييييييييييييييييييء الاواني الملابس بكل انواعها اثاث البيت الالكتروميناجي كل مايخطر ببالك
اما سوق النسا اكيد فيه الخضر والفواكه وفيه ايضا اللبسة لكن ماشي حطة كما تاع الشارع والاسعار ارخس
النصيحة الاخيرة ماتتسرعيش في الشراء لانك ممكن تلقاي نفس الحاجة بعدة اسعار متفاوتة دوري مليح حتى تلقاي واش يساعدك
رحلة ممتعة
