جايين ضياف و ما عرفتش واش من نوع سلطة أقدمه و الطبق الرئيسي لازم يكون مميز ممكن تساعدوني 
و ما تنسايش تصوري العرضة
ديري بوراك
سلطة عادية تاع الورق برك زوقيها مليح
شربة أو حريرة
مثوم
تحلية
و السلام
و مع القهوة ديري حلويات
و مع الشاي شوي ديري لي سيقار و لا محنشة
أنا شخصيا ما نقتلش روحي علاجال الضياف هكدا ندير برك ما نتفلسفش بزاف معهم سينو نولي نكره العرضات كااااامل
ربي يعاونك حنونة و ربي يجعلها ضيافة تحمرلك وجهك كيما يحب الخاطر
و ديري شربة أو أي حساء ديريه مليح
و ديري مثلا هادا الطبق السلق بالجاج حطاتو أخت الأسبوع اللي فات عجبني بصح مازال ما جربتوش، في هاد الرابط
سويس رول الدجاج
و شوفي هادو بلاك يعجبوك
انا نقترح عليك ديري سلاطة ماسيدوان بالروز ومعاها سلطة خضراء وديري شربة فريك او حريرة لي متعودة عليها وكاين طبق ليكويس محشيين كاين طريقيتين واحدة للاخت امال دارت معاها زيتون والاخرى لام درصاف دارت معاها بطاطا في الفرن حاجة خفيفة وجديدة وديري كسرة او خبز الدار
بالنسبة للسهرة ديري حنيفيات ساهلين وخفاف مع المكسرات
وان شاء الله يفوت كل شيء ملييح
