طاجين سمك على الفحم غداي اليوم 2024.

اليوم كاينة وحدي في البيت قلت اش راح نطيب غدا؟ بقات لي 2 حوتات وما بغيتش نقليهم حيت عاد كليته البارح مقلي قلت نعملهم طاجين على الفحم.الريحة وااااااو وطاب على خاطره ومافيهش نقطة ماء طيبته غير فلاصوص نتاعه ورافقته بصلاض فاريي.سمحولي الصور ماواضحينش مليح تيليفوني بدا يقول اااح اراسي هههههه

اي الطريقة حبيبتي دانا

اااااااااااااه شحال نحب الحوت طرقة التحضير من فضلك. بصحتك, بصحتك.

ربي يخليك حبيبتي.الطريقة سهلة
اكيد الحوت غسلته مليح وشرملته من الداخل ومن برة عملت شرحات في كل حوتة بالسكين وعمرته بالربيع والتوم والفلفل احمر والكامون وشوية حرور وشوية عصير حامض وملح وفلفل اكحل وحطيته على جنب.
في الطاجين رحيت طماطم واضفت لها نفس الشرمولة اللي عملت في الحوت وشوية زيت زيتون مع شوية زيت المائدة وخديت 2 حبات بطاطا نقيتهم وقطعتهم دوائر حطيتهم في الصوص وحطيت الطاجين فوق المجمر على الفحم يطيب كي طابت البطاطا نصف طيبة نزلت الحوت وعملت فوقه دوائر من البصل ودوائر طماطم ودوائر فلفل وزدت حطيت شرائح من الفلفل .كي قريب يطيب عملت الزيتون والحامض مرقد.
شفتي جد سهل واللذة مانحكيلكش اكيد انت عارفة طياب الفحم كيف يكون.

نزلتها حبيبتي نتمنى تعجبك جربيه وردي لي بالخبار

نزلتها حنونة .يعطيك الف صحة وعافية.حتى انا نمت عليه.بغيتي الحوت او الطاجين يجيك بنين واللي كلاه بحماق عليه طيبي في الفخار وعلى الفحم راه طيابو بنين وصحي مايسحقش ماء وحتى ادا لازمه فكمية صغيرة برك

ربي يخليك حبيبتي ومايحرمنيش من ردودك الراااائعة

السلام عليكم ورحمة الله وبركاته طبق هايل وصحي خصوصا راهو طايب على الفحم وفي الطاجين بصحتكم اختي دانا راهو يشهي اممممممممممممم