االسلا م عليكم لبنات رايحة نقلكم انو الزفيطي او بو مهراس كل واحد عندنا وش يحب اينقص لحار ولا يقلل رايحة نبدا في الخطوة الاولى :وهي تعجني كسرة تاعك عبارة دقيق +ملح+ ماء ةتدلكيها شوي متكون مطلوقة بزاف متكون يابسة وغطيها بغلاف نيلون وخليها ترتاح باه تمد العلك ومبعد روحي وجدي الطاجين المسرح ولا الاملس كل واحد وش يقلو وحطيه يسخن وديري فيه الفلفل الاخضر وحبات طماطم باه يتشواو كيما في الصورة وايضا الثوم اختياري الي يحب يدير انا نشويه مع الفلفل والي ميحبوش ميديرش و الكزبراوالدبشة قطعيها بالموس عنصر اساسي كثري ومتندميش في الاول وانتي تهرسي ولا في الاخير وحطي الماء يسخن مليح في كسرونة وديري الكسرة في الطاجين وكي تطيب قطعيها الى قطع صغيرة وهي سخونة وجدي مهراس العود وقطعي الفلفل المشوي وديري معاه شوي ملح والتوم اختياري ودقي ولا هرسي الفلفل المشوي وديري شوي كسرة مفتةوهرسي واضيفي الطماطم المشوية وهرسي وزيدي الفتات تاع الكسرة ودقي مليح برزام تا ع مهراس العود واضيفي الدبشة وصبي الماء الساخن مليح وهرسي جيدا حتى تحسي الخليط تجانس والي يحب يضيف قليل من الطماطم المصبرة او الي يحبو حار يضيف الفلفل العكري على راس المغرف هذا اختياري ويدق مليح لانو كل متضيفي الماء الساخن يشرب المهم ميكونش يابس بزاف مايكون مطلوق وكل واحد وش يحب الحار ولا نص نص ويؤكل عندنا في مهراس العود وسرو كل ما تكثري الفلفل والطماطم الحب والكزبر بزاف يطلق بن هايل ويقدم وهو سخون وبصحتكم اسمحولي على الاطالة بصح حبيت نقلكم على الخطوات بالتفصيل الممل والي عندها استفسار تقلي ونتمنى تجربوه وتقلولي رايكم
راني نسمع بيه بلي راهو بنين بزاف مصح جامي دقتو ياريت لكان تحطي المقادير مع الطريقة العمل هكدا باش نقدرو نجربوك ولك جزيل الشكر
شفتو خطرة في قناة لانداكس يجيو ياكلوه من كل بلاصة كون غير تعطينا الطريقة رنومة يشهي يشهي
شهاني فيه واحد كان يقرا معايا فالجامعة وهو من المسيلة قالي روووووووووووعة خصوصا لمحبي الحار
لكن للاسف عمري ما كليتو
لكن للاسف عمري ما كليتو
يالبنات صح بو مهراس من اجمل الاكلات التقليدية عندنا ومشهور وعندنا المراة كي تتوحم تسخف عليه ولا يجيك ضيف يقلك ديرلي برك بو مهراس شكرا لبنات على التعقيب ورايحة نرجع ونديرلكم الطريقة لعيون نساء مدونة سيدات ولكن الفحلة الي تجربو وتقلي على البنة
راني نعرفو و نموت عليه و هو حار اممممممممممم و الله رانا سخفنا عليه راهو اليوم غدانا
السلام عليكم يعطيك الصحة جا كيما يحبو الخاطركانت يما ديرو بزاف والله توحشت ملكتها ربي بطولي في عمرها نديرو و نرجع لك الخبر شكرا حبيبتي
بصحتكم ام اية كامل وبلا مزية جربوه والله ماتندموا راه يشهي
مممممممممممم يارنيم هادا اللي دايما تحكيلي عليه حار وبنين من اشهر الاكلات بالمسيلة
من فضلكي أختي اذا امكن أعطيني وصفة الشخشوخة البسكرية ذقتها مرة و عجبتني راح تكوني مشكورة جدا
