شعري تلف من كثرة الغسل 2024.

السلام عليكم

أخواتي المتزوجات خاصة، راني في حيرة كبيرة و محتاجة تقولولي كيفاش راكم ديرو
أنا زوجي تقريبا يوم بيوم (راكم فهمتوني) ، قبل ما يجي للدار ندوش علاخطرش ما نبغيش يشم أي رائحة فيا مش مليحة و كي يخرج ندوش و أحيانا ندوش مرتين باليوم من أجل الصلاة، و المشكل في شعري أصبح ناشف و تلف تقولو صوف مش شعر و من قبل كان روعة، حتى الحمامات الزيتية منفعتش معايا و قالولي خليه يرتاح من الغسل لأنو طويل و لازم الزيت يهبط للجذور بصح مع الصلاة مقدرتش
كيفاش راكم ديرو، رايو عليا ربي يجازيكم

حبيبتي انا تاني كان عندي نفس المشكل بعد الزواج ..كان شعري طويل و عياني …و لان راني قصيتو ….و استفدت الحمد لله راني قايمة بيه يعني كل يوم نغسل و لكن ما نكمثرش الشامبو احيانا نكتفي بالماء …و ننصحك استعملي ماسك للشعر هو مليح و ينفع ..انا نندير gliss و اهم نصيحة حاولي تجفيه بالفوطة بعد كل استحمام و استعمال الزيت حسب نوعية شعرك ..

شكرا أختي على النصائح للأسف زوجي ما بغانيش نقطع شعري
نحاول نغسل بالماء كيما قلتيلي
يعطيك العافية

حبيبتي انا نغسل غير بالماء وندير مرة الشومبوان فالاسبوع انا نستعمل اندريا سيروم مليح للشعر ويرطب [

شكرا أختي الياس حياتي
نظن الشامبوان هو اللي هلكلي شعري

كامل يا اختي عندنا مشكل غسل الشعر كل يوم…ننصحك بالحمامات الزيتية والبلسم بعد الشامبو لازم يكون نوعية مليحة…وما تبخليش عليه بالمرطبات الخاصة بالشعر وابتعدي قدر المستطاع عن اي مصدر حراري وما تسرحيش شعرك وهو مشمخ وما تربطيهش على التشماخ
وانشاء الله تلاقي نتيجة……على فكرة عندبالي راكي شابة بزاف علابيها يوم بيوم هههههههههههه

ايه الشومبوان يهلك الشعر

ايه حبيبتي امونة مشي عقلية زين الراجل صامط

فيبالي مشي متزوجة

شكون الي ماشي متزوجة……ما فهمتش قصدك حبيبتي

السلام عليك لا تقلقبي غاليتي فهذا شئ عادي الشعر لا يحب الماء كثيرا وخصوصا اذا كان كل يوم او مرتين في اليوم
فهذه الحالة يتقلص وتتكسر الشعرة والباقي الشعيرات طبعا لهذا يتساقط بكثرة طبعا في حل عليك بزيت الخروع
هو مفيد جدا لتساقط الشعر قومي بدهن شعرك من الجذور ثم لفيه ب Serviette مبلله بماء ساخن او ضعي راسك تحت الة تسخين الشعر اذا كنتي تملكينها مع Serviette طبعا واتركيه لمدة ساعه ثم اغسليه وقومي بتكرارذلك قبل كل استحمام وستسرين بالنتيجه وسوف يتكاثر شعرك فضلا عن ايقاف تساقطه
يمكن تكوني عروسة جديدة alors منقدرش نقولك ديري الحنة مع انها مفيدة لشعر وتمنع تساقط الشعر

مشكورة أختي على كل النصائح و ضكحتيني
راجلي من النوع الصامط كيما قالت الأخت الياس حياتي بصح أنا نفرح علاخطرش نحبو بعض الله يبارك