السلام عليكم و رحمة الله تعالى و بركاته
خواتاتي انا المشكلة تاعي اني من نهار تزوجت منعرفش نشرب حبوب منع الحمل غير نخلط نهار نشرب و نهار ننسى
و مانيش حابة نكرر الغلطة و نرفد الكرش ولادي مازالو صغار
المهم اللي عندها خبرة و كذلك طبيبة المنتدى نتمنى تجاوبني و تنصحني بالحبوب اللي تكون مليحة انا حاليا وصفولي سيرازيت عندي فقط 10 ايام من الولادة و راني باغية نحرز روحي قبل منكمل الاربعين
سيرازيت فيها 28 حبة فقط قولولي كيفاش نشربها و متى و وقتاش نحبسها
لاني كنت متعودة نشرب ميكروفال (30يوم بدون انقطاع ) و مع هذا حملت ( مع العلم اني كنت ننسى نشربها احيانا 
)
رجاءا لا تبخلوني اريد حلا في اقرب فرصو و شكرا مسبقا
انا نقلك ماكانش كيما الستيغيلي راهو اضمن وزيد مافيهش ضرر كيما حبوب منع الحمل انا كلهم جاوني كيفكيف يديروا القلقة و الامراض تع ربي انا نحيتهم ودرك راني بالحساب بصح ديما في خلعة نقول كون نهز بالحمل
والحبوب تع 28 نسيت كيفاه يتشربوا الاخوات درك تفيدك
هدرولي على الستيغيلي بصصح انا نخاف وزيد حبوب منع الحمل اضمن
انت راكي تريسكي……..هههههههههه
شكرا حنونة على النصيحة بارك الله فيك
بالنسبة لحبوب منع الحمل الخفيفة و الخاصة بالحليب ماتتوقفيش عن شربها يعني تخلاص العلبة زيدي الثانية باستمرار انا وصفوهالي في اليوم العشرون بعد الولادة وإذا كنت تنساي كي حالتي برمجي ساعة البورتابل او اي ساعة كل يوم و على نفس الوقت
اولا مبروك البيبي والحمد لله على سلامتك ربي يجعله من الذرية الصالحة وينبته نباتا حسنا
ميكروفال راهي فااابل بزاف وزيد لازمها وقت معين انا شربتها في الاول ومن بعد حسبتها ودرك راني كما ام عماد ووليد بالحساب رغم اني جبتهم سيزاغيان مي حاجة طبيعية احسن من اني ندخل الكيمياوي في جسمي
لانو الحبوب كااامل فيها اعراض جانيبة
ربي يسهل لك اختي وتدخل الطبيبة تفيدك اكثر
و شكرا على الافادة هاذاك واش يليق لاني ننسى بزاف
الله يسلمك حبيبتي يبارك فيك
قوليلي برك هاذ الحساب كيفاش و نظن انه فيه ريسك لاخطرش متنجميش انت تتحكمي في (……….) ياك فهمتيني……ههههههه
