هذا التتبيلة تاع السمك تجي بنينة هايلة وتجي مع كل انواع السمك وخاصة الاسماك لتكون فيهم ريحة قوية
التحضير:
تتبيلة: ملح +فلفل اكحل+ زعتر+ عصير نصف حبة ليمون+زيت الزيتون وخلطيهم مع بعض وادهني بيهم السردين او اي نوع تاع حوت مليح مداخل والخارج وخليه10د يترقد مبعد رمديه فلفرينة واقليهم .
صلصة الطماطم: حبة طماطم مسكرفجة +2سنات ثوم ديريهم على نار قليلة لمدة5د
من جهة اخرى في ميكسور ديري قسبر اخضر+معدنوس+عصير نصف ليمونة+ ملح+كمون+فلفل اكحل+زيت الزيتون ارحيهم مع بعض وضيفيهم للصلصة وخليها لمدة 10د وتقدميها مرافقة للاسماك
اتمنى يعجبكم وتجربوه لانو فعلا السمك بهذي التتبيلة يجي مممممممممممم.
لا تنسوني من دعوة في ظهر الغيب.