سأزور بيت الله الحرام باذن الله 2024.

السلام عليكم ورحمة الله تعالى وبركاته
سأزور مكة باذن الله انا وزوجي وابنتي ريماس وام زوجي واخو زوجي الصغير
جاوبوني على اسئلتي ارجوكم وخاصة لي زارو بيت ربي او لي عندها معلومة
واش ندي ليا؟ ولبنتي؟وراجلي؟
ماكلة بنتي نيلها كلشي؟ولاكوش؟وكاين السخانة ثما والبرد بالنسبة لملابسها
ومعليش نرفدها في هاذا

والعمرة عادي نديرها وانا رافدتها فيها
والصلاة كي نكون نصلي فالاوقات كيفاش نديرلها اجيبوني ربي يجازيكم
بخصوص الذهب عادي كي نكون لابسه ذهبي لي دائما لبساتو
الا كشما عندي استفسار راني نعاود نحطو
جاوبوني وربي يجازيكم كل خير

ماشاء الله ندى تقبل الله غاليتي
نتمنى الاخوات يفيدوك اكثر
ساقوم بحذف الصور لانها مخالفة
حطي صور مفيهاش نساء غير مظللة الوجوه

ماشاء الله الاخت ندى تقبل الله غاليتي كعاد رايحة انت وعجوزتك من الافضل تاخذ الاكل معاكم كما الطون لحميص الطعام لمحمصة لان الاكل عندهم غالى ومعندوش ذوق كما تاع بلادنا قد ماتقدري خوذي الاكل اللي يكفيكم مدة الاقامة لان معضم الناس اللي راحت بدون اخذ الاكل ندمت وكذلك لبسيسة الطمينة تساعدك على سد الجوع وانت وما تريدين اخذه ويكون في نفس الوقت خفيف بنسبة لبنتك ارفديها وين رحتى بحامل الاطفال وحطها على ظهرك في وقت الصلاة لانك متقدريش تتركها وحدها والاخوات ايفيدوك في النقاط الاخرى

مبروك عليك و ربي يبلغ زيارتكم أنا زوجي راح العام ال فات و على حساب وش حالي رائحة ان شاء الله نفيدك بالنسبة للباس من الافضل يكون قطني على جال العرق و في الطواف من الازدحام بزاف ال يطيح لهم الخمار فمن الافضل تكوني دايرة زوج خيمارات لا طاح واحد يبقى واحد و بالنسبة للأكل ديري الروينة لانها نخليك وقت طويل شبعانة بالنسبة لحوايج بنتك اديلها حوايجها كامل لتسحقهم لخطر تكون مالفتهم ان شاء الله نكون أفدتك و متنساينيش من دعاءك

ماشاء لله حبيبتي تروحي وترجعي باسامة وحج مبرور وسعي مشكور ولا تنسينا من دعاء لله غالب ماعندي علم

الله يقبل زيارتك و ييسرها لك

ربي يسهل عزيزتي
الوقت هذا تكون سخونة
ادي غير الكسرة رخسيس او تاع الزيت كيما تقولولها
كلش كاين لهيه عليك و على دراهمك
بنتك كي تعودي تصلي حطيها قدامك اديلها بوسات صغيرة و الكابة تاعها . الترموسة تاع الماء السخون ادا كانت ترضع بيبرونا
اللانجات باه تغسيللها . لانوا كاين الغاشي
الدهب نورمال ماتديش الثقيل . الخفيف تاع ديما
ادي الملابس الداخلية ياسر ليكم . السخانة
و ادي حبل تاع نشير و مساسك باه تنشري حوايجكم
المواد الغذائية و تاع التنظيف كلش كاين
المهم الكسرة لانه خبزهم مسوس
و الا كروكون. صابلي حاجة شايحة للحليب
لابراس تاع القهوة و البن اذا تشربو قهوة
و الريزيستونس صغيرة تاع الكهرباء باه طيبوا
و من ثم اشريو و طيبوا كلش كاين حتى الحمص المرنخ. الكسكسي ..كلش
بالنسبة للقرابج ادي بواه طيبي
حنا الحق شرينا من تم ثم وحايد ملاح جبتهم و الباقي صدقناه
ربي يسهلك حنونة و ادعيلي نزيد نزورها
و ما يحرم حتى واحد منها
امين

ربي يسهل 1000000000 مبروك

ربي يكملك ان شاء الله نتمني تدعيلي معاك