حبيباتي ما يخفاكمش شحال نحبو البقلاوة
وزيد هي ملكة الاعراس
و العيد
وكل المناسبات
لكن لكل وحده منا طريقتها سواء في العجينة او في التزيين
التزيين ماشي مشكل
لكن العجينة انا درت البقلاوة الف مرة يمكن او اكثر و بطرق مختلفة
و تجيني مقرمشة هايلة
لكن مؤخرا صارت تجيني مقرمشة اليوم الاول و تبدا تطرا بالشوي
انا شكيت في الرطوبة اللي عندي في البيت كوني نسكن قدام البحر
قولولي هل من حل؟؟
و واش هي طريقتكم فيها؟؟
و هل من اشكال و افكار جديدة للتزيين
راني حابة نديرها لوحده حبيبتي وليدها جوز سيزيام و ما حبيتهاش تجيني مبهدلة 
يعني خلونا نديرو موضوع خاص بالبقلاوة هنا لكن رجاء ماتكونش الوصفات منقولة من النت انما من تجاربكم الخاصة الموثوقة
و شكرا مسبقاااا
شوفي اختى ريهام كما قلتي كل الكيفيات استعملتها وجامى تحصلي واش قلتي كما شرحتي ممكن وهى سخونة وحفضتها في علبة بلاستيك وخبيتها في الثلاجة او الكنجيلاتور بطريقة غير صحيحة موؤخرا عملت بقلاوة بطريقة هذه وجات تهبل مقرمشة وبنينة …………………………..كاس حليب+كاس زيت+حبة بيض+فاني+قرصة ملح+مغرفة تاع الشاي خمارة+فرينة تخلط المقادير كلها وتضفي الفرينة حتى تتلم وتكون لعجينة طرية وتقطعيها الي 30قرصات صغار اكبر شوي من حبة الجوز وتخليها ترتاح 3ساعات في ثلاجة …………ملاحضة حطيها في بسينة تكون عالية باه متسيحش الزيت منها داخل الثلاجة وبعدها حضري العقدة انتاعك كما موالفة ديريها وبعد 3ساعات خرجيها من الثلاجة تلقاي الزيت خرجت من العجين ارفدى القرصات وحطيهم فوق الطاولة بدون عجنهاكما راه حطيها وتكون الطاولة مرشوشة بالنشاء وابدئ بحلها بالحلال مع قليل من النشاء لان العجينة تكون شوي طرية وانت تحلي فيها استعملي النشاء وبعد ذلك كل ماتحلي قرصة حطها بجنب وتكون مكسلتيها وتكون القطر ديالها 10سم واعملي فوقها النشاء كرري العملية حتى تكملي الطبقة الاولى فيها 17 ورقة وبعد ذالك كسلي هم قد بلاطو ديالك وديري العقدة واستعملى القرصات الباقية مثل القرصات الاولى وحطيها فوق العقدة وقطعها على الشكل المحبوب عندك ووزعي عليها بعد القطع الزبدة ذائبة وتكونى سخنتى الفور وخليها طيب وانت تلاحضين عبر الزجاج الفرن هذه البقلاوة مطولش في الطياب بلخف الطيب عندك تحرقيها او تخليها عجينة وعند خروجها اسكبي العسل وخليها تبات في العسل او اتركها مدة 5ساعات في العسل وشهية طيبة اختي كتبت لك ما اعرف لانني منعرفش انحط الصور وممكن نعملها بالصور او الفيديو قريبا ان شاء الله وشكرا وراني هنا للاستسفار ……ملاحضة الزيت اللى ساحت من العجين اتركيها ولاتستعمليها في العجين وهذه المقادير تاع بلاطو الفور وانا كتبت لك المقادير العجين والباقي كا العسل والزبدة عينك ميزانك الزبدة تقريبا اجيك اقل من 500غ اما العسل تقريبا 250غاو 300غ والكاوكاو ترفد اقل من 1كلغ المهم انا كلفتني 60 الف ودرت تقريب 70 حبة
شكرا اختي ام محمد الامين
تعبتك اكيد في الكتابة
ماعليش ماشي قد تعب البقلاوة هههه
المهم
انا صح جربت عدة وصفات للبقلاوة لكن هاذي تاع الزيت و الخميرة ما جربتهاش
ان شاء الله نجربها ونرد لك الخبر
بالصح قبل قوليلي ما ذكرتيش اذا تدهني بين الطبقات راه ضروري اكيد والا هاكذاك بالعاني اكتفيتي بالشاء؟؟ما نتصورش تورق من دون زبدة
و تاني بسستيها برك بالزيت مادرتيش زبده؟
اما العفسة تاع القرصات الصغار بلاما نعجنوهم تاني اكيد مليحة
شكرا اختي ربي يجازيك
سؤالي التالي للخبيرات
ايهما افضل للبقلاوة السمن او المارغرين او الخلط بين السمن و مارغرين التوريق
و واشنهو السمن المفضل للبقلاوة؟
بقلاوة انا نعملها بهذا الطريقة والله يبارك الورقة تتجعد وتجيء روعة تقرمش
ومنها استخرج
بقلاوة الوردة سوف اشرحها فيما بعد
وهي جدا سهلة فقط تتبعي الخطوات وتحترمي المقادير
شوفي اختي
5 كيلات فرينة حسب حجم الكيلة
نصف الكيلة ليدام فيها زيت وزبدة الفيتاج باريسية او ركطا ….
باكي خميرة في 2 كلغ فرينة انت كمية صغيرة تعملي رشة
ملح
فاني
نخلط الفرينة وليدام نحك جيدا مع باقي المكونات عادي مثل اخرى
ثم نرمي ماء الزهر ختي ترجع عجينة ملساء
نتركها ترتاح
العقدة
نرحي اللوز كي الطعام 3 كيلات
السكر كيلة ناقصة 2 اصبع
قرفة
ماء الزهر
مغرفة زبدة
الطريقة مثل البقلاوة
فقط نذوب زبدة الفيتاج
ونعملها بين اوراق
7 من تحت 6 من فوق
هدا سنيوة للعروس عملتها
[URL=https://www.saudicars.com]
[/URL
وتزينيها بهذه الورود
URL=https://www.saudicars.com][img]https://img07.arabsh.com/uploads/image/2015/06/02/0c364c4364fb02.jpg
يا اخت ريهام اكتفيت بالنشاء بين الطبقات لان في الاخير تسيحي ليدام اما بالنسبة ليدام داخل لعجينة قلت كاس زيت اما تسقيها باليدام كتكملى انا درت لبال وجات هايلة اختى ريهام الكيفية كما قتلك لعبار بالكاس لزيت وكاس حليب هذه مقادير بلاطو تاع الفور وشكرا
ماشاء الله جاتك هايلة يعطيك الصحة و شكرا لتفاعلك في الموضوع
هكذا نتبادل الافكار و الكل يستفيد
كل الشكر ليك اختي
كاين تاني لي يدير شوية لحظة بودرة في العجينة و شوي سكر يقولو تجي طايبة من الداخل مليح
تاع لحضة مجربتهاش انا ندير حليب سائل وطريقة التى قتلك عليها جيك طايبة من داخل كما احب الخاطر
