اللهم صل و سلم على سيدنا محمد.
حبيباتي لبارح درت خبز تونس و الوصفة راااائعة كنت نديرها للضياف مع التاي و مليحة لسهرات رمضان طبعا.
-كيلة بيض
-3/4 كيلة سكر
– مبشور الليمون.
-كيلة زبدة ذائبة.
-كيلة نوادكوكو او لوز او كوكاو.
-كيلة بسكوت بدون ملح مطحون او خبز يابس.
-1 خميرة الحلوى
**للسيرو..
كاس سكر+ 2كاس ماء نحطهم فوق النار حتى يطيب مالازمش يكون عاقد و نحطو يبرد.
اولا نضرب البيض و السكر بالباتور+ مبشور الليمون و نخلط .
نضيف النوادكوكو و نخلط.
نضيف نصف كمية البسكوت مرحي و نخلط.
نضيف البسكوت المتبقي + خميرة الحلوى و نخلط مليح
ندهن المول بالزبدة و نفرغ الخليط.
ندخلها للفرن 180 د حتى تطيب و يتحمر الوجه
غير نخرجها نفرغ السيرو بارد و هي سخونة.
نرش عليها نوادكوكو نزينها و نقسمها مربعات.
و هاهي جااااهزة للاكل بصحتكم.
ماشاء الله روعة
كيفاش كيلة بيض؟
كيفاش كيلة بيض؟
سلام حبيبتي كيلة بيض يعني اذا كيلتي ببول افقسي فيه البيض حتى يتعمر يعني تقدر تكون كيلة من 4 الى 6 حبات بيض على حساب القيلس تع البول كبير او صغير.
اممممممممم بصحتكم
يعطيك الصحة روعة نعتبرها من الحلويات الفخمة لي تحمر الوجه
والله نموت عليها خبز تونس وسيرتو نتاع ماما
والله نموت عليها خبز تونس وسيرتو نتاع ماما
مممم يسلم يديك عزيزتى كارولين
يمممممممممممم يشهي من وقتاش حابة نجربو ان شاء الله ساخد الوصفة
تسلم الاياديييييييييييييييييييييي
باين لديد ان شاء الله نجربوه
باين لديد ان شاء الله نجربوه
يعطيك الصخة انا كذلك درت هايل
امممممممممممم باينة هايلة يعطيك الصحة
