ليوم جبتلكم حلويات عيد الاضحى ان شاء الله تنال اعجابكم
المقادير:
3-كيلات فرينة + -1كيلة مارغاريين +سمن (يعني نص زبدة ونص سمن )+ ماء +ماء الزهر + ملعقة صغير فانيلييا + قرصة ملح
العقدة: 3كيلات لوز+ 1كيلة سكر عادي+ ماء الزهر + ملعقة صغيرة فانيليا
الشربات: سكر عادي+ 1كاس ماء+ ماء الزهر
التزيين : سكر قلاصي ومادبيك تغربليه
طريقة تحضير العجينة : في اناء ,ضعي الفرينة,فانيليا,قرصة الملح.ديري حفرة في الوسط واسكبي المارغارين وسمن الذائبة وتكون باردة ,حكي الخليط مليح بين يدييك وثم رشي بماء الزهر والماء تدريجيا حتى تتحصلي على عجينة سهلة الاستعمال, قسميها الى كريات وخليها تريح
ومابيد لعجينة راهي تريح نروحوا نحضروا العقدة:خلطي اللوز +السكر+فانيليا ثم زيدي ماء الزهر غير بشوية حتى تتحصلي على عقدة متجانسة
ومنبعد ناخدولعجينة ونحلوها بالحلال بسمك 3مم قطعي دوائر بواسطة طابع مدور او كاس شفرته رقيقة ضعي شوية من لعقدة في طراف دائرة ومنبعد شكليها على شكل حربوش ثم شكليها على شك هلال و غلقي الاطراف جيدا بالاصابع
ومنبعد ديري الحلوى في صينية مرشوشة بالفرينة وديريها في الفرن طيب وماتخليهاش تحمار بزاف
ونروح دوك لشربات :
نخلطو السكر مع لماء وماء الزهر ونديرهم فوق نار حت تعقد شوية
وكي نخرجو لحلوى من لفرن وتكون بردت مليح نغطسوا حبة تشاراك في شاربات ونخلها تقطر في لكسكاس وناخدوا 2اكياس بلاستيكية ونديروا فيهم سكر قلاصي ونديروا 4حبات تشاراك في لكيس الاول ومنبعد نعاودولوا في لكيس تاني وديرهم في صينية ومنبعد تاخدي صفاية تاع لحليب وديري فيها سكر وغربلي تشاراك ملفوق
المقادير:
2 علب بيمو شوكلاطة من نوع تانغو+ 3ملاعق زبدة ذائبة+ علبة حلوة الترك+ كاس كاوكاو محمص ومرحي خشين + 5علب شوكلاطة مذوبة في قليل من الحليب لازم تخليها خاثرة
للتزين: فارميسال شوكلاطة+ كاكاو+ جوز الهند
طريقة التحضير :
نرحي لبيمو وحلوة الترك جيدا ونضيفلهم كاوكاو لمطحون ونخلطهم مليح ومنبعد نضيفولهم زبدة ونخلطو مليح ومنبعد نديرولهم شوكولاطة لمدوبة في الحليب بصح مادريهاش كامل حق ماتتلم لعجينة وتقدري تشكليها وشوكولاطة الاخرى نخلوها باش نستعملوها في ترماد لبنيون
نعمل كويرات من لعجينة ونخليها تريح ومنبعد نغطسوا لكويرات في هاديك شوكولاطة ونرمدوها في لفارميسال ولا جوز الهند كيما حبيتي ومنبعد كي تنشف حبة لبنيون ديرها في ليكيسات
ملاحظة:لكويرات لي يترمدوا فالكاكاو مكلاه تغطسيهم في شوكلاطة رمديهم هكداك
الله يسلمك اختي وانتي تانيت صحة عيدك 
ما شاء الله الله يبارك و يزيد فكرتني في طابلة عيد الفطر يعطيكم الصحة تشهي حلويات و عليها الكلامبصح قوليلي روميسة بيناتنا زعم هذ النهار ماشي راهم جيين نسابنا باش يجيبولنا حقنا نتاع العيد
ههههههههههههههه بارك الله فيك هايلين
بارك الله فيك حلويات تشهي وديكور مميز ورائع
يجعلها عامرة حبيبتي
بصح
.
.
.
.
حنا طماعين تكرمي باسم الحلويات والوصفات
ولك كل الشكر
ولك مني احلى تقييم
هههههههههههههههه جبتها صح نسابنا جاو + يبارك فيك حنونة وصح عيدك يبارك فيك ختي وصح عيدكم الله يسلمك ختي 