بيت العائلة .مشاركتي باحسن موضوع نقاشي للحياة الزوجية 2024.

موضوع جيد عزيزتي بحكم تجربتي والتي نحكيها ,شيخي عندو 2 ديار قعدت مع دار شيخي سنوات وبعد ذلك ان انتقلت الى المنزل الاخر عشت وحدي عام بعدها جات سكنت معي طفلتي اي اخت زوجي الارملة باولادها الثلاث لا اكذب عليك خفت في البداية قلت بيني وبين نفسي ربما جات لتسبب المشاكل وانا كنت هاربة منها لكن الحمد لله لم يحدث اي شيئ سكنا مع بعض 8سنوات وانجبت 2اولاد من قبل كان عندي طفلة ولا يوم صار مشكل بيني وبينها احيانا الاطفال فقط ومارعلهمش كانت هي تربي معي وزوجي اربي في اولادها وهكذا…….حتى اشترينا منزل وانتقلنا اليه

ما شاء الله موضوع هايل احلامو . راكي ذكرتي في مقدمتك الرائعة انو بيت العائلة هو ملجا المراة ان طرات على حياتها هاته الظروف . وين رح تروح اذا ما راحت لدار باباها .قبل ماتجي لعروسة و تصبح مولات الدار كانت تلك الفتاة هي مولات الدار ايضا و يبقى بيت ابوها هو بيتها . و الزوجة الي متقبلش بهاذ الوضع نقولها خمي لو انت مكانها لقدر الله تروحي للشارع ؟! اكيد لا . لكن على هذه المطلقة ايضا ان تعرف حدودها و تعي انو مابقاتش هي الكل في الكل و تحاول السيطرة و تدير كيما تحب عليها ان تحترم وجود الكنة الي هي مولات البيت ايضا . و في الاخير ما نتمناو حتى لولية يخليها ربي فظروف هكا . ربي يلطف بنساء مطلقات تعاني في بيت اخوتها .

يجب على الزوجة ان تصبر و تحط روحها مكان هذه المطلقة او الارملة
ما عندها وين تروح مسكينة
لكن اذا كانت شريرة من الافضل يقسموا كل وحدة تطيب وحدها

السلام عليكم
موضوع رائع اختي احلام بارك الله فيك
كما ذكر هو كان من قبل بيتها وكتب الله لها ان تعود اليه لظروف قاهرة فعل كل من الكنة واخت الزوج التزام حدودهن وان يتفقن مع بعض احسننفربما العشرة تطول وان لا يفتعلن المشاكل فكل منهما سيوضعان في مازق فالبنت تتهم بانها تفتعل المشالك وزوجة الاخت تتهم بانها لم تحتمل اخت زوجها
فلذلك التفاهم هو الحل الاحسن
شكرا

كيما قالو الأخوات المرأة إذا ترملت أو تطلقت ماعندهاش وين تروح من غير دار باباها و الكنة لازم تتفهم الوضع ودير روحها في بلاصة هذه البنت، ولازم دير في بالها أنو واحد ماعلابالو كيفاش راح يكون غدوة بلاك تولي هي في بلاصتها و ماتتحملهاش مرت خوها. في نفس الوقت لازم هذه البنت تحترم مرت خوها لأنها بإحترامها ليها تكون إحترمت خوها؛ و أن نشوف أي مشكل يحل بالحوار الهادئ

المطلقة ماعندهاش وين تروح اذا موفرلهاش طليقها بيت عندها دارباباها هوما اولى بيها وزوجة الاخ معندهاش حق تفول منحتاجهاش هي لي مفروض تخرج اذا معجبهاش الحال مع انو البنت مالازمش تدير هي ثاني المشاكل واذا كانت هذه المشاكل يقسمو لزوجة الابن وحدها والبنت معندهاش شكون يرعاها غير دار عايلتهاتبقى معاهم