السلام عليكم ليوم نحطلكم وصفتي تع البوراك بالعجين باش نبدلو شوية لانو بوراك الديول مرات نكرهوه على جال الزيت لي يرفدها …
— العجين–
250غ فرينة.
50غ زبدة ذائبة.
3مغارف زيت .
ملح.
قرصة خميرة كيميائية.
ماء للعجن.
نخلط المقادير و نلم العجين بالماء حتى تولي عجينة طرية نخليها ترتاح شوية و نجهز الحشو.
–الحشو–
حبة زرودية مرابية.
حبة فرعة مرابية.
حبة بطاكا مرابية.
حبة بصل مرابية
+ ملح + فلفل اسود + قرفة + زيت + فنجان ماء. نحطها تطيب مع التقليب.
نحل العجين و نحط الطابع الخاص الموضح فالصورة ..
نحط الحشو و قطعة فرماج و نغلق الطابع…
نستف الحبات فالسنيوة …
ندهنهم بالبيض و نرشهم بالسانوج و الى الفرن 180د حتى يتحمروووو.
و هنا بعد ماطابو و راهم واجدين باش نحطوهم فوق مائدة رمضان .
و شهية طيبة ..
هذي الوصفة حنا نسموها لي شوصون
راااااائعة جدا
بارك الله فيييييييييييك
عجبتني الحشوة بزاف راني رايحة نديرها درك و نحشي بيها الخبيزات للفطور ….سلمت يداك اختي
اهااااااا
تسلم ايدك حبيبتي
امممممممممم شهيتني
ديجى كرشي راهي اتقرقر
بارك الله فيك على الوصفة اختي
ههههههههههههه كولي بصحتك
والله غير عندك الحق البوراك يشد الزيت و هكا ساعات نبدلو
يعطيك الصحة راح نقيد الوصفة ..وخصوص الحشوة جديدة علينا
صح رمضانكم
