السلام عليكم ورحمة الله تعالى و بركاته
مرحبا
درت بسكويت بالياغورت و جبتلكم الطريقة
المقادير
2 علب ياغورت دانيت
4 علب فرينة ( تقيسي بعلبة الياغورت )
3 حبات بيض
نص كاس زيت
2 كيسان سكر
1 خمارة القاطو
كوكاو و منى للتزيين
طريقة التحضير
في اناء نحط 2 علب الياغورت و نضيفو ليهم 4 علب فرينة و نبقى نخلط فيهم بعدها نضيف السكر و الزيت و البيض و الخمارة
و نبقى نحرك إما باليد أو الخلاط حتى نتحصل على خليط
نجيبو صينية ندهنوها بشوية ذهان و نحط فيها الخليط
بعد ما طيب نديرو في حمام مائي علبة منى + شوية ذهان + مغرف قهوة طايبة و نذوبوهم مع بعض و بعدها نطلوهم على البسكويت و نرشو الكوكاو المطحون قطع صغيرة و دخليها للثلاجة تبرد و تحكم روحها
و هذي هي النتيجة
إن شاء الله تعجبكم الطريقة
شكرا على المرور
اممم هايلة انحب حلويات الشوكولا
بصحتكم اختي
دوختيني بمنى ماجيت نفهمها حتى قلت بالاك غلطت فالكتببة هههههههههه
يشبه لكيكة دانيت موالفة نديرها هااايلة
و هذا البسكوي ايضا منظره يشهي
شكراااا منيني
الله يعطيك الصحة حبيبة