بريوش و لا اروع 2024. - سيدات الجزائر

حبيباتي
اليوم جبتلكم بريوش رااائع
انا دايما نديرو و كي عاد رووعة ما حبيتش نبخلكم
و جبتلكم الوصفة
بشرط ديروه كيما راني مورييتلكم
و اكيد رايحين تدعولي

هذو المقادير يديرو 10حبات
حبة بيض
ربع كاس زيت
4مغارف سكر
4مغارف لحظة
مغرف كبيرة خميرة الخبز
قرصة ملح
نصف باكي خميرة القاطو
كاس ماء دافيء
3كيسان و نصف فرينة
حبات شكولاطة للحشو

في ليان او بسينة صغيرة نديرو
البيض السكر الخمارة اللحظة الملح الزيت الماء و كاس الفرينة و نضربو بالباتور
انا عندي العجانة سهلتلي العملية
كي نضربوه مليح بالباتور راح يدير فقاعات حبسي و اضيفي الفرينة الباقية و نصف باكي الخميرة نتاع القاطو
رو اعجنيها تكون ماهيش يابسة مليحة ماهي مطلوقة ماهي يابسة
اعجنيها و خليها ترتاح غطيها طبعا
و من بعد هبطيها و كرري العملية 3 مرات
و المرة الرابعة شكلي دوائر و حشيهم بحبة شكولاطة
و ادهنيهم بصفار البيض و رشي عليهم سكر و جللان
و خليهم يخمرو و غطيهم
كي يخمرو طيبيهم في فرن يكون سخون و زيدي اشعلي من الفوق
و شهية طيبة مع صالح دعائكم للوالد ربي يرحمو
جربيه و مش حتندمي
تحيات ام آية

اممممممممممممممم في اتم الروعة
بارك الله يك
وبصحتكم

بارك الله فيك ام اية
فعلا هذه الوصفة انا ايضا اعتمدها من مدة و هي راااااااااائعة
يجي خفيف و بنين بزاااف
بصحتكم هذا هو تع السحور هههه
رحم الله والدك و اسكنه فسيح جاته
و رزقنا و اياه الفروس الاعلى.

بارك الله فيكم وبصحتكم

مرورك هو الاروع حبيبتي
حفظك الله الجيريا

شكرا حبيبتي على الدعاء
هذا هو البريوش لي قلتلكم عليه
تالمون نديرو بزاف و لا يجري في يدي
تسلميلي يا الغالية الجيريا

الله يسلمك حبيبتي
ربي يخليك الجيريا

يعطيك الصحة اختي وربي يرحم والدك ويوسع عليه في قبرو ويدخلو جنة الفردوس راني نجربو ان شاء الله بخطواتك ونسميه بريوش ام اية

ههههههههههههههههه
ربي يخليك حبيبتي
و شكرا للدعاء
ربي ينورك حنونة الجيريا

باين. بنين. يعطيك الصحة

اترك تعليقاً إلغاء الرد