عندي عام و نص ملي راني مخطوبة و اهل خطيبي ما يزوروني ما يحوسو عليا malgré و الله غير ما درتلهم والو
حتى اختو اللي كمنت ديما نحكي معاها قطعت علاقتها بيا بدون سبب
كي سقسيت راجلي و قلتلو واش بيهم تبدلو عليا قالي ماكان ما دخلني في امور النساء
و الله غير راني حايرة و زيد la famille تاعي كاملين راهم يدلو يحوسو و يسقسو عليهم ادا جاو و لا لالا و هاد الشي اللي راه مقلقني
يعيشكم قولولي واش ندير و الله غير بديت نهبل
و على التيليفون و الله غير عيطتلهم و ما رفدوش عليا ماراني فاهمة والو
أختي لعزيزة يسمينة الله يسهل عليهم يسقسو ولا مايسقسوش
حاولي مرة ولا اثنان ويلا لقيتي روحك غير انت تحوسي اجبدي هادي غير خطبة يعني مجرد وعد فقط بالزواج المهم أكيد راح يبانو نهار عرسكم وتتبدل العقلية الله يكملكم مابقا على خير .. و المهم خطيبك مازال مقتنع بيك أمالا ماكالاه تشغلي بالاك بيهم .. ومن دورك لازم تقتنعي وتقنعيهم بلي لي حوس عليا وعيطلي نحوس عليه ولي ماحوسش حتى انا مانحوسش هذا قبل الزواج أما بعده
فأقول لك الله يعينك ويفرج همنا وهمك
المشكلة في هاذ الوقت ان ام الزوج والحماة صارت ضرة
يعني تغار منك كأنك ستأخذين زوجها لا ابنها
طبعا ليس الكل بل الأغلبية
و المرأة بطبعها او الانسان عموما كل مايكبر تزيد حساسيته من اتفه الاشياء
يعني كل شي يضايقه
وانت كبنت اصغر منها تحملي قليلا وارمي وراء ظهرك
منها اجر ومنها تربحي نفسك من وجع الراس
ويبدو من اسلوبك نك انسانة واعية وقلبك ابيض
عامليهم متل عائلتك يعني تصرفي معهم بطبيعتك وبدون رسميات ابقي عادية وطيبة معهم والباقي على الله خصوصا أمه
واذا اجهدتي نفسك تطلبي الرضا سيعتبرونك ضعيفة ويدوسو عليكي
كل مايجب عليك البقاء طبيعية وعادية معهم والله ولي التوفيق
وانا نظن كاينة حاجة الي خلات اهل خطيبك مايزوروكش لا في البيت و لا عبر الهاتف
حببتي اذا انت مازال مروحتيش لعندهم ويعاملوك بهذه الطريقة فكيف وانت
مازلت معزة مكرمة في بيت اهلك
انا نصيحة مني حاولي ان تضعي النقاط فق الحروف وحاولي تحلي هذا المشكل مع خطيبك بطريقة لبقة
اتمنى لك التوفيق حببتي.
مرسي بزااااف على الرد و ربي يخليك على الوفقثة الحلوة
كلامك صح 100*100 و الله كيما درت معاهم حصلت ربي يجيب الخير برك
المهم الففففففففففف شكر حبيبتي على النصيحة ربي يرضى عليك
ايه صح و الله غير السبب الوحيد اللي قلقني هي دارنا كي يسقسو عليهم صباح و عشية مي ماعليش ربي وكيل كل ظالم
مرسي حبيبتي و ربي يهنيك ياااا رب
المشكلة هي اني ماعييت نقلب في راسي مالقيت حتى سبب هوما في حدهم و احنا في حدنا
يعني كي يجو نكرموهم و نقصرو معاهم و ما تكبرو عليهم ما ماولو حتى هوما يبقاو حايرين من المعاملة الحسنة تاع ماما
و اومبعد دوروها غربة سبحان مبدل الاحوال
على كل حال شكرا بزاف حبيبتي و ربي يخليك على النصيحة
و الله يقدم الي فيه الخير
