ما تخبيش عليكم انا واقعة في ورطة مع قلب اللوز
اولادي وزوجي يحبوه بزاف وجربتو قداش من مرة وبطرق مختلفة
لكن لم ينجح واللي نشريه ماهو مضمون للصحة كما تع البيت
امالا مالقيتكم غير انتم اخواتي ، اللي مجرباتو ونجحلها تفيدنا جميعا
وتعطيلنا المقادير والطريقة بالتفصيل
لكم خالص الدعاء والشكر
انا عن نفسي شربته اكتر من مرة ما نجحليش ومرة لقيت طريقة لاخت اسمها نسرين وجربته جالي مليح مش متل المشري لا لكن مليح غدا ان شاء الله نحوسلك على الوصفة لان دورك روحت نرقد ومن بعد رجعت تفكرت حاجة ههههههههههههههه
جربيه وقوليلي
قلب اللوز
*المقادير:
-1 كغ سميد خشن.
-700غ ألى 750غ سكر عادي.
-100غ سمن ذائب.
-كاس شاي من ماء الزهر.
-القليل من الملح.
-ماء ضروري حوالي ربع لتر
-ملعقة من الفانيلا.
*الحشو:
-اللوز.
-ماء الزهر.
-قرفة.
*الشاربات:
-300غ سكر + 1لتر من الماء + كأس شاي من ماء الزهر.
*طريقة التحضير:
-ابدأ بتحضير الشاربات و ذلك بوضع السكر و الماء يغليان لمدة 10 دقائق في نهاية الغليان أضيفي ماء الزهر و اتركيه يبرد.
-أخلطي السميد ، السكر، الملح و الفانيلا. أضيفي السمن الذائب اخلطي جيدا بأصابع اليد فقط من دون أن تعجنيه و رشي بالماء و ماء الزهر من حين ألى آخرتماما كما يحضر الكسكس .
-اتركي الخليط يرتاح على الأقل نصف يوم ، ادهني السينية ضعي فيها نصف الخليط و ضعي عليها الحشو ثم غطيها بالنصف الآخر ،سويها ثم اقسمي المساحة ألى مربعات. ضعي في كل مربع حبة لوز . يوضع قلب اللوز في فرن مسخن ب 200 درجة مئوية لمدة 30 د حتى يصبح لونه أحمرفي أطراف السينية عندها حمريه من الأعلى .
-عند أخراجه من الفرن يسقى بالشاربات الباردة ثم يرجع ألى الفرن الساخن لكن مطفأ لمدة 10 دقائق . اتركيه يبرد ثم قطعيه.
احنا نسموه الشامية ابدا ماتجينيش شابة
احنا عندنا التواسة يخدموها هي والزلابية والسيقار هادا سنين
وخلاص انا ماوليتش نحاول ولييت نعتمد على اللي نشروها
دقيقة و نحطلكم الرابط
شخصيا جربتها و كانت رااااائعة بشهادة الكل
هاهو الرابط اي سؤال انا في الخدمة جربو نصف الكمية و شوفو
https://www.hananour.com/vb/showthread.php?t=13724
